اكيد اغلبكم يعرفون الكاب الحراري او الهيتنغ كاب (HEATING CAP )
:poster_vt:
والله بنات عجيب انا شريته من اسبوعين و استعملته خمس مرات
يفتح مسام الشعر بالحراره و يخلي الخلطه و الزيت يوصل لفروة راسج بطريقه احسن و يستفيد منه شعرج اكثر من لو حطيتي الخلطه بروحها بدون الكاب
يعني ينفع للي شعورهم خشنه و كشه و الي تبي تطول شعرها و تكثفه او الي تبي يصير استشوارها حلو و يلمع :poster_spam:
و هذا هو شكل الكرتون
و هذي شكل الكاب الي لونه ازرق و بالواير بتوصلينه بالكهربا
لا تخافون مايخرع ولاااااااشي
بعلمكم طريقته
اول شي تزيتين شعرج او تحطين خلطتج الي تناسبج
انا احط زيوت و كريم حمام زيت فاشكول او فاتيكا و ماسك بالمرز و روب و بيض و عسل و مايونيز
و بعدين اسوي مساج خفيف و البس كاب شفاف مثل الي في الصوره
و يصير شكلي جذي
و تالي البس الكاب الحراري و اخليه 20 دقيقه متواصله
هو له درجتين حراره خضره و حمره
الخضره تكون حاره بس الحمره تكون احر على قوة تحملج اختاري الحراره
لا تخلينه وقت اطول لان مو زين انا قريت في النشره حدج 20 دقيقه حتى البياع قالي
:poster_dots:
و عقب ماخلصت فصخت الكاب و تميت جذي ساعتين زياده اسوي اشغالي اما اذا مستعيله خلاص روحي غسلي شعرج و شوفي احلا نتيجه ولله نعومه بنات :thumbs:
جربت اغسل شعري و تالي احط فاشكول و البس الكاب و اخليه ربع ساعه تالي اغسل شعري بس ماحصلت نتيجه حلوه مثل الطريقه الاولى الي قلت لكم عليها
اي و نسيت اقولكم
تحصلونه عند محل نزيه
و سعره 10 دينار بس عطاني اياه ب 9 دينار
( 90 ريال )
لا تنسون تاخذون معاه كاب شفاف 10 وحدات ب نص دينار من عند نزيه بعد
و الي عندها سؤال انا حاضره
ميااااااااااااووووووو
لا تروحوووووون
عندي سؤال للبنات عن فاشكول
انا جربت فاشكول الثوم و شاريه منه 3 مرات و هل مره حابه اغير و اجرب الي بجوز الهند شرايكم ؟؟؟؟ لان انا شعري اطرافه متقصفه و ابي شي يرطبه و هذي صورته
وذا عجبكم الموضوع مانبي منكم الا دعواتكم الحلوه و التقييم يا حلويييييين