مين افضل العقل ولا القلب ؟؟؟؟؟

عندك حق التفكير بالقلب صعب والاصعب منه العقل بس لازم ندخل الاتنين في الاختيار يعني لازم اكون مقتنعه بيه بعقلي كويس ومرتاحه ليه نفسيا وخلي بالك الاهم العقل مش القلب
حتى لو حسيتي انك ندمانه بس عن تجربه بقولك الصح هوا قرار العقل عشان دايما بيكون طالع من تفكير كويس وواقعي والي انا مقتنعه بيه اني طالما قبلت الشخص دا بعقلي ولااااازم اكون مرتحاله نفسيا يبقى الحب هيجي ان شاء الله بعد كدا من المعامله الكويسه وانه يكون بيتقي الله فيكي ومصلي
حبيبتي لو هوا فيه عيوب كتيير اوي لو انتي بتحبيه وفكرتي بعقلك مش هتشوفي العيوب دي او على الاقل هتقولي هصلحهالو ودا غلط
لكن لما تفكري بعقلك الاول هتعرفي تشوفي العيوب دي واضحه جدااا وبكدا هتعرفي تاخدي قرار سليم وطبعا لاااازم الاستخاره وعموما في الاخر محدش بيعرف طبع حد اوي غير من العشره وربنا ييسرلك الخير يارب(f)(f)(f)

القلب يقول شي
والعقل يقول شي ثاني
ويظل الإنسان محتار بين الأثنين

أول شئ الله يسهل أمرنا و أمرك

ثاني شئ أنا بقول حاجة تختلف عن البنات

لو كان العقل مثل القلب كان ما وجد في الدنيا حكماء و بلغاء و عباقرة...

بالعكس أنا لو أتبع قلبي كان مت منذ زمن بعيد....

انا شايفه ان المفروض نحكم العقل مع القلب بس هى ساعات بتختلف فى بعض الحالات لكنى
قد سبق لى وحكمت عقلى والحقيقه فى الاول عانيت كتير لكن حاليا احمد الله فى كل وقت على هذا الاختيار وفى النهايه قدر الله وماشاء فعل والله يصلح لك حالك اللهم امين

أعتقد أنك تتحدثين عن مشكلة مع خطيبك سبق وأن كتبتيها

بوجه عام أن من أنصار العقل دوماً ... وفي موقفك بالذات أعيد التأكيد على إبداء العقل على القلب

القلب ينسى خاصة إن دل العقل على سوء اختيار القلب ... سينسى القلب إن عاجلا أو آجلا

أما العقل فلن يرحم ولن ينسى ما أوقعه فيه القلب من مشاكل بسبب سوء اختياره

فعلى المدى الطويل العقل أنفع للنفس والقلب من القلب نفسه :)

والعاقل هو من نظر إلى الأمام ولم يفضل ألم المرض على مر الدواء

انا بالنسبة لي حكم العقل افضل من القلب لاني مجربة تفكير القلب وهو الي مخلي حياتي ماساوية يعني تفكير العقل عواقبه جدا ايجابيه على المدى البعيد اما تفكير القلب عواقبه وخيمه وهي تجي تدريجيا وطبعا فاهميني الي اخذو ازواجهم عن طريق القلب

ربنا يفرج عنك كربك ... ويهون عليكى اللى انتى فيه
ويصبرك ويرضيكى ويرزقك الزوج الصالح اللى توافقى عليه بقلبك وعقلك ان شاء الله
عاجلا غير اجل باذن الله



اما بقا بالنسبه لموضوع العقل والقلب

فانتى عارفه اللى مريت بيه

لما حكمت قلبى تعبت كتييييير اوى وافقت على واحد انا بس اللى مقتنعه بيه وطبعا الموضوع باظ في الاخر
ومكنش ينفع احكم عقلي بعد كده على طول لان بصراحه مقدرتش .. (القلب كان فيه لسه رواسب )





بس نصيحه متجربه


أهدى خالص وسيبيها على الله وأقتنعى دايما انك صح انتى طول الوقت صح مادمتى مع ربنا
وربنا هيهديكى ويراضيكى بأذن الله ويبعتلك اللى توافقى عليه بالعقل اولا وبعدين قلبك هيحبه لوحده


العقل اهم اهم اهم ........ ولما يقنع تمام قلبك هيدق لوحده ان شاء الله

كل اللى تعمليه دلوقتى الدعاء والصبر ..... وعيشى حياتك سعيده وهونى على نفسك يا قمر

وابن الحلال اللى يستاهل عروسه المنتدى جاى جاى بس المواصلات صعبه شويه في المنصوره انا عارفه وأكيد هتوافقى عليه بقلبك وعقلك ان شاء الله وهينسيكى كل اللى فات.. بس أبقى قولى ريهام قالت