كل بحرينيه تدخل ضروري..

مرحبا اختي
الله يتمم عليج بخير ان شاء الله
اختي تثق بفوزية كمال والثانية ما اعمرفها

الله يتمم عليج حملج ويسهل ولادتج ويقومج بالسلامه انتي والبيبي بس شوفي انه اثق ثقه عميا بفوزيه كمال وكل حمل اروح عندها تريح قلبي وبالي والدخله عليها ب20 دينار

فوزيه كمال ممتازه ولها خبرتها نفس ما قالو لج الاخوات
*************************
وفهيمة بعد ممتازه بس طبعا خبرتها اقل من فوزيه بس يمكن الناس تمدحها لج لانه جهاز الالتراساوند اللي بعيادتها حديث وواضح جدا مقارنة بكل العيادات الباقيه والمستشفيات الباقيه اللي في البحرين واختي راحت لها وقالت لها بنت وبالفعل طلعت بنت

انصحج بفوزية كمال عن تجربه

انصحش بفهيمة المطوع بصراحة جهازها كلش حديث ومتطور وواضح

ومن خلال بحثي يقولون ان فوزية ماتعطي الوحدة حقها في انها تشوف جنينها عدل

بعكس فهيمة المطوع تمهل وياش وتعطيش حقش وزيادة

انصحش بفهيمة المطوع وااااااااااااااايد زينه وتمهل مع الوحده وتاخذ السعر على حسب الشهر الي انتي فيه كأن في نهاية الاشهر اغلى شي تاخذ 35 واني رحت لها لما كنت حامل وقالت لي ولد وراوتني الاعضاء التناسليه للجنين بوضوح يعني تفصل اليش الجنين من راسه الى كرياسه:)

والله يوفقش

أختي انصحش بفهيمة المطوع لعدة اسباب :

جهازها متطور جدا

تسوي الأشعتين العادية والملونة في نفس الوقت علشان تتطمن على البيبي

معاملتها جدا راقية

تعطيج حقج وزود

في تلفزيون حق الزوج علشان يشوف وهي تشرح

تعطيج سي دي بالتصوير

أنا رحت لها في الشهر الخامس ببنتي الثانية لأني كنت بسافر وحابة اتطمن عل البيبي وقالت لي بنت وفعلا جبت بنت


فوزية كمال :

رحت لها في بنتي الأولى كنت ابي أتأكد انها بنت مو مصدقة المركز يوم قالولي وفعلا جبت بنت ( كنت اتمنى بنت لأن عندي ولد )

ماأخذت عندها حتى 10 دقايق بعد انتظار يمكن ساعة

بس فوزية كمال ياما سمعت عن خطأها في التشخيص وماكنت اصدق واكثر شي تقول بنت وبعدين يطلع ولد .....

بنت عمي والدة صار لها شهر تقريبا عندها بنت من قبل وتجهيزها لحملها الثاني وردي في وردي حتى انها منتقلة في بيت جديد وصبغت الغرفة اللي بتقعد فيها باللون الوردي واخذت سرير بنتها وصبغته بعد وردي وطبعا كل ملابس البيبي مال بنوتة وكل هذا بفضل فوزية كمال اللي قالت لها بنت وخلتها تعتمد انها بنت .....


وفي غرفة الولادة بعد ماولدت قالوا لها مبروك ووووووووولد ...


اهي وزوجها وكل اهلها ماكانوا مستوعبين اللي صاير وظلوا فترة منصدمين خخخخخخخخخخ

أنا أثق في فوزية كمال رحت لها مرتين قبل لا أعرس كان عندي الياف بالصدر وبعدين رحت لها بولدي الأول وقالت ولد وبالإجهاض والحين في بنتي بعد قالت لي ولد....

ممكن حد يعطينا عنوان فهيمة لمطوع ورقمها

انا جربت الثنتين .. وكل وحدة لها اسلوبها .. فوزيه كمال اثق فيها .. وهي اللي اكدت لي جنس البيبي

وامس انا كنت عند فهيمة لان فوزية كمال ما كانت فاتحة .. فهيمة ممتازة بعد تعطيج حقج ومثل ما قالوا البنات الجهاز متطور .. وتطلعين من عندها وانتي مرتاحة ..

بس نصيحة .. روحي من وقت وما عليج من المواعيد .. تخيلي انا رحت الساعة سبع إلا ربع .. طلعت 9 وشي .. وكانوا جدامي بس 4 وحدات .. تخيلي .. هي تاخذ مع كل وحدة من 20 إلى 30 دقيقة على حسب ..

بس المواعيد مأساة عندهم.. عكس فوزية ما تنتظرين وايد .. وتعطيج سي دي ملون واسود فيه فيديو وصور ملونة عادية .. بس فهيمة اشوي اغلى يعني انا خذت مني 35 بدون سي دي .. بس صورة وعادية مو ملونة ..

والله يعيطيج اللي تتمنينه ..

عنوانها ما يضيع .. جنج رايحة سترة .من المنامة. تدشين يسار على الاشارة المحطة تكون على يسارج تروحين سيدة اييج دوار صغير تاخذينة وترجعين البناية بتكون على يمينج .. ما تضيع..

الرقم 36624323

فهيمة المطوع جم تاخذ اذا رحنى ليها في الشهر الثامن؟؟

بنات اليوم نزل علي شي بني على احمر شفته في الكلينكس بس الحين وقف ؟؟
.. مع آلام خفيف ؟؟ ابي اعرف شنو؟؟ هل هو طلق ..؟؟ ما عرف الم الطلق اشلون؟؟؟؟؟

مادري بالضبط ما بي افتي .. بس اول ما تروحين الاسعار هناك .. حطي في بالج من 30 إلى 50

موعدي عقب يومين

مشكووررين اخواتي والله يعطيكم العافيه

وعلى كلامكم افكر اني اروح الى فهيمه؟؟ بس خلنا نجوف بعد باقي الردود

مرحبا انصحج بفهيمة لمطوع من يومين كنت عندها تقريبا تميت نص ساعه وياها معاملتها روعه والصراحه حسيت عطتني حقي وزيادة جفت البيبي وتطمنت عطتني كل المعلومات الوزن وحجم الراس والجسم وحتى العظام وعرفت جنس المولود مع صورة للبيبي ودي في دي الجهاز واضح وايد حتى ملامح البيبي اتبين واضحه مع العلم اني في السادس سويت تصوير رباعي الابعاد مع الدي في دي 40 دينار بس الصراحه يستاهل هالمبلغ واكثر

بالنسبة الي

رحت لفوزية كمال

ومثل ما قالو البنات

يا دوب عشر دقايق

طبعن السونار ب 20 دينار

واذا تبين ملون مع سيدي

تدفعين 30 دينار

اما الثانية ما اعرفها

واول مرة اسمع عنها

الله يتمملج على خير

شكرا على ردودكم

واني افكر اني اروح الى فهيمه المطوع لاني بالفعل سمعت عنها من قبل انها اوكي.