حياكم على غدانا اليوم ...صور من مطبخي..

بسم الله الرحمن الرحيم

كيفكم يا احلى عرايس اليوم صورت لكم غدانا وان شاء الله يعجبكم ...

وكان عباره عن دجاج مشوي ورز اصفر وسلطه فته البذنجان يالله معاي خطوه خطوه...





خليني اذكركم بمواضيعي السابقه.....


: صينية تووووووووم لايفوتكم مع الصور من مطبخي""


سمبوسه توووووم غير ...وصور من مطبخي..





اولا الدجاج ,,,
هذه صورة المقادير اللي نحتاجها..



المقادير:
دجاجه,بصله صغيره مقطعه شرائح,ليمون مقطع شرائح,ملح ,كمون,كزبره ناشفه,فلفل اسود واحمر وابيض تاخذي من البهارات كل واحد ملعقه صغيره,طبعا والسيخ اللي تشوي فيه الدجاجه بالفرن..

الطريقه:
اولا نغسل الدجاج تمام بالمويه والملح وعصير الليمون .عشان تروح الزناخه..
وبعدها نخلط البهارات والملح مع بعض ونبدا نتبل الدجاجه ..




هذه الدجاجه تقول لكم هاي قبل ماتتبهر....






وندخل البهارات جوة الدجاج ونحاول تحت الجلد شوي..





وبعدها نحشي الدجاجه بالبصل والليمون..



ونبدا ندخل الدجاجه بالسيخ ونثبتها كويس






هذا بعد ماثبتها في السيخ الحين جاهزه تدخل الفرن..



يالله نبدا في الرز ...

المقادير اللي نحتاجها..

كاستين رز الوليمه نصيحه يابنات استخدموه روعه ,بصل مقطع,ثوم مهروس فصه ,فلفل رومي شويه وماجي ,صلصه ملعقه صغيره,فلفل اسود,كمون,كزبره ناشفه ,هرد شويه,والبهارات رشه من كل شي,وملح




الطريقه ::
اولا ننقع الرز بماء حار وملح.



نكشن البصل والثوم لمن يحمر ونرمي الفلفل رومي..







لمن يذبل الفلفل الرومي نحط بقيه المقادير..




نضيف عليهم شويه مويه..



الين مايغلي ...



نرمي الرز عليه ونغمره بمويه ونغطيه الى ان ينضج..



نبدا بالسلطه..

المقادير:
باذنجان مقشر ومقطع مكعبات,عيش لبناني مقطع مربعات,بصل,طماطم معصوره في الخلاط مع شويه صلصه,زبادي2.فصين ثوم,فلفل اسود.




نقلي العيش..




نقلي البذنجان ونصفيه ونحطه على ورق عشان يسحب الزيت..








نكشن بصل لمن يحمر ونحط الطماطم نرش ملح وفلفل اسود لمن يتجانس نرمي الذنجان..






اذا ماكان احمر كفايه نزيد صلصه..







وقلبه لين مايتجانسوا مع بعض اطفي النار..







اخلط الزبادي والثوم وملح وفلفل اسود مع بعض ..





ونبدا نجهز للتقديم... اولا نسوي طبقه من البذنجان وبعدها الزبادي ونرش العيش من فوق ..
















وهذه صورة الدجاج بعد ماخرجته...





وهذا الرز...





والسلطه..






وهذه صوره السفره..


ان شاء الله يكون عجبكم غدانا واذا عجبك لاتنسوني من الدعاء...

وطبعا مايحتاج اذكركم المجهود شخصي ما احل لاحد ينقله بدون ذكر المصدر..