طفلي يعض.....ساعدونييييييييييي

هلا أختي .. والله كانج اتكلمين عن ولدي ... انا بعد ولدي وايد ايعض ويضرب ومفتشله منه ... وماأعرف شاسوي معاه ولا بعارفه الحل ... اتمنى الي مرت بهتجربه اتفيدج وافيدني معاج ...

الطفل العضاض لا زم تعضينه عشان يفهم شنو يعني عض مره ومرتين وبعدها بيفهم بس عاد عضه خفيف بس خليه يفهم شنو يعني الم خليه يصيح..

ومن ناحية الطق والشطانه لازم تعطينه ضعف اضعاف الحنان لانه يحاول ينفس من غيرته بالشطانه والمشاغبة ولفت الانظار؟؟؟ يعني على طول احضنيه وكلميه كانه كبير مو صغير ترى هالنوعية يفهمون يعني اهم شي تعاملينه بذكاء وعلى طول تحفزينه بكلمة شاطر مع التصفيق وعلميه على الحنان مع اخوه الصغير واكسري خاطره عليه يعني مثلا: قولي له هذا اخوك صغير ومسكين يصيح واهم شي تعابير وجهك تكون تكسر الخاطر عشان يفهم وخليه يمسك اخوه ويشوفه ويبوسه طبعا بوجودك ولو تهور لا تصرخين بيني له انه هذا اخوه وصيحي بتعابير الاطفال ان حرام يسوي فيه كذا ....ترى بتلاحظين اللي بياكد لك هذا الشي انه بوجود اخوه الصغير بتلاقينه شيطان لكن بعدم وجوده شطانته بتخف بشكل واضح وهذا الشي اللي بيوضح كلامي ان هو يعاني من الغيره...ولاحظي اذا انتي وزوجج غرقتوه بالدلع والحنان والمدح بيتغير مع الوقت وبيصير هادي ..وقللي من اعطائه السكريات لانها تزيد نشاطه

الله يعينك

وانا بعد ولدي عمره سنتين و يعض بس ما يعض الا انا وابوه بس قصده لعب مش عصبية

واحيانا يعض اخته الصغيره اذا انا اخذت منه شي

وبالنسبة للشغب والحركة الزايدة اعتقد عادي طبيعي

" بس ولدك شكله يغار من البيبي "

بالتوفيق حبيبتي

[GRADE="00008B FF0000 00008B FF0000 00008B"]
يتى الغالية مره على العوق ...:cry:

ولدى الثانى مخبلنى ؟؟ما شااااااااااااااء الله عليه وااايد شيطان الله يحفظه من كل شر وعنيد وما يسوى شئ بسهولة ابدا ..وما يسمع الكلام

وعن العض:21_21: حدث ولا حرج ما تم فى العائلة احد الا وولدى عاضنه من الخدامه لين اليده ...واخوه مب سالم منه ...
ما عرف شو اسوى وياه عملت كل الطر ق وياه بس مو قادره اسيطر عليه.......


[/GRADE]

بصى هو ابنك حاجة من اتنين اما بيحاول يلفت انتباهك ليه فبيعمل الحاجة اللى بتغيظك ودة حله انك تتجاهلييه ياما عندة شقاوة زيادة فحاولى توديه حضانة يطلع فيها طاقته او تلعبيه اى رياضة

مشكورين حبيباتي على الرد....

بس بصراحه ابني من يوم بدا يمشي وهو مشاغب كثير والحين زادت المشاغبه والله وزني ماعاد يزيد من كثر ما اجري وراه ولا اقعد دقيقه وحده (الله يعينني).....ريجيم طبيعي.....
وهو يسوي كل شي يغيظني واللي اقوله لا ماتسويه يجي ويسويه قدامي عشان يقهرني
وما اقدر اني ماانفعل او اصرخ احس ضغطي وصل للمليون من القهر وبعد ما اقدر ادلعه لانه بيزيد وجربت الطريقتين بس ولا وحده نفعت والله محتاره....
الولد العنيد اصعب شي في التربيه ولازم الوحده تنتبه على كل شي في تعاملها معاه ....
الله يستر اخوه ماياخذ العناد منه .....

الله يعينك

لا تعالجو المشكلة بمشكلة .. يعني ابدا لا تعالجو مشكلة العض بالعض ..
لما تعضيه ، انتي بتشجعيه اكثر لمواصلة العض .. ( يعني يقول ماما تعض ليش انا ما اعض؟!)

كل الاطفال في هذا السن يمسكو هذي العادة حتى ابني كان عنده العادة هذي وكان مفشلني ..بس صبرت عليه ومسك اعصابي ... وحليت الامر بحكمة ..

الطفل يعض علشان يلفت الانتباه .. ولو انتي استجبتي له لما يعض احد اذا انتي تنفذي ما يبحث عنه .. فهو بيواصل ..
كل اللي عليك تسويه هو التجاهل وليس العقاب ..كل اللي عليك تعمليه لما يعض انزلي لمستوى طوله وبلهجة حادة وقوية (مش بصياح وصريخ) ان العض ممنوع وان انت شاطر ... وماما تحبك علشان كدة انت تاني ما باتعضي .. وبعدها قومي ولا تتحدثي معه ابدا وتجاهليه تماما ... ومع التكرار الكلام هذا في كل مرة اكيد بعد فترة بايفهم ..
انا كنت اقرب اصبعي جنب فمه فكان على طول يعض .. فكنت ازعل منه واعيد تكرار الكلام وكنت اقول (وسام الشاطر ما يعض وسام يبوس) الى ان صار بعد فترة من نفسه يقولي ( ماما .. عض لا ) ويبوس اصبعي ومنها نسى الامر تماما وارتحنا ...
ما أخذ مني وقت كثير يمكن 3 اسابيع إلى شهر وهو كان نسى الامر تماما ..