بنات دبي الحلوات

بنسبه لمحلات العبايه:

* مركز بوهيل: الطابق الثاني عندهم محلات بهبل..
* مركز الواحه: اول ما توصلين الايف الستايل على ايدينج اليسار عدال محل الجاروي اعتقد..
* ابراج الامارات: البرج الي فيه المحلات ويعتبر مركز سياحي.. طابق الثاني اعتقد محل مي فير ليدي..
* مركز الغرير الطابق الثاني كذا محلات عبيي..
* مركز حمر عين طابق الثالث..

----------------------

بنسبه لمحلات العطور:

* مركز بوهيل الطابق الاول.. محلين عطور واسعارهم حلوه..
* مركز السيتي سنتر طابق الثاني.. محل باريس غاليري ومحل اريج..
* مركز الواحه.. محل أريج..
* مركز ميركاتو.. محل أريج..
* مركز برجمان الطابق الثاني..

----------------------

بنسبه لملابس الجاهزه والسهرات:

* محلات بهبل في مركز السيتي سنتر: زارا.. مانغو.. نيكست.. دبنهامز.. الخ
* محلات بهبل في مركز ميركاتو..
* محلات بهبل في مركز برجمان..
* مركز وافي..
* مركز الواحه: غناتي.. سبلاش..
* مركز البستان: كذا محلات..
* مركز حمر عين..

----------------------

مراكز تجميل وعنايه بالبشره:

* في جميرا الشارع الي يودي لمنطقة الجميرا عندج صالونات بهبل واحد ورى الثاني..
انتي جربي مركز تجميل ضيافه مجابل سبينيس..


ولا تنسينا من الدعاء :smile:

الله يجزاك خير اختي سنوايت ويوفقك ويرفع من مقاديرك ومايكتبلك الا كل خير

بس بنات انا مابي محلات عطور عاديه .. ابي محلات عطور تبيع خلطات خاصه الي ماتنلقى باي مكان

حتى الملابس .. مانجو زارا هذي المحلات موجوده بكل الخليج

ابغى محلات تتميز فيها دبي .. او موجوده بالخليج لكن مو موجوده بالرياض
والعبايات ابي محلات تبيع عبايات راقيه .. لاني كذا كذا ماراح البسها كل يوم ابيها للمناسبات

ومشكوووووووووووووووووووره مره ثانيه اختي
والله مره فرحت لما قريت ردك .. الله يفرح قلبك بالجنه وكل من يعز عليك

تحيــــــــــــــــــاتي ...
لك روحي

بسم الله الرحمن الرحيم
اختي العزيزه لك روحي
يمكنك الاطلاع علي الموضوع التالي
و الف مبرووووووك


http://www.3roos.com/forums/showthread.php?s=&threadid=41471&highlight=%CA%D3%E6%DE+%CF%C8%ED

مشكووووره اختي قلب جرئ

طيب بنات سمع انو في دبي مركز جديد .. مركز للعنايه بالجسم او مركز تجميل
عندهم اجهزه تنحف .. وتشيل المويه الزايده والسيلولايت كذا تنكتب ؟؟:rolleyes:

