طريقتي في تنظيف وتعقيم المراضع(بالصور)

هلا امهات عروس..

عساكم بخير انتو وبيبيهاتكم..

بما أن ولدي نايم مثل ما تشوفون



قلت اسويلكم موضوع جي ع السريع ..



مثل ما تعرفون ان كل اغراض بيبياتنه المفروض تكون معقمه ونظيفه لان المولود تكون مناعته اقل وكلما يكبر تزيد مناعته .. بس مهم ان نحافظ على نظافة مكانه واغراضه ونظافته الشخصيه ونظافتنه احنه اكيد ..

والحين شوفو معاي الطريقه ..

أول شي الأغراض الي نحتاجها..

فرشاة صغيرة للحلمات الصناعيه



فرشاة كبيرة للمراضع..



غسول المراضع المطهر من بيجون



حبات ميلتون المعقمه..



ستاند خاص للمراضع ..




حافظه المراضع..


الحين نبدأ بالتنظيف ..

أكيد بعد كل رضعه اغسل المرضاعه بماي دافي والفرشاة الخاصه مع غسول بيجون المطهر..

بس بعد لازم مره في اليوم اغسل كل المراضع قبل التعقيم .. عشان جي استخدم الحافظه نفسها اقلل الماي الي فيها واضيف الغسول وابتدي اغسل المراضع ..

هو غسيل للمراضع والحافظه بعد راح تتطهر بالغسول..

افرش المراضع بالفرشاة الكبيره


وافرش الحلمات الصناعيه بالفرشاة الصغيره


اغسل المراضع والحافظه بماي دافي ..

واملي الحافظه بالماي .. احط فيها حبه معقمه ..

تستوي فقاقيع في الماي .. وتصير ريحه الماي مثل كلور البرجه ..تحملو تحطون ويهكم وتشمون لان انا جربت واختنقت :(

طبعا هالخطوات الي قلتها لكم اسويها كل يوم الساعه 10 الليل..

لان الحبه المعقمه لازم تتبدل بعد 24 ساعه من استخدامها..

هذي كل الي عندي حق الحين ..

ان شاء الله عجبكم موضوعي واتكونون استفدتو منه ..

تحياتي .. :o