أمهات الخدج يدخلون بسرررررررررررررعة

1 في أي أسبوع ولدتي
ولدت ف الشهر التامن
2 شنو سبب الولادة المبكرة
لانهم توام
3 كم كان وزن البيبي
الاولى 2 ك والتانيه كيلو و 700 ج
4 شلون حالته الصحية( يعني صارت له مضاعفات أو تشوهات)
لا والحمد لله
5 شكثر خلوه في الحاضنة
الصضغيرة اتحطت للاشتباه ف وجود الزرقا والحمد لله طلع ما عندهاش حاجة
6 والحين كم عمره
20 يوم
7 كم ترتيبه بين أطفالك
الاول
8 مستوى الذكاء ، النشاط، التطور الحركي هل تحسينه طبيعي والا بطيء
الحمد لله طبيعى

مشكورة فستان العروس..

انا من احوج الناس لهالموضوع مع اني ما بعد تبرد حرقة قلبي ولا تطمنت :( ، لكن بتابع بشدة..

في أي أسبوع ولدتي
ولدت بالاسبوع 25 (نهاية الشهر السادس )

2 شنو سبب الولادة المبكرة

بعد ما ولدت قالو لي يمكن السبب قصر عنق الرحم ومرات ثانية عملية ربط ( ومدري ليش مو مقتنعة بالتشخيص)

3 كم كان وزن البيبي
640 جرام بس :(

4 شلون حالته الصحية( يعني صارت له مضاعفات أو تشوهات)
كان مستقر اول اسبوع وانعفس فوق تحت بعدين، وسوو له عملية لسد فتحة القلب ، وبعد اسبوع من العملية سوو له عملية في الراس لسحب الماي الناتج عن نزيف في الراس :( :( وشوي الحين استقر وضعه

5 شكثر خلوه في الحاضنة
الحين كمل شهر ويومين

6 والحين كم عمره

توه ما طلع من الحاضنة


7 كم ترتيبه بين أطفالك

الأول :(


8 مستوى الذكاء ، النشاط، التطور الحركي هل تحسينه طبيعي والا بطيء

هذا الخوف والهم اللي انا عايشته الحين كل وحدة منكم تقرا هالرد تدعي من قلب ان الله يحفظ ولدي من الاحتمالاات المستقبلية هذي)

فستان العروس اقدر اعرف تفاصيل ولدج بالضبط؟

شنو المشكلات اللي صارت له وشنو العمليات والحين وش وضعه بالضبط ..

والله احس اني عايشة كابوس ، هانت الحين شوي واحسه قاعد يتحسن والله كريم يسهل الجاي..

يعطيج العافية على هالموضوع جا بوقته ..

ان شاء الله تشوفون عيالكم معاريس وشحلاتهم ياربي
الله يشفيهم

up.......

بنية زينة حبيبتي لاتحاتين وان شاء الله اموره تتيسر وربي يحفظه من كل شر دايما ذكري الله ربش كريم مايضيع عباده

مشكورة حبيبتي pooh والله يسمع منج يارب

فستان العروس..

ولدي ان شالله زين بس انا طبعا بين الرجا والخوف ..

اسمحيلي يمكن ثقلت عليج باسئلتي .. بس اعذريني والله من حرقة قلبي على ولدي ..

الله يخلي لج ولدج ان شالله

بصراحه موضوع وااجد عجبني

مشكورة خيوو على فتح هالمووضووع

1 في أي أسبوع ولدتي

الاسبوع ال 30

2 شنو سبب الولادة المبكرة

لانه صادني نزيف وماقدروا يوقفونه وخافوا على البيبي وعلى صحتي وبسرعه سوني عملية قيصريه


3 كم كان وزن البيبي

كان كلش وزنه قليل .. 900 غرااام

4 شلون حالته الصحية( يعني صارت له مضاعفات أو تشوهات)

في البدايه كان كلش حالته الصحيه مو مستقرة

بس الحمدالله تالي قام وزنه يزيد وصارت حته تمام



5 شكثر خلوه في الحاضنة

صار في الحضانه شهرين تقريبآ


6 والحين كم عمره

الحين عمره سنه و4 شهور .. الله يخلييه ليي والى أبووه



7 كم ترتيبه بين أطفالك

الاول

8 مستوى الذكاء ، النشاط، التطور الحركي هل تحسينه طبيعي والا بطيء

ماشاءالله عليييه ذكي وحركي ما أقدر عليييه .. كلما يكبر تزييييد شطاااانته .. مطلع لينا قرون أني وابووه ههههههههههههههه .. بس عن الحركه أتأخر القعده والحبي والمشي .. يعني الحين بكمل سنه و5 شهور وتوه مبتدي يمشي

هلا اختي...موضوعج وايد حلو ومهم، شوفي أجوبتي ع اسئلتج:

هلا بنات وحشتوني الله يخلي لكم عيالكم انشاء الله كلكم زينين يللا وين تفاعلكممممممممممم

هلا حبيبتي شلونج ؟؟

وشخبار بيبيج ؟

أنا عني ..
ولدت مره بالاسبوع 22 .. وتوفا البيبي في الولاده.. اما الثاني في الاسبوع 27
السبب مب واضح في البدايه كانو يتوقعون توسع في عنق الرحم .. على هلاساس سوو لي ربط في الحمله الثانيه .. بس ياني طلق طبيعي من الله في الاسبوع 27 .. والله اعلم ليش ما فكرت ابحث في الموضوع لاني كرهت السالفه والحين ما افكر احمل الى اجل مسمى!


وزن البيبي الاول الي ولدته في الاسبوع 22 كان 450 جرام اما الثاني الي بالاسبوع 27 وزنه كيلو و70 غرام
حالته الصحيه بشكل عام مستقره بس مرات يعاني من فقد الاوكسجين ويمرض بسرعه .. حاليا اكتب الرد وانا معاه بالمستشفا .. كل مره لازم يترقد بالمستشفا وع طول اصلن حياته بالمستشفا كانت.. !
خلوه بالحاضنه مده شهرين و3 اسابيع ,, ونقلوه الجناح اسبوع وجم يوم يعني خذيته البيت بعد 3 اشهور تقريبا من الولاده..
الحين عمره 4 شهور بالضبط بس عمره الحقيقي شهر !
ثاني حمله بس اول طفل لي...
مستوى الذكاء ما اقدر اميزه الحين، النشاط هو حاله حال الطفل الطبيعي حاليا، التطور الحركي احسه اوكي ببين مع الشهور اليايه احسه عموما طبيعي


دعواتكم له يظهر من المستشفا ولا يرجع لها مره ثانيه ..
اتمنى له الصحه والعافيه .. وما يشوف المرض ابدا

انا ولدي بعد فيه بوفتاق ..

بس الدكتور قال اذا ما استوا بروحع بسوون له عمليه

فتان العروس ابي اعرف اشلون ولدج نموه بطيء ممكن تشرحين اكثر يعني من اي ناحيه ترا بديت اخاف !!

Ms Dior الله يخلي لج ولدج يارب ويشفيه لاتخافين من سالفة الفتاق لأن كلش العملية سهلة انا ولدي دخل العملية مرتين اول مرة على جهة اليمين وكان عمره ثلاثة شهور والثانية جهة اليسار وهو عمره أربع سنوات وكنت خايفة مثلك بس الحمد لله