عمره 3 أسابيع ومزكم !!! شنو أسوي :(

عادي حبوبه ما عليه شر ان شالله
بيعطونه قطور ماي وملح

انا يوم ايزكم ولدي دايما يعطيني ماي وملح عادي - عطيه - ويقولي مااقدر اعطيت شي ثاني الله يشفيه

بسوووم ماعليه شر بدوور !

ولدي الاول صاده زكام بهالعمر .. البخاخ مانفع وياه .. بس قطرات الملح اللي من المستشفى و قطرات ثانية من الصيدلية وصفها الدكتور لأنه كان خشمه على طول مسكر و ما يقدر يرضع ابدا .. !

عندي اسم القطرات بس اكيد لازم وصفة طبية اخاف ما يناسبه .. لو حسيتي انه قطرات الملح مانفعته وديه للدكتور ..

otrivin baby saline حلو اوى حطيله من قبل الرضاعة وان شاء الله يبقى كويس

اللي سويتيه صح حبيبتي وهذا كلام الدكتور لي يوم زكم ولدي وقال لي اي وقت يتكرر سوي له بخاخ وان شاء الله الطريقة اللي سويتيها تكون صحيحة بس نصيحة تودينه طبيب اطفال احسن عشان يوصف لج الدوا المناسب لحالته ولعمره وما عليه الا العافية وما يشوف شر

ما يشوف شر ..

بنتي بنفس العمر صادها زكام كانت 19 يوم بالضبط ..

و صف لي الدكتور السيلان اللي يجي في انوبات .. normal silan

قالي حطي قطرة في منخار و اتظري 10 دقايق و قطري في المنخار الثاني ..

كانت في أن بنتي وايد صياحة فكانت تصيح وايد لما اقطر لها ولما قلت للطبيب قالي احسن لانها لما تصيح المخاط اللي بخشمها راح ينزل :)

الصعوبة كانت باليل لأنها ما تقدر تنام تختنق ، فالحل أنج تحطين فوطة على شكل اسطوانة تحت الفراش جهة الراس بحيث يكون الراس ارفع من باقي الجسم ، او ترقدينه في كرسي الأطفال " القعادة ".

و ما عليه شر مرة ثانية ..

عادي انا صار في محمد ولدي نقس الشئ واستخدمت بخاخ البحر المتوسط جدا كان ممتاز طبعا كان الدكتور واصفه لي

ترا طبيعي الطفل في اول شهر يجيه هالشي مو معناته انه مزكم هاذا طبيعي

عطيه قطرات عباره عن مويه وملح ،،، للتخفيف بس واعيد واقولك هاذا طبيعي لان بنتي كانت كذا لدرجه اني اقوم من النوم على شخيرها واقول معقوله خشمها كذا مسدود كيف تتنفس ؟؟ بس لاحظت ان اكثر من ام تشتكي من نفس المشكله واكتشفت انها طبيعيه في حديثي الولاده

حبايبي كلكم مشكورين على الردود

والله ما عليكم قصور وحدة وحدة

أنا بس إستخدمت البخاخ مرتين ووقفته لأن لاحظت إته ينزل في بلاعيمه ويصير له نفس المخاط فتلوع جبده مسكين

حتى زوجي راح الصيدلبة قاله ماقدر أعطيك أي دوا لأنه صغير..يستحسن لو توديه للدكتور يكشف عليه

بس أم زوجي الله يحفظها قالت لي أقطر شوي من حليب صدري في خشمه لأن حليب الأم وايد زين ..وهذا اللي قاعدة أسويه تقريبا 3 مرات باليوم..والله وأشوفه صاير أحسن شوي

والله حبيبي يكسر خاطري لما يكح ...يبين عليه في شي مضايقه

أنا بس أحاتي إنه تكون فيه لحمية..لكن بخلي الدكتور يطمني..موعده إنشالله 11-5 ومافيه إلا العافية يار ب

دعواتكم..

ياحبيبتى الدككككككككككككتور أحسن وحكاية تقطير لبن الأم مش مضبوطة قوى وبلاش واستخدمى قطرات الأنف حتى موعد الدكتور

otrivin baby saline
انا جربتو وكتير ينفع انا ابني بيعاني من نفس المشكله وعمرو شهر ونصف

عندي لج طريقه انج تدهنين ريل بنتج بزيت زيتون تحت (القاع) وبعدين تطحنين القرنفل وتسوينها بودره وتنشرين فوق المكان اللي دهنتي فيه ريل بنتج ولبسيها دلاخ وخليها تنام تسوينها يومين اذا ماخف وايد ممكن تنسوين لها 3 ايام فقط بالليل