مقهورة والله

السلام عليكم ورحمة الله وبركاته ....
اشحالكم يا بنات؟؟ عساكم طبيين ان شاء الله ...
ما ادري من وين ابتدي ..استغفر الله العظيم بس يا رب فرجك

يا بنات انا خطيبي صار لنا الحين 5 سنوات مع بعض ( ما شاء الله ) اول اربع سنوات كانت عسل والله انه من كثر ما احنا كويسين مع بعض كنت اشتهي يصير بينا مشاكل مثل باقي الناس .... يخاف علي ومدلعني اكثر من اهلي وما يرضى يزعلني حتى لو انا اللي كنت غلطانه .. ما يقدر ينام الا وانا راضية ..... عمره ما قصر معي بشي لو شو ما اطلب على طول ينفذه لي... حتى مع اهلي ما يقصر ابدا ....

بس آخر سنه بينا عبارة عن جحيم انا ما بقول لكم كل يوم مشكله لا ... كل ساعه مشكله ... مره انا اغلط ومره هو يغلط وعلى هالحاله وصار يطنشني بالايام وانا زعلانه وما يسأل عني ولو دموعي تغرقني حتى ... ما تنهز فيه شعره بالعكس تخيلوا شو يقول ( اسلوبج ما عاد ينفع معاي ) تخيلوا؟؟؟ يفكرني ابكي عشان استدرجه وانا والله بالعكس دموعي تنزل من كثر قهري على الحالة اللي وصلنا لها .....

أخر مشكله صارت البارحه انا بقولها لكم وانتوا احكموا

اتمشكلنا انا وهو على سالفه خاصة وانا رفعت صوتي عليه ... ادري اني غلط ولكن بعدها بساعتين بعث له مسج واعتذرت عن كل شي بذر مني وقلت له حاول تفهمني انا متوتره ... واتصلت فيه مرتين ولا رد علي .... عقبها بساعه اتصلت للمره الثالثه ورد علي قلت له فلان ليش ما جاوبتني قال لي مو وقته تكلميني الحين ... انا سكت عنه وسكرت التلفون

ثاني يوم لين الظهر ما دق علي انا اتصلت فيه قلت له ليش ما اتصلت لي من الصبح قال توني واصل الدوام؟؟؟!!! الساعه كانت 1 الظهر ... قلت له قول لي ما تبي تكلمني قول لي متضايق بس لا تقول لي انك توك واصل الدوام لاني ما بصدق... المهم شدينا مع بعض بالكلام وهو يبي يسكر وانا ما خليته قلت له لازم ننهي الموضوع الحين .. قام صارخ وسكر بويهي التلفون .... طرشت له مسج وقلت له شكرا على الاهانه ... قام هو رجع يتصل فيني ع الموبايل وعلى تلفون المكتب بس انا ما ردت عليه لاني جد كنت مقهوره ويالسه اصيح.. المهم ف الليل الساعه 12 اتصلت فيه وما رد علي ... لين اليوم ما رد علي ... طرشت له مسج وقلت له ( خلي كبرياءك ينفعك انت حر يا فلان) وهالكلام كان الصبح ولين الحين ما عبرني .... والله اني مصايقه ومقهوره ومجروحه

اتمنى مشورتكم ودعواتكم لي يا بنات .. الله يهديني ويهديه ويفرج علي همي

أختكم
هند