شخباركم
.
.
أول مره اتجرأ و اسوي آيسكريم ..
بقولكم قصتي .. من جم يوم صار خاطري في عسكريم >> بالبحريني عاد مايصير وايد اعصر بروحي عشان اقول ايسكريم ههههههه :tongue: ..
الموهيم و قلت بجاكم بروحي و بسويه
و جان اتفرر في المنتديات لين حصلت واحد دش خاطري بقوة و مقاديره سهله
و علشان ابري ذمتي هو يصير طعمه كل فانيلاا و طعم الشوكلت شووي لأن مثل الزينه بالنص ^^ ..
اللي ودها يصير الطعم بالكاكو تحط ملعقتين كاكو بودره للنكهه ^^
يالله نبداا ..
بسم الله الرحمن الرحيم
المقادير : واضحه بالصوره
3 بياض بيض >> شيلو الصفار تراا اذا طاحت نتفه صغنطوطه بيصير زفرر !!
كريمه سائلة هي مكتوب عليها مخفوقه بالصوره مبينه شكلها مثل علبه الحليب
نصف كوب سكر بودرة ناعم
كاكو نوتيلا
رشه فانيلاا
جوز او بندق مبشوور
هيرشي للزينه او اي شي تحبينه ^^
انا سويته بسرعه بسرعه و ماكانت عندي الاشياء اللي خاطري فيها بالبيت عشان جي ماسويته على الخاطر بس على المقادير اللي خذتها نفسهاا ..
في الخلاط : نحط بياض البيض + نصف كوب السكر الناعم
انتبهوو بالخلااااااط مو باليد ترااه مابيستوي رغووه
السموحه نسيت اصور الرغوه ^^ ,,
بعد ماتصير عندكم رغوه طبخوه بحمام مائي لأن البياض لازم ينطبخ شووي :wink: ..
الخطوه الثانيه :
اخذي علبه الكريمه كلها و اخفقيها بيدج يعني يدوياً لين تثقل ضيفي لها رشه الفانيلا و 3 ملاعق سكر بودرة ..
و بعدها اضيفي لها الرغوه اللي صت\ارت عندج من بياض البيض و السكر و اخليهم مع بعض
و ابدي حطيهم بالبايركس او الصحن اللي بتسوينه فيه المهم يكون غزير و تحطين ورق شمع بالقااع علشان يسهل رفعه ^^ ..
تحطين طبقه متينه شووي من الخلطه اللي سويتيهاا
و بعدين جيبي النوتيلا و حطي طبقه من النوتيلا و بعدها طبقه بيضاا و بعدها طبقه نوتيلا
و بالنهايه الطبقه البيضه الاخيره ..
و حطيه بالفريزر لين يجمد
و قلبيه و شكليه مثل ماتحبين بالجوز او البندق او الهيرشي او اي شي تحبيه
ملاحظه : اذا تحبين تحطين بين الطبقات رشه جوز او بندق بيكون الطعم احلى انا سويتهاا ^^ ,,
و هذا شكله النهائي
يمي يمي
7
7
7
و بالعافيه على قلبكم يا حلوين
(f)
