اعترف اني خاينه ... لكن هل من نصيحه ؟؟؟؟

a

amalolo

عروس جديدة

30-04-2009 | 07:51 AM

السلام عليكم ورحمة الله

باختصار شديد انا وحده عمري 28 متزوجه من 4 سنوات عندي بنيه عمرها سنتين ..تزوجت زواج ( تقليدي ).... مب مرتاااااااحه ابدا ويا ريلي وبدا تفكيري في الانفصال من فترة الملجه لكن بغبائي وعاطفتي استمريت وقلت يمكن العشره بعد الزواج شي ثاني ... تزوجنا وعشنا تحت سقف واحد واكتشفنا ان كل واحد مايبا الثاني ومب مرتاحيين حق بعض ابدا مافي توافق من كل النواحي ( البيئة التفكير التعليم ) ولاقدرنا نتفاهم طووول هالاربع سنين ... والمصيبه يبنا بنت ...

هو مايباني ولا انا اباه بس صابرين على بعض عشان البنت ......

والله ياخواتي اكتب والعبره خانقتني .......واااايد صعب تعيشين ويا انسان ماتربطج وياه إلا ورقة الزواج !!!!!!!!

جدام الناس متزوجين ... اما ف البيت كل واحد بروحه لدرجه صار يرقد بغرفه لحاله .. مانسولف ولا نضحك ابدا .. مانطلع ... مانشتكي ولانفتح قلوبنا لبعض ...صمت رهيييييب بينا .. حااااااولت واااايد اتقرب منه بس مافي فايده .. مب متقبلني خير شر . ... وااايد صحت وبكيت على حالنا هذا .. كنت دايما اقوله انا اصييح انا محتاجه لك .. محتاجه تسمعني .. محتاجه للحب والحنان وياك ... انا احس بفراااغ عاطفي كبييييير .. مااحس انك موجود بحياتي.. اموووت حسره والم يوم اشوف ازواج يسولفون ويا بعض ويضحكون.... مابغي منك إلا الكلمه الحلوه والمعامله الطيبه ....... ماألاقي منك إلا الصد والشده والعصبيه طول هالسنوات .......

اتصلت في مشايخ وقضاة محاكم آخذ رايهم.. كلهم قالوا لي كلمة وحده ( إما امساك بمعروف وحسن العشرة بينكم أو تسريح باحسان وكلن يغنيه الله من فضله )....

فكرت بشكل جدي بالطلاق.. استخرت وااايد .. تشجعت وطلبت الانفصال ... وافق على طوول ... سرنا المحكمه واحنا في الطريق انهرت فجأة وتميت اصيح وقلتله خلاص مابي الطلاق بصبر عشان بنتي ، خلاص انا راضيه بنصيبي .....

مابي اطول عليكم ... المهم مرت الايام .... ومن كثر ما انا كالعاده يالسه بروحي وسوس الشيطان فراسي.. مسكت التلفون فجأه ودقيت على رقم عشوائي!!!!! آآآآآآآآآآه يارب سامحني

طلعلي واحد.. حطيت في بالي اسولف وياه من باب الفضفضه ... مع الايام بديت ارتاحله وهو ارتاحلي بعد ....... ((( بس خلااااااااص هذا اللي كنت ادور عليه))) ... لقيت الريال اللي كنت احلم فيه ( طيب وحنون وعاطفي ومتفاهم ) فتحلي قلبه... عشت الحب معاه . .. كملت سنه وياه وحطيته في اكثر من اختبار عشان اكتشف صدق مشاعره و شخصيته ونجح ... تعلقت فيه اكثر ... صرت اتخيله ليل نهار .. قالي اتمنالج كل الخير ( بس لو ماستوالج نصيب ويا ريلج بتكونين لي ) !!!! آآآآآآه والله انه عوضني عن كل شي ....

والله ياخواااااااتي قاااعده اصييييح لاني ابااااااه ... بس مااااقدر انفصل .... السبب بنتي ... ماااااقدر اعيييييش بدونها ... بمووووووت لو فارقتها ..... إن قلت بصبر على شانها مب قادره اتحمل الحياه ويا ابوها وبستمر على خيانته... وان ضحيت عشان حبيبي خسرت بنتي وضناي ...

