المكتب السياحي

سندس الدوحة;9341140:

شوفي من ناحية الأماكن السياحية الله يخلي النت ماقصر.


وثانياً المكاتب ممكن تعمل لكم جدول سياحي بس أسعارهم طبعاً أكثر(تقدرون تستغلون المبلغ السياحي لأضافة ليلة أو ليلتين لجدولكم).


وحابة اقترح عليج من ناحية الجدول:
4زيلامسي(بدل 2 في ساسبرغ ماتستهل السكن فيها ممكن تخصصون لها يوم كامل).

4 ميونخ(مايمدي يومين فيها أماكن تستحق الزيارة واحنا أنشاءالله مخططين عليه الصيف الجاي)

5 سويسرا(هل حدتو المدينة إلي راح تسكنونها)


أو العكس (سويسرا- ميونخ-زيلامسي)


وأذا أستقرتو على الماكن راح أقترح عليج وين تروحين بضبط.
وشنو راح تكون وسيلة التنقل

سندس الدوحة;9376291:

أنزين ليش ماتخلين الجدول كالتالي:

2 ميونخ
4 أيام زيلامسي ومنها تروحون ساسبرغ.
5 أنترلكن في السويسرا (الماسافة مو أقل من 4 ساعات بالقطار أو بسيارة )

أو ممكن بدون سويسرا:
4 ميونخ
4 زيلامسي
3 فينا

والمبلغ إلي ذكرتية شامل تذاكر وسكن

بنت فهد;9411004:
سالزبورغ حلوة وتستاهل من يبات فيها ..

المسافه من سالزبورغ لجنيف حوالي 9 ساعات تقريبا ..

وبالطياره تقريبا ساعه وربع..

عندهم شركات طيران مخفضه .. يعني تاخذين التذكره من بلد لبلد بما لا يزيد عن 500 ريال عشان تكسبين اليوم والوقت .. مثل اير برلين ومجربه مني شخصياً ..

اقترح خلي جنيف 3 ايام

وخذي انترلاكن يومين حلووووووووووة

او بحيرة لوزيرن في قرية Beckenried والقريبه من انترلاكن (68 كيلو ).

سندس الدوحة;9442767:

أختي sho0oge بما أنكم خلاص حجزتو كل شي مافي مجال تغيرون.
وراح أقترح عليج أماكن على حسب ماجربت أو سمعت.
زيلامسي: أختي راحت لها كذا مرة وعجبتها لأنها فيها طبيعة حلوة(على كلامها)وراحت منطقة كابرون الثلجية وفيها بحيرة تتمشون حواليها.

ساسبرغ:زرتها بس ماعجبتي وايد :(رغم الكل يمدح فيها وأشوى ماطولنا فيها
- وتقدرون تزرون الحديقة المائية وايد حلوة وممتعة (عبارة عن نوافير مائية أحياً ماتشوفينها وفجأة يفتحونها وتبللون بالماي)
- التمشية في المدينة القديمة (عبارة عن حارات قديمة وتسوق)
-مصنع الألماس.
- في بحيرة الملك (بس مارحت لها).
- مصنع الملح(مارحت)
-التلفريك.

وبخصوص المسافة أنا سمعت من كذا شخص تقريباً المسافة مابينها وبين زيلامسي 6 ساعات (أصلاً كفاية تشوفون المناظر الطبيعة في القطار (p)ويضيع الوقت بسرعة)

وبخصوص أنترلكن أحنا أن شاءالله معزمين عليها هالسنة :cool:أذا الله كتب ورحنا وما كنسلنا بخصوص (أنفلونزا الخنازير الله يبعدنا عنا) بنقعد فيها 8 أيام وجنيف 3 أيام لأن بحثت في النت مالقيت حد يمدح جنيف كثر مايمدحون أنترلكن بطيعتها(على فكرة الكل يقول طبيعة زيلامسي نفس طبيعة أنترلكن بس على أكبر)

في جنيف ممكن تروحون.
-طبعاً حوالين البحيرة والنفورة الشهيرة.
-شارع الرو دو مارشية.والمدينة القديمة.
-مصنع الكاكاو.
-في مجمع يمدحونه أسمة البلاكسيرت(أختاري يوم الخميس للتسوق في جنيف لأن يكونون فاتحين إلى الساعة(o) 9 في اليل حق الخساير)
-أوشان(على أطراف جنيف)

وفي مقركم في جنيف ممكن تطلعون حق القرى والمدن المجاورة تروحون وترجعون في نفس الوقت مثل:
- أنسي الفرنسية.
- شمونية.
- آفيان
- منترو.
- أذا حابة أنترلكن (أعتقد ساعتين )
-لوزان.

أحلى عرايس الكون;9444149:
سمعي حبيبتي المكتب يحجز الطيران والأقامة و وسيلة التنقل
بس احنا يوم رحنا كل شي سويناه بوحنا والحمد الله ما صار مشاكل كل شي متوفر
باقولج نصيحة عن الأماكن اللي بتروحينها :
ألمانيا : ألمانيا بلاد وايد حلوة يعني فيها أحسن الأسوق و خاصة برلين حسب تجربتي ، الفنادق ممتازة .
سوسيرا : ااااااااااااخ بصراحة اتينن في مدينة فوق الجبل (( خيال)) وايد حلوة اسمها morgins
صراحة اتينن يعني أهلها واكلها ومنظرها وكل شيء فيها اينن
وفي حدود بين سويسرا و فرنسا بينها المدينه الفرنسية المقابلة اسمها catele أو شي جذي يعني اقولج روحي المكان لا يفوتج