...............................؟؟............... (ضروري الكل يدخل ويفيدني)

حبيبتي القراءة ماتعتمد على عمر معين .. وبما إن عمرك صغير وتوك في مقتبل حياتك يعني هذا العمر هو زينة العلم والمعرفة والإطلاع ... أنصحك نصيحة لوجه الله
إقرأئي في كل مجالات الحياة كافة :العلوم وأنواعها-الدين-السياسة-الإجتماع-علم النفس-الطبخ-الرياضة... وغيرها
وماشاء الله الحين دامك تستخدمي الإنترنت إنتي أمام كنز عظيم تقدري تستفيدي منه في كل مايخص الحياة ...
واذا تريدي تعرف المطبخ والطبخ إبدأئي بالأشياء البسيطة من الحلويات السهلة -المقبلات-السلطات-وبعدها تدرجي للمعجنات والمكرونات والأطباق الرئيسية
وهالشي ترى كلش سهل وحلووو وبتحسي فيه متعة ... وطبعاً لاتخلي هالشي يلهيك عن دراستك ومستقبلك انتي الحين في مرحلة تكوين المستقبل الخاص فيك

ومحد ينولد وهو عارف كل حاجة في الدنيا كلنا تعلمنا ,,, وعلى فكرة أنا بدأت أطبخ وعمري 15 سنة والحمد لله رب العالمين طبخي الحين محد يعيبه رغم إن والدتي كانت تمنعي من الطبخ تقول تعفسين لي هههههههه بس هم كذلك ماوقفت إرادتي في التعلم وكنت أخبص واحط مقادير من كيفي لين أصيد الطبخة المطلوبة

ربي يوفقك ويسعدك

هلا حبيبتي يحليلج صغيره:wink:

شوفي من وجهة نظري كل شي تتعلمينه مفيد لج الطبخ مفيد من الناحيه الاجتماعيه
في انج تساعدي امك وفي انك تكوني زوجه ممتازه
بس الاهم انك تتعلمي كمبيوتر وتطوري لغتك الانجليزيه لحياتك العلميه ومستقبلك
وهذين العلمين هم محور المستقبل والعلم في هذا العصر
وبالتوفيق لج

مشكورآآت / نورتوآآ /افدتوووني حييييييييييييييييييييييييييل الله يعطيكم العافيه ^^

مشكورة حبيبتي وانا الحمدلله مااسمع اغاني ولاعندنا دش /نورتي

اختتتي اشتري لج كتبب طببخ للوجبات الخفيفة وتعللمي شوي شوي الطببخ وسوي حلويات سهلة وبسيييطة او القراااءة كل المجلات تثقسفة مثل سيدتي وزهرة الخلييج وهي وايد حلوييين وعندج الانتررنت وربي يوفققج

نورتي يالغلآآ ^^

شعاع حبيبتي ..... البنت تحتاج تتعلم أشياء كثيرة موبس الطبخ .... لأنج راح تتزوجين وتعيشين مع ناس طباعهم وتصرفاتهم وأخلاقهم غير عنج .
وإما عن الطبخ تعلمي من أمج شوي شوي يوم كيكة ويوم حلاوة ويوم موالح وشوي شوي راح تعرفي .
انا شخصيا تزوجت وما كنت أعرف أطبخ زين بس الحمد لله من الانترنت ويوم أسأل أمي وخالتي وجدتي وعرفت .
وبسسسسس.

نورتي يالغلا

تابعي أطايب خخخخ

حبيبتي خبرتك في الحياة مش هتكون من القراءة بس
عاوزة تتعلمي الطبخ ادخلي مع مامتك المطبخ وخليها تعلمك
واقرأي برده مواضيع وطبقيها
وكله بالتجربة
خبرتك تزيد
سواء في الطبخ او غيره
بالتوفيق ياقمر

آنصحك اولاً بقراءة القران الكريم فهو يخبرك عن جميع مجالات الحياة وتثقفيك وهذا غير الاجر ورضا الله وسعة الرزق والشفاعة ..
والطبخ قبل مااتطبقين طبخة حرف بحرف حاولي تبتكري طبخة صغنونة هذا يساعد كثير بتطوير المهارات ..

مشكورات الله يجعله لكم في موازين حسناتكم

تبغي الحل السريع عشان تعرفي كيف تثقفي نفسك وكمان في اشياء انتي تقدري تتقبليها

جيبي ورقه وقلم

واكتبي اتني تحبي تقري اشياء دينيه>احاديث تفسير ايات عن الرسول صلى الله عليه وسلم - عمر بن الخطاب رضي الله عنه...........الخ

اجتماعيه> تحليل شخصيات تطوير الذات معاملت الاشخاص...الخ

تاريخيه>حروب واشياء تاريخيه

لغات>انجليزي فرينش اسباني


كتب عن الطبيعه

كتب للجمال والاهتمام بالبشره والشعر


وبرضو ماننسى الروايات عن نفسي اعشق الروايات ومايمنع انك تقرأي اشياء عشان تسلي نفسك فيها


_____________________________________

وبرضو لازم تكون لكي ثقافات غير الكتب يعني من مامتك وحياتك العامه
______________________________________________________

بالنسبه للطبخ انصحك تتعلمي من دحين حتى لو طبخه بالاسبوع واتعلمي تعملي الحلى والمعجنات

ومو دايما الطبخه تزبط من اول مره


لايغرك ترى انا اكبر منك ب3 سنين وللأسف دوبي اتعلمت اطبخ

بعد مابابا خرج الدادا من البيت وخلانا نطبخ انا واختي بس انا عشان الجامعه اطبخ خميس وجمعه

والبيت سرنا انا واختي وماما ننظفو

عشان نتعلم كل شي

وبس هذي نصايحي لكي

واي خدمه وطبخه انا حاضره*:*

عيون الفهد

بصراحة انا قبل ما كنت اعرف اطبخ بس بديت ادخل المطبخ مع ماماتي ومع مرت اخوي الغالية وشوي شوي تعلمت واشوف برامج الطبخ وشي طبخات حلوه وبسيطة واااااااايد فالمنتدانا الغالي

مشكورات الله يجعله لكم في موازين حسناتكم

شوفي لما كتبتي انك تبين نصيحه الكل رد عليكي بارك الله فيهم بس هل ردو بالي انتي تبينه..؟.؟؟
الي اقصده انه انتي شوفي شنو الي تميلين له وشنو انتي تحبين انك تطورين من خبرتك بالحياه من خلاله

في مثل يقول اقرا كتاب الف مره ولاتقرا الف كتاب يعني انتي اختاري اشياء معينه وابتدي فيها لاتبتدين بكل شي لان بتظيعين وتتشتت افكارك يعني الحين حاولي تبحثين وتطورين نفسك بالطبخ مثلا ماطولك ببيت اهلك ومعاك الوالده الله يطول بعمرها لان ممكن تصلحلك اشياء وتسهل عليكي اخطاء وايد
بعدين اتجهي لشغلات ثانيه وانتي وكيفك بعد شنو تحبين تتعلمينه ممكن التصميم عندنا هني بالمنتدى قسم الابداع كله ابداع وفن
والله يوفقك اختي

حبيبتي اللي عرفته أنج مخطوبة ولازم تعرفين أشياء وايد، ومهم وايد المراقبة شوفي أمج اشلون أتدير البيت، اشلون توزع المصروف، اشلون تتعامل مع الضيوف، اشلون تتكلم مع الناس، واشلون تتعامل مع زوجها وعيالها.


وإذا حبيتي دخلي مدوناتي واقري اللي يسرج

لا والله ماني مخطووبة >:o
مشكورات ع المرور