تعبت نفسيا .... مب قادره افكر ... ابغي نصيحه...... مستحيييل اترك بنتي .... و مستحييل مستحييييييل اترك حبيبي........ .... ياااااااا الله ارحمني وساااااامحني

اختكم / أمل

R

ROSE3ROOS

مشرفة سابقة

30-04-2009 | 07:59 AM

ماراح اهاجمك ولا اكتب كلام زايد او ناقص لان انتي عارفه نفسك غلطانه وتبين النصيحه مع انه انتي بامكانك توقفي كل الغلط

هل تعتقدين انه بس انتي محتااره اكيد زوجك بعد حاس انه وحيد انه مجبور وانه وده بانسانه تبادله المشاعر وبانسانه تحبه ويحبها انتي قلتي كم مره حاولت وحاولت ممكن تكتبين لنا ردة فعل زوجك من محاولاتك شنو كلامه وشنو اكثر عباره يردده هل هو ايظا لايريد العيش ويفكر بالانفصال,...

خلي الانسان الي تعرفتي عليه على جانب وفكري ببنتك ليش تتحمل غلطه مالها ذنب فيها

ترى يوم تقولين بتحمل علشان بنتي وتفكرين انه بهالشكل انتي ترحمينها ترى تعذبينها يوم تشوفكم انتي وابوها بعيدين كل البعد عن جو الاسره وتتعذب اكثر يوم تشوف عوايل ثانيه شلون عندهم جو الاسره الي موموجود بالبيت

تعوذي من ابليس وماطول اخترتي بنتك كملي مشوارك وحاولي تتقربين من زوجك مره ومرتين وثلاث لاتيئسين
ويارب ينكشف همك وكربك ويقرب لك زوجك ويخليلك بنتك

والسموحه على الاطاله

ع

عمرك ما تغيب

عروس مشاركة

30-04-2009 | 08:12 AM

يا قلبي انتي....شيكي الخاص اوكي

ع

عيون الفهد*

عروس ذهبية

30-04-2009 | 08:17 AM

مايحتاج نتكلم في الغلط والصح

كل الي ابغى اقولك هوا

اتفاهمي مع زوجك على حضانة البنت

وعلى كلللل شي

وبنتك بيجي اليوم الي تكبر فيه وتفرحي فيها عروسه

حطي بنتك على جنب دحين

وفكري

تتعب نفسيتك وتجلسي معلقه مع زوجك

ولا تغضبي ربي ويسخط عليكي

ولاتتطلقي وتكوني مرتاحه >>>طبعا بعد ماتتفاهمي معاه على حضانة البنت

فكري في رضا الله عليكي

انتبهي الطريق الي انتي فيه خطر مرررررررررررررررررررررره

ومدام زوجك طيب بس مابينكم حب وماارتحتو مع بعض

بيكون متفاهم معاكي من ناحية الحضانه

واستخيري في الطلاق قبل كل شي

هذا رأي

الله يستر عليكي ويبعدك عن الحرام ,,

D

Dior_Roz_Dior

عروس جديدة

30-04-2009 | 08:21 AM

لا حول ولا قوة الا بالله

اختي الحبيبة أمل..

انتي حطيتي نفسك في موقف لا تحسدين علية!! انتي اللي بيدك ربطتي مصيرك بوهم وتركتي الحقيقة
انا ابي انصحك الجأي الى ربك وصلي وادعي ان ربك يهديلك زوجك ويسخرة لك ول بنتك واعملي كل الاسباب
اللي تخلي زوجك يقرب منك انا متأكده لو قلب زوجك حجر بيحس ويلين في يوم من الايام بس انتي حاولي ولا تيأسي حاولي بكل الطرق خلي تعاملك وتصرفك معه يحسسونه ومافي شي صعب هلى ربك!!
بس انك تروحين تلجأين لشخص ثاني هذا الغلط بعينة وماراح يفيدك بشي بالعكس امورك راح تزداد سوء وربك ماراح يوفقك.. توكلي على ربك وماخاب من لجأ إليه.. وكل شي يبيله صبر وتوكل على الله

الله يوفقك ويبعدك عن الحرام..

