اخطاء وقعت فيها

انا عندي نصيحة بعد للعرايس انه اذا كانو بيحجزون الميك اب اوالشعر لازم تكلمينهم انج لازم تكونين جاهزة قبل بوقت بساعتين تقريبا

يعني مثلا اذا لازم الساعه عشر تكونين جاهزة قوليلهم انه لازم الساعه 8 تكونيني جاهزة..
عشان لو تاخرو عليج يكون عندج وقت وماتعصبين..

ولما محل الكوش يسوي الكوشة خلي حد من اهلج من الشباب يكون واقف عندهم وهم يركبونها ويكون عارف بكل شي تبينه عشان ماتنصدمين لما تنزفين بشكل الكوش او لونها او او ....الخ..

وحاولي ماتسرفين فعرسج عشان ربي يباركلج فيه وفي زواجج..

ولاتنسون المعوذات ووايه الكرسي وسورة البقرة قبل ماتدخلين عشان تحفظج من العين ..ولو ماقدرتي تقرين سورة البقرة حمليها على جالج واسمعيها او على شريط تحطينه في مسجل صغير..

ولما اتذكر بجي اقولكم..

و الله كل النصائح اجت بوقتها تسلمي يا عمري
و ياريت الكل يشارك و ينبهنا عشان نتجنب هالاخطاء

ما تقصرون والله على هالنصايح الحلوه .. ربي يجعلها في ميزان حسناتكم و يسعدكم دنيا و آخره .. و يرزقكم الذريه الصالحه ..

جزآكم ربي كل الخير ووفقكم ويسعدكم إن شاء الله

ومن تحبون^^

اشحنوا جوالاتكم زيييييييييين
ويكون احسن لو تأخدون الشاحن معاكم لانو في زواج اختى انطفا علينا الجوال والحمدلله انه اختى الثانية معاها جوال والا كان حصل مالايحمد عقباه خخخخخخخخخ
لمن ترحون للكوافير خدوا معاكم مبالغ احتياطية وضخمة ههههه يعني خمسة مية ريال وما فوق عشان لا تبتلشون
وطبعا عشان تاكلون لكم ساندويش لو جعتوا ههههههه
ولا تنسون السند في البيت زي اختي خخخخ
واش كمان ...
بس هذا اللي في بالي
بس ادعو لي الله ييسر لي اموري كلها ويبارك لي ويتمم لي فرحي على خير

في ملجتي ما كان يمديني أروح الصالونات وأشوف شغلهم بالنسبة للمكياج والشعر لأنه كان عندي أقل من اسبوع


فحجزت صالون CHOO بالرفاع يم مونتانا على أساس رفيجة خالتي مادحته وتقول شغلهم حلو للشعر ومستواهم نفس الريجينسي وأنا لما زرته عجبني شكله فحجزت عنهدهم الشعر والمكياج



لكن الله لا يوريكم المكياج اللي حطوه لي ، يلوع الجبد ولا يفوتكم ما عنهم ألوان كلش ماعندهم الا باليت بو اربع الوان من ماك (بني كحلي أسو ورمادي) عاد انا يايبة باليت شدو من عندي واستخدمته وعقب يا دور الروج والوانهم تلوع الجبد جنها مالت الثمانين (حطت لي ماروني وييييييييييع كرهت روحي فيه) وماسكرتهم ناشفة وطلعت مسكرتي اللي بجنطتي


المهم دفعت لهم وانا واصيح والحمدلله بنت خالتي كانت معاي ودتني حق بنت عمتها وعدلت لي المكياج ورحنا الصالون اللي يم بيتهم وسويت شعري والحمدلله عدى اليوم على خير



نصيحتي لكم لا تروحون عند احد مب ثقة مهما كان الوقت قصيروما يمدي