السلام عليكم والرحمة ,,
شحالكو صبايا ,,
اغلبنا عارفين انه كوليكشن COLOR READY FROM M.A.C بيكون نازل في اغلب البلاد العربية عالاسبوع الياي ,,
ولكل المتابعااااااااااااااات بتلاحظن انه فيه برايمرين يداد نازلين مع الكوليكشن وبينضمون ل
PREP & PRIME ,, واحلى شي في برايمرات ماااااااااك ,, انها تهتم بالميكب وبالبشرة ,, يعني البرايمر اغلب الاحيان فيه نسبة وقاية من الشمس ومرطباات للبشرة ومواد مفيدة مثل الخيار وماي الورد ,,
PREP & PRIME ,, واحلى شي في برايمرات ماااااااااك ,, انها تهتم بالميكب وبالبشرة ,, يعني البرايمر اغلب الاحيان فيه نسبة وقاية من الشمس ومرطباات للبشرة ومواد مفيدة مثل الخيار وماي الورد ,,
عسب جي حبيت احطلكم بعض التجارب والريفيوز عن البرايمرين اليداد عالمجموعة والسلبيات والايجابيات ,,
اول واحد فيهم الي هو ,,
1-M·A·C 'Prep + Prime' Skin Refined Zone Treatment
هالبرايمر بيكون الحل ,, للبشرة الدهنية والمختلطة ,, لانه مخصص للتحكم باللمعة الي تظهر عالبشرة بعد فترة من وضع الميكب ويوازن الدهون الموجودة بالبشرة عسب يتم الاساس ثابت لفترة اطول والمسامات المفتوحة يخفيها بنسبة 85%-90% ,,
مب بس لانه يشتغل وقت ما نحط الميكب ,, كل مرة بتحطينه المواد الموجودة بالبرايمر بتخفف مشكلة المسامات ومع الايام المسامات بتقل بشكل نهائي ,,
تركيبة البرايمر خفيفة وقريبة من الجل اكثر من الكريم ومركب بشكل اساسي من الصويا ,, هالشي بيخلي البشرة سموووووث وملمسها مخملي ويساعد على توحيد سطح البشرة وتخفيف منظر المسامات ,, يعطيج بشرة صحية بدون لمعة "ماات " والميكب يبين بيرفكت " كلنا ندور (y)هالشي "
طريقة الاستعمال ,, هالبرايمر ما نستعمله لكل الويه ,,بس نوزع نقاط خفيفة منه على T-ZONE يعني "الجبهة ,, الانف ,, والخدود شي خفيف " ,, وننتظر دقايق وبعدها نقدر نحط اساسنا المعتاد ,,
عيوب المستحضر ,, حجم التيوووب متوسط الي صغير ,, مب كل البشرات بتلقى نتيجة مثالية البشرة الدهنية وايد وايد التأثير عليها بيكون لمدة ساعتين مب اكثر ,, والمسامات الواسعة وايد بيكون تأثير المستحضر عليها خفيييييييييف جدا,,
ثاني برايمر :
2- M·A·C 'Prep + Prime' Line Filler
محد فينا يداني منظر التجاعيد والانتفاخ ,, خطوط الضحك ,, تجاعيد اليبهة ,, انتفاخات العيون ,, والخطوط الصغيرة الي توها بادية تظهر ,,
هالبرايمر ,, يحفز انتاج الكولاجين في البشرة ويرطبها بمواد بأساس مائي ,, اول ما تحطينه بتحسين انه الخطوط خفت بشكل بسيط بس عقب ما تحطين الاساس ,, بتحسين انه الاساس ما يتيمع في مكان واحد لما تضحكين ,, وانه التجاعيد الرقيقة والصغيرة شبه اختفت وحتى انتفاخ العيون قل ,,
هالبرايمر مب معجزة ,, ولا شرات ابر البوتوكس ,, بس تركيبته من السيلكون الي يملىء الخطوط الدقيقة ويخلي البشرررة تبيان مليانة ورويانة بس بدون لمعة ,,
مع الاستعمال المنتظم ,, منظر البشرة يتحسن الخطوط ما بتختفي بشكل نهائي ,, بس شكليا ويهج بيكون فيه صحة اكثر والخطوط الديقية ما بتبين بسهولة ,,
تركيبته كريمية ,, اثقل من البرايمر الاولي ,, ولازم تعطينه خمس الى عشر دقايق عسب تمتصه البشرة مع مساج خفيف ,, بيكون ملمس البشرة جنج حاطه عليها باودر خفيف ,, ماااااااااات وناعمة ومتساوية ,,
عيوب المستحضر ,, او ما تحطينه يكون ثقيل شوي ,, ما ينفع للي عندهم خطوووووط عميقة ,,
وبس ,, اتمنى اني قدرت افيدكم ,,
]وصح ,, هالبرايمرين ,, لين احينه مب معروف اذا بيكونون من الكوليكشن الدائم او الليمتد ,, في تضارب بين المواقع والبلوغرز ,,
اذا عيبكم موضوعي لا تنسوا تقيموني ,, وتدعولي بالتوفيق ,,
