انا كان حملي بعد تأخير سنتين وسبعه شهور المهم يوم حملت ماطرت من الفرحه زي الحريم لاوالله الا كنت خايفه ودموعي اربع اربع من خوف اسقط لاني كان لي تجربه مع التسقيط المهم مرت شهور الحمل على خير الحمد لله وكل ماطاف شهر هدت نفسيتي اكثر وقل الصياح ولاني تزوجت متأخره وابطيت ماحملت كنت مخططه اني أجيب عيالي كلهم ورا بعض الحق عمري على قولتهم المهم كان موعد ولادتي حسب المستشفى ب20-10-2008 رحت المستشفى هاك اليوم ولا عندي اي علامات ولاده قالت لي الدكتوره بعطيك موعد للدخول تجين علية بس لو حسيتي شي تجين على طول ماتنتظرين الموعد قلت زين كان الموعد يوم السبت 25-10 عاد كان عندي فكره لو انتظرت الموعد بيتعبثون في على قولت أمي وجلست اشرب من هالوصفات شي يانسون شي عسل بحلبه شي زيت الخروع وامشي لين تنفخت رجولي ماصار شي بيوم الأربعاء اللي يسبق موعد الدخول قمت الفجر من الم المغص ورحت الحمام لقيت الإفرازات فيها دم اعزكم الله بغيت اطير من الفرحه والخوف المهم قومت زوجي وقلت له الموضوع قرب ودني المستشفى ولاني ماعندي خبره ذا اول بيبي رحت على طول ودخلنا الطوارئ كني خلاص بولد وعشت الجو اصلا المهم جات الممرضه وكشفت طالعت وجهها مافيه حماس قلت لها كم قالت واحد سم شوفو عاد الإحباط انتظرت الدكتوره قالت روحي البيت توك بدري امشي بس انتبهي تشربين قرفه قلت ومتى اجي قالت إذا شفت دم كثير اونزلت معك مويه او كانت التقلصات والمغص كل ماله يزود وتقل المده بين التقلصات رجعت للبيت والأحباط موصل حده لدرجة مامشيت ولا ذقت شي حتى زوجي يقول تعالي اطلعي معي عشان تمشين اعيي المهم مر الاربعا والخميس والجمعه ماهنا شي دقيت السبت على المستشفى اشوف حجزوا لي سرير او لا قال لي الموظف تعالي الساعه 9 بالليل بيفضى سرير لميت غريضاتي اللي مجهزتها للولاده ورحت لهم الساعه 9ونص وانا عندهم وبشنطتي علبة زيت خروع من 4 علب شاربتها فيها نص دخلوني فوق قسم التنويم انا ومعي زوجي وخذت الممرضه الطول والوزن والضغط ودخلتني الغرفه حقتي قعد معي زوجي يسولف وانامالي خلقه قال بروح اجيب عشا واجيك قلت لاوالله ماتجيبه ملي نفسن آكل رح انت بس ودي انام المهم راح بعد ماطلع روحي بسالفة العشا وجابت لي الممرضه عصير برتقال وجت ممرضه ثانيه وكشفت قلت لها كم قالت 2سم (w)وربطت التخطيط وراحت عاد يوم ظهرت من عندي الساعه حوالي 11 ليلاَ طلعت الخروع وخلطته بالعصير صبيت الكميه كلها وشربته عاد انا خضني بطني من دخلت غرف التنويم حسيت الموضوع جد وطفيت اللمبه وقلت انام شوي دقت علي اختي وقالت هاه ماصار شي قلت لا قالت باجيك قلت لا تكفين مااحب حد يشوفني بها الوضع المهم نمت الساعه 1 ليلا قومني الم فضيع مهوب الالم اللي اعرفه حار يبدا من الظهر وينتهي اسفل البطن وصرت كل ماجاني اشغل نفسي بالدعاء واطالع السقف واتنفس تالي صرت اراقب التخطيط إذا كان الدرجه عند30 ماعليه الالم وكل مازاد الرقم زاد الالم وصرت اعرف متى بيعورني حيل إذا عدت القرأه ال130 اوووه على شدته اقصى ماتاصل ال145 وتنزل الين 30 وهكذا المهم دخلت علي الممرضه ماناديتها وكشفت وقبل تدخل كنت ابيهم يجون يفكون التخطيط كنت حشراااانه وانتم بكرامه ابي الحمام اثره البيبي ضاغط على تحت كشفت الممرضه واول ماحطت يدها حسيت بشي تفجر اثرها موية الراس اللي يقولونها وتصرخ على الممرضات ويدفوني بالسرير اللي انا عليه وكنت ماسكه الجوال باارسل لاختي رساله اعلمها اني على وشك قالت لي الممرضه انت وش سويتي شربتي شي قلت شربت خروع المهم وياخذون الجوال من يدي ويدخلوني غرفة الولاده ويزيد الالم اضعاف اضعاف واسمع الممرضه تقول للدكتوره الساعه 11 بس 2 سم والحين 9سم كانت الساعه وقتها 4 الفجر وتروح الدكتوره وتبقى القابله وتقول لي انا اشوف راس البيبي ادفعي وكل مازاد الالم احط الاكسجين كني اهاوشه المهم تدخل الدكتوره مره ثانيه وتشوف وتروح تنادي علي دكتور رجال الله لا يحللها وتسكت القابله وكل ماحسيت بالم قمت ادفع لين قالت لي ماتدفعيش الرحم حينفجر وكنت حاسه انها كذابه المهم حطت بيدي ابره وحطو على زمامي لاصق عرفت انهم بيسوون عمليه وانا زي ماقلت لكم مابي عمليه بجيب عيالي ورا بعض قلت عمليه لا عمليه لا ولا عليهم مني ويسدحوني على جنبي ويودوني العمليات ويسوون عمليه والساعه 5 و45دقيقه وفهودي مشرف على الدنيا عاد ياصحة صياح عشان العمليه الله لايوريكم يعني جربت الولاده الطبيعيه والقيصريه والحمد لله على كل حال انا اشوى من غيري بس تكفون كل من تقرا قصتي تدعي لي ان الله يرزقني بالولاده الطبيعيه المرات الجايه الله يجزاكم خير وعذرا على الإطاله .
