أول انطلاق لسلسلة كله من البيت .. أروع كيك لا هوهوز ولا كب كيك .. وكله مع كيكو

السلام عليكم ورحمة الله وبركاته
.~.~.~.~.~.~.~.~.~.~.


ازيكم يا بنات يا قمرات

يارب دايماً بخير

بما انى من هواة القاعده ف البيت

لكن ف نفس الوقت مين فينا مبيحبش الأكل بره

سواء جانك فود او حلوى او اى حاجة

علشان كده انا هبدأ معاكم حملة " كله من البيت "

وجاتلي فكرتها لمحاولة مقاومة الغلاء والأمراض ف نفس الوقت

البيت دايماً أنضف و ءأمن و كتير بيكون أسهل و أكيد أوفر

_____


النهارده جيبالكم طريقة عمل كيك غاااااية ف الروعة

كلنا اكيد بنحب هوهوز وكاب كيك وغيرها من الكيكات الغنية بالشوكولا

ليه منعملهاش ف البيت بكميات اكبر وطعم احلى

يلا نشوف هنعمل كل ده ازاى


المقادير :








4/1 كيلو شيكولاتة بني خام
8/1 كيلو زبدة صفراء .. بنات انا عن نفسي استكترتها فاستخدمت نصها

3 بيضات

4 معالق نسكافيه

1\2 كوب او اقل شوية كاكاو

معلقة صغيرة بودر

1 كوب دقيق عادى

1\2 كوب سكر ناعم او بودره





الطريقة :










نحط الشيكولاتة ف اناء على نار هادية جداًَ علشان متتحرقش خلوا بالكو

نستني شوية لما تسيح وبعدين نضيف الزبدة والسكر

ونقلبهم علشان يدوبوا مع الشيكولاتة










نخلط المقادير الجافة مع بعض

الدقيق + البودر + النسكافية + الكاكاو










نخفق البيض بالمضرب الكهربائي او اليدوي حوالي 5 دقايق

ونسيبه على جمب









بعد تمام ذوبان المزيج على النار

نصبه برااااااااحة على المقادير الجافة

حاسبوا تتلسعوا

نضرب بالمضرب اليدوي او معلقة او مضرب كهربائي

حسب الموجود

بعد مزج الشيكولاتة بباقي المقادير نضيف البيض المخفوق

ثم نضرب تاني لحد ما يتحول المزيج لسائل لونه بني










نحط الخليط ف صينيه ياريت تكون صغيرة او متوسطة

ولو مستطيلة يبقى اجمل بس انا معنديش

انا حطيتها ف اصغر مقاس



بس كده

نحط الصينيه ف الفرن على الشبكة فاهمييييين على الشبكة

على حرارة متوسطة و خلوا بالكو جااااااااااااااامد

لأن كيكات الشيكولاته التسوية بتاعتها رخمه جداً

و بتحتاج حرص شديييييييد لأنها ممكن تتحرق بسرعه

يعنى مدتها تقريباً 20 دقيقة راقبوها كويس

ومتفتحوش الفرن عليها كتير علشان متهبطش من قلبها









وده شكلها بعد ما تخرج من الفرن وتبرد

ممكن تقطعوها شرايح بتبقى حلوة اوى وبتدي كمية كبيرة معاكي

ممكن تضيفلها كريم شانتي او كريمة عادية

وهتبقى تحفة مع الآيس كريم مجربتهاش بس ناوية ان شاء الله

أو جيلي أو مربى أو أى حاجة

انا عن نفسي بأكولها سادة تحفة وبتدوووووووووووب



ملحوظة :

لو بتحبوا الكيك طري يمكن إضافة كوب زبادي مع خفق البيض

لو بتحبوه جامد شوية يبقى الطريقة دى بالظبط

انا جربت الأتنين والأتنين حلوين بس انا بحبها جامده



وبالهنا والشفا :)(f)