$#$ صبغ وقص الشعر لبنات البحرين $#$

ببدأ بنفسي :)

لما كنت نونو .. يعني صغيرة كنت اروح اقصة في صالون في القفول جريب من صالون الوزان اسمه " مانوليزا " !! امحق ذاكره صراحه :o ناسية اسمعة

صرت بالجامعة كنت اقص شعري عند صالون برمودا اتوقع شذي اسمه :D.. عند وحدة لبنانية.. بس شنو كانت تحشة لي حشششش :D يعني تقص حلوو بس تشيل منه ووايد

ولما صرت بالجامعة جربت مكان ثقة واايد
سواء للصبغ او القص
لانه بنت عمي من سنييييييين سنيييييين وهي كله تصبغ عندهم شعرها وابداً ما شفته صار له اي شيئ لا إله إلا الله .. وبالقص تحفة لو تاخذين لهم صورة قصة تسوي لش مثلها ضبط ضبط .. اذكر ايامها كنت قاصة مثل مادونا :o بس قصهم عجيب .. ويراعون دائما يكون الشعر طووويل.. ولما رحت لهم قبل ولادتي قلت لهم ابي بس الاطراف بالفعل الاطراف هي الي انقصت

وهو صالون "زمردة" بالقضيبية .. شكله قديم
بس هذا يدل على انه خبرة وباع طوويل بمجال الشعر(y)(y)(y)

خوش موضوع يا شواخه

انا كنت قبل لا اتحجب اصبغ واقص في الريجنسي عند الان

وعقب تميت اصبغ واقص عند ايفا بصراحه قصها روعه وصبغها اروع بس احس شعري مايطول بسرعه اذا تقص لي
فالحين اصبغ عندها واقص في صالون لينا اللي في عالي اللي تقص لي اسمها ((مو)) واهي صاحبه الصالون بصراحه قص حلو ويدها زينه بسرعه يطول الشعر عقب ما تقص ماشالله

موضوع وايد حلو ولي ردة عليه مرة ثانية واكتب تجاربي

شكراً على الموضوع الحلو...

لما كنت نونو على قولة الشيخة... كنت اقص شعري في الصالون الذهبي وكانت تشتغل فيه وحدة اسمها زكية ألحين تشتغل تسوي شعر للتلفزيون في صالون فاطمة شويطر.. بس شغلها عجيب وقصها حليو

عقب تسكر الصالون من جنب بيتنا وصرت أقصه في صالون النجمة بس بعد شغلهم رووووعة

بعدين ظليت فترة طويلة ما قصيت شعري إلا أطرافه وكان شعري كله سيييييدة عدل يعني مو مقطع ولا شي كان كله قطعة وحدة.. فكنت كل 3 او 4 أشهر أروح اقص اطرافه بس في صالون الوجاهة عند الفلبينية نسيت اسمها وألحين سافرت بعد! خسارة شغلها كان حليو كلش!!

عقبها استهديت بالله وقلت بسوي ليي مقطع لأن شعري صار ضعيف ومحتاج حركة وتغيير... فقمت أقص في الرجنسي عند نهاد بعدين تمللت واستقريت على إيفا.. واجد ارتاح إلى قصها وشعري يطول بسرعة إذا أقص عندها وتسوي ليي اللي امبيه

يعني أنصح بها عدل

انا اقص واصبغ عند ايفا حلو يعجبني بس هذا مرة في عيد فطر من مدح بنات رحت صالون كنوز عند ان بعد حلو قص

موضوع وايد حلو...

بالنسبة لي جربت كذا صالون اول صالون اهو صالون "لينا" في عالي عند "ماو" حلو قصاصها وايد وتقص ب 3 او4 دينار على حسب الطول وعقب جربت صالون pine apple" عند خديجة بعد حلو بس كانت تقص ب6دينار حتى لو الشعر قصير حسيته ما يسوى يعني مب احلى من صالون "لينا"..اما الصالون الي صج حبيت قصاصه وماروح الا حقه احين اهو صالون "كنوز" عند "آن" صج حلو تقص واسعارها عادية يعني يبدي 3 دينار بس صج بروفيشنال خصوصا في التقطيع واااو وحتى القصه الي قبل فترة طلعت الي من جدام طويل ومن ورا قصير هاي بعد ابداع عندها

اني كنت اقص شعري في صالون لطيفه في سوق واقف عند وحدة اسمها سلفي قصاصها عجيب وتسوي لش مثل ماتبين واحسن بس اخر مرة تعايرت اروح سوق واقف بالرغم انه قريب من البيت 10دقايق واني هناك بس رحت الصالون اللي في فريقنا اسمه رنا وقصيت عند وحدة مصرية اسمها هند وكسوته لي مقطع كان حليو بس الحين هاجت مادري وين راحت يمكن فتحت لها صالون جديد

