فحص ما بعد الولاده؟؟؟

اي يكون فحص دخلي وعينه او مسحه عشان التحاليل

الله يعينك

والله ماعندي فكرة
بس بعد الولادة بشهر رحت للدكتورة عشان اتأكد إذا الخيوط طاحت أو لسة

والله ماا عندي خلفية بس ان شاء الله البناات يفيدوونك ... تقبلي مرووري

مشكورين خواتي ع الردود

أنثى خوفتيني
أنا توقعت مجرد تحاليل وبس.. شكلي ما بروح

من قال انه مو ضروري بالعكس ترى وايد مهم يشوفون اذا عندش التهابات او اي اورام لا سمح الله وترى هو مولم بس مو مثل الم الولادة الالم محتمل انصحج تروحين اختي

حبيبتي انا اشوفه مو مهم اذا كنتي الحمد الله بصحه ولاتشتكين شي انصحك لاتروحين لانهم يخربون كل اللي سويتيه وقت النفاس ويوسعونك انا اشوفه ماله داعي استخيري وشوفي ربك وش كاتب لك وبتوفيق؟!

كيف بصراحه ؟؟ انا اشوفه مهم والدكتوره بعد تسوي سونار وتشوف الرحم اذا كان رجع لوضعه الطبيعي ..
بالعكس اختي روحي ... وشيكي على نفسك من باب الاطمئنان ...
وتحدد لك المانع المناسب لك ...

روحي احسن لج تر مايخوف عشان تطمنين اكثر لا حد يقص عليج الي يقولون لج روحي يبون مصلحتج وعشان تتاكدين انج مافيج شيء رووووووحيييييييييي :)

من قال انه لايجوز شرعا ..
عادي .. كل الحريم بعد الولادة يسوون فحص عادي..
لان مره خالتي خذت تحاميل وعقب راحت سوت فحص طلع ان الالتهاب واصل عندها لين عنق الرحم وقالت لها الدكتورة لو ماجيتي الموعد كان سبب لج عقم لا سمح الله

لا مهم من اقول مو مهم تفحصك ووتأكد ان الجرح سليم وتسوي لك سونار وتتأكد مافي الياف او اجزاء او اي شي يمكن ماتحسين بها الحين لكن ما الوقت تتعبك انا سمعت ان وحده نسو فيها جزء من المشيمه وماحسو بهشي ومعا السنين تكونت الياف عليها وتعبتها وايد لو راحت الفحص جان اكتشفو هشي
والغرض طبي مو لعب عيال حرام والا حلال يعني انتي مو رايحه تخليها تتفرج عليج والسلام الدكتوره تتطمن وانتي تتطمني

أنا كنت متردده اروح او لااا

لاني كنت أبي اروح عن الخياط اللي للحين يألمني

ما ادري شسالفته ..مع اني صار لي شهر و20 يوم من ولدت

وكنت أبي أتطمن اذا فيني التهابات او لااا

ورحت للموعد .... قالت لي اللي بقسم الرعايه أول أتعالج عن ألم الخياط

لانه ما يصير يسوون لي الفحص مع وجود الألم ..

وشكراً لكل من رد على سؤالي

الله يساعدج أختي وضروري تروحين الفحص مثل ما قالوا الخوات واذا انتي والده طبيعي
ان شاء الله ما بيعورج ولا بتتألمين .. ما عليج شر أن شاء الله ..

! أنثى !;9406016:
والله يا اختي هذي فتوى شرعية من علماء دين .. !

و حتى لو .. معروف انه النظر الى العورة من المحرمات الا في الاوقات الحرجة و الضرورية .

و فحص بعد الولادة ما يعتبر شي بالغ الضرورة ، لأنه الحرمة تروح عشان الفحص بس ! ما تكون تعاني من مشكلة معينة .. !

لو لا سمح الله صار شي بالخياط او حست بآلام هنا تكون حالة ضرورية و يجوز الفحص !

اختي انثى ..

ياليت لو تذكرين اسم العالم اللي أفتى بهالفتوى .. ؟

و من أي مذهب؟

مشكورة..

الاخت مفتون


انتظري جوابي بالبريد الخاص !

شاعرية;9403821:

أنا كنت متردده اروح او لااا

لاني كنت أبي اروح عن الخياط اللي للحين يألمني

ما ادري شسالفته ..مع اني صار لي شهر و20 يوم من ولدت

وكنت أبي أتطمن اذا فيني التهابات او لااا

ورحت للموعد .... قالت لي اللي بقسم الرعايه أول أتعالج عن ألم الخياط

لانه ما يصير يسوون لي الفحص مع وجود الألم ..

وشكراً لكل من رد على سؤالي

الحمدلله انك رحتي واتطمنتي على نفسك .. ان شاء الله يبرى جرح الخياط بدري ...
لكن لاتهملين روحة الفحص اختي ...

أخت أنثى أساسا ممنوع تعرضين فتاوي تتبع مذهبك سواء في العام او الخاص؟!!
في الحالتين ممنوع

ردودك بحذفها للأسف لانها مخالفه