السلام عليكم ورحمة الله وبركاته
بنات شوفوا صور فستاني بتصميم هندي ماخذه القطعه من الهند ومفصلته عند مصمم السعفه يوم المصمم شاف القطعه عجبته واااايد .. بلبسه بعرس قريب ان شاء الله....
بنات شوفوا صور فستاني بتصميم هندي ماخذه القطعه من الهند ومفصلته عند مصمم السعفه يوم المصمم شاف القطعه عجبته واااايد .. بلبسه بعرس قريب ان شاء الله....
امممممممم مرات لين اشوفه مادري احس شكله صاير مال اول بس مع اللبس عجيب جني ممثلة هنديه خخخخخخ المهم عندي كمن سؤال وجاوبوني بصراحة:
*اول شي وش رايكم بالفستان يعني يفشل زين ؟زوين؟ ((ترى عادي انا احب الكاش في الوجه)) في كل الحالات بلبسه لان دافعه فيه دم قلبي <-----درينا انه غالي وشحقى تفوشرين:tongue:
*ثاني شي قولو لي شاحط معاه مكياج انا احب المكياج الوسط يعني ماحب الدفاشة وعجئة الألوان اللي تخلي الوجه يصارخ وانتي بقمة هدوئك هههههه...... وماحب النعومه الزايده اللي ولا كاني حاطه شي... احب المكياج يبين بس من غير تكلف يعني تقدرون تقولون لبناني ثقيل بس _على فكره انا اللي بتمكيج بروحي اعرف بس عطوني الطريقة يعني من نص العين ولا سموك ولا بنانا وشنو الدرجات اللي ترشحونها لي ولو عندكم صور بعد زين
ثالث شي ألبس الشال بيدي ولا احطه براسي نفس الهنود ولا قديمه الحركه ترى من زمان ما طبيت اعراس<-----اقول:الاخت متخرعه من قلب :D
رابع شي عطوني فكره بالاكسسوارات يعني البس ذهب؟ ولا اكسسوار وشنو البس حلق بس ولا حلق واساور ؟
انزين احط فصوص فوق حواجبي نفس الهنود ولا بنزل من مستوى الفستان كاني في ليلة حنا <----اقول صج مصختيها
وشاسوي شعري ؟ افله؟ولا ارفعه لان الفستان فيه كلر ملكي شلون اسوي شعري يعني اسوي فرق بشعري خخخخخخ<----احلفي ان تبين فرق
واخيرا صور فستاني ((درجة الفستان نفس درجة الكلر بالضبط بس مادري ليش الفلاش ضارب على الفستان مغير لونه بشكل بسيط جدا))
هاذي الحاشية من قريب ولاحظوا البطانه درجتين
وهذي الشك من قريب ذهبي مطفي((القطعه جاهزه ومشكوكة))
ودمتم بود وربي يحقق مراد كل اللي ترد علي امين يارب العالمين
أحبكم واااايد واحب منتدى عروس