ياليت تقرون قصتي
ح
03-05-2009 | 08:33 PM
ر
03-05-2009 | 08:46 PM
الحمد لله على سلامتك ويتربى الكتكوت بالعز ان شاء الله
وان شاء الله الجايات كلها طبيعي يارب..
وان شاء الله الجايات كلها طبيعي يارب..
n
03-05-2009 | 08:48 PM
ماشاء الله عليكى قويه وعندك عزيمه
الله يرزقك يااااااااااااااااااااارب الذريه الصالحه وتكون كلها طبيعى ويكونوا صالحين
الله يرزقك يااااااااااااااااااااارب الذريه الصالحه وتكون كلها طبيعى ويكونوا صالحين
م
03-05-2009 | 08:55 PM
ما شاء الله
ربنا يجعله ذرية صااالحة يااااارب
وان شاء الله المرات الجاية تكون طبيعى
:)
ربنا يجعله ذرية صااالحة يااااارب
وان شاء الله المرات الجاية تكون طبيعى
:)
b
03-05-2009 | 09:18 PM
الحمدالله على سلامتج
وربي يجعل كل ولاده لج طبيعيه بأذن الله
وربي يجعل كل ولاده لج طبيعيه بأذن الله
a
03-05-2009 | 09:31 PM
والله انك عسل و تخبلي :) ...الله يسعدك يارب ويعطيكي اللي في بالك...ويجعله ولد صالح..اميين
L
03-05-2009 | 09:32 PM
حمد لله على سلامتك
وسلامة فهودى^^
وسلامة فهودى^^
ط
03-05-2009 | 09:33 PM
عادي لا تخافين كثير
يولودن بعد القيصري طبيعي
يولودن بعد القيصري طبيعي
ر
03-05-2009 | 10:12 PM
الحمدلله على سلامتك وسلامة فهد ..
الله يحفظه ويحميه ..
الله يحفظه ويحميه ..
^
03-05-2009 | 10:26 PM
ماشاء الله عليج والحمدلله على سلامتج
ن
03-05-2009 | 11:56 PM
حمدالله على سلامتج
ويتربى بعزكم
ويتربى بعزكم
ب
04-05-2009 | 12:21 AM
الف الحمدلله على سلاامتك اختي
وان شاء الله تولدين طبيعيي
بس هم ماولدووج بعملية الا انتي كنتي تحتااجين
وان شاء الله تولدين طبيعيي
بس هم ماولدووج بعملية الا انتي كنتي تحتااجين
×
04-05-2009 | 12:29 AM
الف الف الف مبروك
والف الحمد لله على سلامتك اهم شيء قومتك بالسلامة
ويتربى فهودي بعزكم يارب ويازين مااخترتوا من اسم
فديته والله اسمه يجنن:)
عاجبني لانه اسم زوجي ههههههههه :o:tongue:
بس انتبهي تشربين خرااااااابيط خروع وماادري وش التساهيل من رب العالمين
والله يخليه لكم وعقبال ماتترسين البيت عيال(f)(f)(f)
والف الحمد لله على سلامتك اهم شيء قومتك بالسلامة
ويتربى فهودي بعزكم يارب ويازين مااخترتوا من اسم
فديته والله اسمه يجنن:)
عاجبني لانه اسم زوجي ههههههههه :o:tongue:
بس انتبهي تشربين خرااااااابيط خروع وماادري وش التساهيل من رب العالمين
والله يخليه لكم وعقبال ماتترسين البيت عيال(f)(f)(f)
ر
04-05-2009 | 12:58 AM
الحمد لله على السلامه وسلامة الكتكوت
وان شاء الله المرات القادمه تكون الولاده طبيعي وبدون تعب
وان شاء الله المرات القادمه تكون الولاده طبيعي وبدون تعب
ف
04-05-2009 | 01:07 AM
الحمد لله على سلامتك والله يرزقك بالذرية الصالحة والولادة الطبعية
ح
04-05-2009 | 01:10 AM
الحمد لله على سلامتك وسلامة فهد
.
04-05-2009 | 01:14 AM
ماشاء الله والحمد لله ع السلامه والف مبرووووك البيبي ...
ق
04-05-2009 | 01:46 AM
حمد الله ع سلامتك
بس الغريب ليش قررو عملية وانتي خلاص بتولدين طبيعي ؟؟
وش السبب ؟؟
بس الغريب ليش قررو عملية وانتي خلاص بتولدين طبيعي ؟؟
وش السبب ؟؟
ا
04-05-2009 | 02:17 AM
الحمد لله على سلامتك
وسلامة البيبي وان شاء الله المرات الجايه يكون طبيعي
بس انتي قلتي الراس كان بيطلع ليه ماكملو وعملو لك عمليه
خافو على الجنين من الاختناق ولا شو السبب
وسلامة البيبي وان شاء الله المرات الجايه يكون طبيعي
بس انتي قلتي الراس كان بيطلع ليه ماكملو وعملو لك عمليه
خافو على الجنين من الاختناق ولا شو السبب
o
04-05-2009 | 02:31 AM
الحمد لله على سلامتك ام فهد
وان شاء الله المرات الجايه تكون ولادتك طبيعيه
وان شاء الله المرات الجايه تكون ولادتك طبيعيه