ح

حواء الفاتنة

عروس مشرقة

30-04-2009 | 08:28 AM

والله ياماما الكلام اللى الراجل التانى بيسمعهولك ده ما هو الا سراب
وحتى لو تطلقتى مش هيتجوزك لانو هيقول لنفسه وايه اللى يمنعها انها تحب عليا واحد تانى
وحتى لو اتجوزك هتعيشى معاه فى مر المرار
من شك وظن بانك تخونيه حتى مع ظلك
وصدقينى ساعتها هتتمنى يوم من ايام عيشتك الحالية ترجع تانى وتقولى يا ريتنى عشت مع زوجى الاولانى برغم كل اللى بتعانيه معاه بس صدقينى هتكونى كسبتى بنتك والاطفال ارواحنا والعيشة من غيرهم لا تسوى
والواحدة عشان اولادها تقطع نفسها حتت عشان هم يعيشو فى سلام
حبيبتى اصبرى على زوجك حلالك واقطعى علاقتك بهذا الثعلب المستذئب
ومصير الاحوال تتصلح بينك وبين زوجك وساعتها هتفتكرى كلامى ده وهتقولى اختى حواء صدقت
واوعى تفتكرى انو بطلاقك هترتاحى
ابدا
انك تعيشى مذلولة فى بيت زوجك خير من انك تعيشى مطلقة فى بيت اهلك
وانتى عقلك فى راسك تعرفى خلاصك
استغفرى ربنا وتوبى اليه واقراى قران وربنا يهديكى

B

BINTDUBA

عروس مشرقة

30-04-2009 | 08:52 AM

الله يصبر عليييييج يا اختي ويسر اموووورج
وان شاء الله اتحصلين اللي تبينه ؟؟؟؟؟

ق

قطريهـ ماتهابـ

عروس مبدعة

30-04-2009 | 10:39 AM

اختي انتي غلطتي لكن انتي راضيه بوضعج الحين

شوفي يالغاليه صج الطلاق صعب بس ممكن يكون الحل لحالتج

اول شي اقطعي العلاقه عشان ربي يوفقج

وعقب استخيري بموضوع الطلاق

واطلبي الطلاق عقب اذا تسهل الموضوع معانته خير لج واذا لا معناته افضل انج تبقين

حبيبتي صج البنت محتاجه حنان وانتي تقدرين تعوضينها

والله سبحانه وتعالى يرزق العبد اذا كان صادق ومستقيم

اتمنى لج التوفييق بس لاتضيعين عمرج على علاقه محرمه مافيها الا الوهم والسررراب

واذاكرج بقول الله سبحانه وتعلى:

((وَمَن يَتَّقِ اللَّهَ يَجْعَل لَّهُ مَخْرَجاً{2} وَيَرْزُقْهُ مِنْ حَيْثُ لَا يَحْتَسِبُ))سورة الطلاق

م

مرموم

نائبة المشرفة العامة

30-04-2009 | 10:40 AM

أعتذر منك أختي الكريمه أمل....لكن الركن مختص بمعالجة المشاكل التي تحمل علاقات شرعيه...

لو كنتي طلبتي مساعده فيما يختص علاقتك بزوجك....كنا ما راح نقصر معاكي...

لكن طلبتي مساعدتنا في علاقه لا ترضي الله و لا ترضي رسوله...

كلماتك لم تحمل أي معنى من معاني الندم على الذنب الشديد الذي تقترفيه...

بل كل كلماتك كانت لتبرير إقدامك على الخيانه....و شرح كل السبل الممكنه اللي تخلينا نقتنع إنه عندك حق في كل لحظه خنتي فيها زوجك...و إنه يستاهل...

مثل هذه النماذج لا نشجع عليها في المنتدى أختي...و الموضوع مغلق

S

SHREEFA

أخصائية اجتماعية

30-04-2009 | 12:47 PM

امل ...

هل هذه عيشه اللي انتي عايشتها الحين ... ..؟؟

لا والف لا
هذه حياتك جحيم
زوج لايبالي ولا يحبك
ورجل غريب لك علاقة فيها علاقة آثمه لسببين الاول انك امرأة على ذمة رجل خنتيه امام الله سبحانه وتعالى
ثانيا لانك على علاقة مع رجل اجنبي

اذا انتي لست مرتاحه في حياتك اطلبي الطلاق وربي ابنتك على شريعه الله سبحانه وتعالى ولا تكونين ضعيفه للشيطان ولا حول ولا قوة الا بالله

دمتم سالمين
اختكم شريفة