بنات قطر ماعليكم امر

نفس الشي انا بعد اسبوعين بكون عندكم وبتكون زيارتي الاولى ..

زيارتي بتكون رحلة عمل لزوجي ولمدة يومين فقط ..

ابي اعرف فنادق حلوة ومطاعم وكوفيهات غريبه ومولات ما تتفوت ..

????????

وعليكم السلام ورحمة الله وبركاته

هلا وغلا وحياكم فب بلادكم قطر

ان شاء تستمتعون عندنا

ان شاء الله اقدر اساعدكم خواتي ولو بالشي البسيط

مع اني من بنات قطر لكن مالي في الطلعات والروحات بس قطر مو من كبرها

نجي للمفيد
اول حاجه أهم الفنادق عندنا ( الريتز - شرق - انتركونتيننتال - وطبعا الشيراتون الغني عن التعريف - الفور سيزون )

أغلبهم على البحر وفي منطقة الابراج في الدوحه

بالنسبة للمولات أهمها :

1- الستي سنتر وهو في منطقة الابراج يعني قريب من الفنادق المذكوره

2- فيلاجيو : من وجهة نظري أفضل من الستي لان فيه محلات مش موجوده بالستي لكن مشكلته انه بعيد حبه عن وسط الدوحه

3- الحياة بلازا : هذا قريب على فيلاجيو وبينهم إشاره وحده وينفع للصغار لان فيه ( جنغل زون ) والي هي صالة ألعاب كبيرة ومغلقه

4- اللاند مارك : بعد حلو لمشتريات الحريم


وبالنسبة لافضل معلم سياحي على مستوى الدوله هو ( سوق واقف ) عباره عن سوق مبني بطريقه تراثيه وفيه العطارين وبعد فيه الكوفيات والمطاعم الحلوه والاستعراضات نهاية الاسبوع


ان شاء الله أفدتكم بالي اقدر عليه

انا بعد اذا الله كتب بي وابي معلومات

ازيد على الي قالته اختي رينا الخليجيه
فندق وشاليهات شرق ..
فندق قمة في الروعه مطل ع البحر و خطير !

وفندق جديد بعد توه مفتوح
اسمه جراند حياه ..

~

زياده ع المجمعات اضيف مجمع المول !
صغير نوعاً ما بس فيه كذا محل بالاضافه الى محلات السلام و ميرش الي تبيع اغلب الماركات العالميه في المكياج والعطورات و غيره .!!

للمطاعم والكوفيات
عندج شارع تقاطع راماد ..
مجمع العمادي وشارع سحيم بن حمد فالنصر
متروس مطاعم على كيف كيفج ..

جوني روكتس -جيليز - ابل بيز - سوشي مينتو - كوفي بينري و اغلب الكوفيات المعروفه وقعدات حلوة =)

بتنورون الدوحه ويا مرحبا والله

ياهلا مرحبا فيكم وحياكم في بلدكم بالنسبه للفنادق (الريتز والشريتون وحياة جراند وشرق والانتركونتنتال والميلينيوم ولاسيغال)والمجمعات(الستي سنتر واللاندمارك وفيلاجيو وحياة بلازا والمول ورويال بلازا وسنتر بوينت)
وإن شاء الله تستانسون

حبيت اضيف منتجع اللؤلؤة مش لازم تسكنون فيه بس تفرجوا وجلسوا تقهوو كنكم بدولة اوروبية بس الجو لكم عليه شوي
اتمنى لكم طيب الاقامة