ممكن تعطوني اسامي وعناوين اماكن زي كذا بس تكون ممتازه ومجربه

تحـــــــــــــياتي
لك روحي

اخت "لك روحي" بالنسبة لاجهزة التنحيف ابدا ما انصحج فيها وقصدي اللي يسحبون من خلالها الماي والدهون الزايدة بالجسم والسيولولايت،،، اعرف وحده من البنات كانت وايد متعقدة من جسمها عشان رايلها كان يباها تضعف،،، بالرغم من انها مالها علاقة بالسمنه المفرطة،،، المهم راحت مركز من ها المراكز،،، وشافت عندهم صور ناس نحفوا بطريقة عجيبه بسبب اجهزتهم،،، وشافت عندهم زباين وايدين واصرت انها اتسوى عمليه السحب المهم دفعت لهم 15000 وطلعت من عندهم ما تروم تمشي على ريلها،، حتى ما رامت تداوم 3 ايام ولما ردت الدوام شفت ريلها وانصدمت صدمة كبيرة :rolleyes: :rolleyes: :rolleyes: من التشوه اللي في ريلها والله والله والله انها بيضاء واستوت ريلها سوداء سواد الليل،،، والله ما صدقت وخفت لدرجة اني حسيت اني جزيت من شكلها :s2:s2 "بدون ما ابين لها"،،، ما بالج رايلها،،، ومراعاة لشعورها لانها كانت وايد خايفة يوم تراويني لدرجة انها تقولي انها طول ها الثلاث ايام وهي تصيح وخايفة تشوف ريلها من كثر ما شكلها يخوف ومنظرها المؤرف وخايفة ما ترد مثل ما كانت لان زوجها كان بيرد من السفر قريب وحبت اتسويله مفاجاه،،، وخلال ثلاث شهور والله والله ما نزلت ولا كيلو،،، وتمت تنتظر بدون فايدة ولما اتصلت فيهم وهزبتهم قالولها لازم تخفين اكل وتسوين رجيم ورياضة "يعني كأن العملية مالها اي تأثير" بالرغم انها لجأت لهم بس عشان انها يأست من الرجيم والرياضة وفكرت فيهم كبديل،،، عجبها بشهرين اتصلت فيهم مرة ثانية عشان يشوفولها حل،،، وقالولها بيسوولها العملية مرة ثانية وسولولها والله لين الحين كملت 6 شهور ولا كيلو نزلت،،، وعلى فكرة انتى المفروض ما تفكرين بها الطرق الغير مضمونه لانه ممكن ومن المنظر اللي شفته اكيد بتضرج لانهم قالولها انهم بيشيلون خلايا الدهن نهائيا عشان ما يتكون عندها الدهون في جسمها وها الشي مو طبيعي لان اذا ها الخلايا مالها لزوم في الجسم جان الله ما خلقها فينا،،، انا انصحج انج اذا حبيتي تخفين انج تتبعين الطرق السليمة باتباع حمية وتغذية غذائية سليمة مع اتباع التمارين الرياضية،،، حتى لو تطلب منج وقت طويل ،،، الزم ما عليج صحتج ولا يغرج كلامهم ولا الصور اللي عندهم،،، اف ذكرتيني ،، والله احس بقشعريرة في جسمي من المنظر اللي شفته ،،،،:s :s :s :eek: :eek: :eek2:

لك روحي،،، سامحيني طلعت من الموضوع بس خفت عليج شو اسوي،،، المهم،،، اذا بغيتي ملابس سهرة راقية بتحصلين 3 محلات في مركز صحارى بالشارقة،،، ملابس اتجنن بس اشوي غالية،،، عندج my fair lady في مركز twin tower على شارع الشيخ زايد،،، my blue lady في الملا بلازا وعندج محلات معقولة في مركز بوهيل،،، ومحل عبي في مركز المنال مقابل سوق نايف في الطابق الثاني نسيت اسمه بس عنده عبي مطرزة حسب الاذواق،،، وبالنسبة للعطور بحاول اشوفلج الحريم اللي يخلطونه وبطرشلج على الخاص،،، ونحن في خدمتج في اي وقت

السلام عليكم
مشكووووووووووووووووووره اختي أوركيـــــــــد

الله يجزاك الف خير وخير .. يوفقك ويسعدك ومايكتبلك الا العافيه والراحه البال لك ولكل من يعز عليك

رحت دبي ورجعت ومشالله حملت شنطه كامله كلها ملابس جديده بس ماطولت جلست 5 ايام فما امداني اروح مركز صحارى مع انوا كان ودي مره اروحله
بس الحمدالله الاشياء الاساسيه خلصتها

شكرا مره ثانيه اختي/ أوركيـــــــــد

تحياتي
لك روحي

انننننننننننننننننننننننننا انا انا بعد اختى اوركيد ابى اعرف
عن هالخلطات واسعارها واذا ما عليج امر ابى الشى الزين
ماعليه سامحينى :shy:

مبروك مبروك مبروك جبيبتي

والله يسعدك يا رب