حنة حرقت شعري

تحذيييييييييييييييييييير لكل البنات
بصوا بقى انا شعري كان بيقع .... عادي يعني وبعدين كنت بجيبله الحنة العادية من العطار وكانت حلوة وبعدين واحدة قريبتي كانت مسافرة أسوان ومعروف ان الحنة الأسواني رائعة فطلبت منها تجيبلي من هناك والعطار هناك الله يسامحه ادالها حنة في أكياس يمني اسمها تقريباً حنة العروسة وقالها دي احسن من اللي بالكيلو وعلى ضمانتي
المهم عملتها وبدأت الكارثة ........ وأنا بغسل شعري منها لقيته بيقع بطوله وخصل كمان وبعد ما خلصت لما كنت بسرحه لقيت كومة شعر نزلت ولقيت شعري متقطع واتبهدل خالص وكل ما اسرحه يقع بفظاعة :(
المصيبة كمان لقيت فروة رأسي بتوجعني فروحت لدكتورة لما شافت شعري قالتلي الحنة دي أكيد كان فيها حاجة لأن شعرك محروق وفروة رأسك ملتهبة ومتورمة تخيلوا ؟؟؟!!!!! واديتني علاج اد كده ليها وطلبت مني محطش اي حاجة على شعري لغاية ما راسي تخف .
انا قلت اقول في المنتدى هنا مش في تجمع المصريات لأن الحنة دي شوفتها في السعودية فأكيد موجودة في الدول العربية وبرده يا جماعة انا معرفش يمكن من نصيبي انها كانت بايظة مثلاً بس انا شوفت صلاحيتها وكانت لسة بدري عليها
معلش طولت عليكوا بس كان لازم اقولكم اهيء اهيء اهيء :confused::confused: