طريقتي في العنايه بشعري..

مسا الانواار..كيفكم؟ ان شا الله بخير..

اليوم بكشف لكم عن طريقتي الروعه 100% للشعر العادي والجاف والكييييرلي بالذات
عشان يبين نااااعم وحلو حتى لو تغسلينه كل يوم والتموجات تكون متناسقه وتجنن ..وتطول الشعر بطريقه اسرع بدون الحاجه للزيوت وروايحها الكريهه..وتصغر الجبين شويه ..(والمتزوجه بتناسبها الطريقه واايد)

أولا:

أغسل شعري يوميا بالماي فقط..الشامبو استخدمه 3 مرات بالاسبوع
اما اليومي يكون ماااااااي وبس ..اخلي الماي يصب ع شعري واسوي له مساج
وانا تحت الشور بعدين انزل راسي واخلي الماي يصب ع شعري اللي ورا (عرفتو؟؟)
واسوي مساااااااج وانا منزله راسي عادي...اخر خطوه أحط البلسم عالاطراف فقط..فقط..اوكي


ثانيا:
لما اخلص شور ما أنشف شعري بالفوطه..انشفه بأي قميص قطني مخصصته حق شعري
أو بالكلينكس عشان مايروح مفعول البلسم :wink: وأحط كريم أنرجي أحلى كريم جربته..
طريقة وضع الكريم:
أنزل راسي وأخلي شعري اللي ورا يكون جدام (فهمتو؟؟ يارب اكون عرفت أوضح (a)
وامسح بالكريم ع شعري من ورا والاطراف واخر شي من ورا اذني بس ابعدو عن الفروه
عشان مايتساقط الشعر.. وبعد هيك أخلي شعري ينشف طبيعي ..بيبين كيرلي متنااسق وراائع واللي شعرها مب كيرلي بيبين نااااعم مثل شعر اللي بالدعايات..


ثالثا:
لما ينشف شعري تماما يعني ثاني يوم أمشط شعري بفرشاه كبيره من بدي شوب أحسن فرشاة شعر جربتها في حياتي هي اللي من بدي شوب..

رابعا وأخيرا:
مره فالاسبوع أحط ماااااسك انرجي رييحته حلوه وهاديه وطبيعي مافيه اشيا كيماويه


وهذي الاشيا اللي استخدمها :15:



اللي عاليمين شامبو هيمالايا 2*1 بالحمص و وردة الصين ريحته حلوه ريحة نظافه.
وبعده بلسم كورين دي فارم مع خلاصة اللوز الطبيعي ريحته تجنن و يمنع التشابك.
جدام الكريم الابيض اللي خبرتكم عنه انرجي ريحته جدا هاديه
وحذاله ماسك انرجي ريحته احبها وهااديه بعد مثل أعشاب معطره
واللي فوق عود معطر..مرات بعد الشاور ابخر شعري به تطلع ريحته
واااااااااااااااااااااااااااااااااااااااااااو :)

وهذا كل ما لدي...ادعولي بالتوفيج والستر والفردوس الأعلى (c)