امممم انى لماكنت صغيره ماحب اقص شعري محتفظه بالطول لان كان حلوو

واخاف اقص ويحشون لى لان ابوي ما يحب اقص شعري اخاف تصير لى سالفه

بس اول مره قصيته اختى قصت نصه ههههههههههههههههه وعقب رحت الصالون وعدلوا لي

وعقب رحت صالون لينا وكانت القصه فننن ومقطع عدل وانحش تقريبا واجد منه بس صار تغيير

وعقب قصيت في صالون موون بمدينه حمد قصت لى قصه مقطع وطلع على فنننن ناسب وجهي

ومع السشوار حلووو صاااااار وماحصل البحرينيه دوم بس يدها بركه صرااااحه بسرعه طوووول

وعقب بالعيد ما حصلتها قصيت عند ميلوبا سوق واقف فلبينه ماعرف اسمها وكاااااان حلووو

فرواله اظن القصه وطول بعد مشاااااااء الله وخاطري اقص شوي منه اعدل الاطراف ما بقى

شي على خطوبتي وحابه يكون شعري حلوووو بس الصبغ امى ما تحبه مو حابه اجازف

تخاف يطلع لى شيب لان وشعري لان الشعره متينه شوي حلووووو

وحاليا حاطه حنه بالبيت وشعري بني غامق وطلع افتح وحلوو وبالسشوار بيطلع فنننننن احس

والله خووووووش موزووووووووع

أنا عني ماعندي اضافات مفيده :o
القص أقص في أي صالون ألاقيه جدامي والحمدلله ماعمري اخترب شعري من قصة أو شي جذي

قصيته جم مره عند صالون نوران في الرفاع
ومره قصيته قصييير عند صالون مليجان،، لأنه يم بيتنا خخخخ وكانت القصه حلوه، بس الحين ماحب اروح لهم لان احسهم كله يجربون في الاوادم ويتعلمون عليج خخخخخ

وبعدين تميت أقص بروحي، أيود كل قطعه من شعري وأقصه أطرافها وبسس لأن احب ان الشعر يكون مب متساوي يعني يصير الشكل طبيعي يازعم :D وأنا أعرف شكثر ابي أقص منه واتحكم في الطول (y)

ومن فتره لما رحت أصبغ شعري عند ايفا (n) ومايحتاج أقول تجربتي مع الصبغ لان حفظتوها :dd::dd:
حشت لي شبر وشي من شعري بس طلعت القصه حلوه مع انها بس يابت شعري كله جدام وقصصصصته :(

الحين مخليته وأربييييه عشان يطلع خوش ريال :cool:


أما الصبغ فماعمري صبغت في الصالون الا مره
ومره صبغت عند وحده في بيتها، وطلعت الصبغه حلوووه وجربت اصورها لكم بس للأسف من الفلاش كله يطلع لون الشعر بني غامج او أسود وفيه خصل برتقاليه :ss:
بسسسسس شعري احترق وانعدم ويتساقط بشكل فظيييع، وكلما أروح الصالون استشوره لازم اللي يسوون شعري يكلموني عنه
ومره وحده زفتني تقول لي شعرج مسكين واجد خخخخخخخخخ
فبعدين حسيت اني ظلمت ايفا وصبغها لانها قالت لي ان شعري مايستحمل الالوان الفاتحه بس بعد صبغها كان لوعه، على الاقل تقول لي ماقدر اسويه
مب عقب ماحطت الصبغ وكل شي قالت لي مابيطلع مثل ماتبينه :ss:
والسعر ب40
وأنا شعري كان تقريبا لنص ظهري وغليظ شوي

الأماكن الثانيه اللي شفت تجارب الناس معاها

فندق الخليج: ماعرف شسم الصالون بس اختي صبغت شعرها فيه عند وحده فلبينيه
وماكانت الصبغه فيها شي زود يعني عادية كلش، وأول شي اللون ماطلع عدل كأن شعرها أسود :eek: ويوم قالت لها اختي قامت يابت لها كشاف وحطته فوق راسها وقالت لها جوفي اللون يبين خخخخ جنه الا احنا بنمشي بكشاف فوق راسنا
وحسيت سعرهم مبالغ فيه، شعر اختي كان قصيير فوق الكتف وسووا لها صبغ وهايلايت ب45 كأن

ايلي اند جان (الريجنسي): بعد اختي جربته
وأول شي صارت لها نفس السالفه شعرها كلشششش مافيه أي لون بس قالت لهم مالي شغل عدلووه
فعقب ماحطوا لها الهايلايت وقبل لا يغسلونه تموا يفركون الشعر كامل عشان يختلط ويفتح الشعر
والنتيجه
وااااااايد اللون طلع حلو كان عجيييب بس اختي غسلت شعرها في اليوم الثاني :ss: وصار اللون غامج
أما سعرهم، فهي كان شعرها لتحت كتفها بشوي وخفييف
خذوا عليها 68
وصبغته عند وحده لبنانيه اسمها فاطمه

صالون رفين (الرفاع): رحت مع صديقتي عشان تصبغ شعرها واللي تصبغ هناك "جي جي"
سوت لها صبغ وهايلايت وكان اللون حلو بعد (y)
بس مادري عن حالة شعرها عقب الصبغ ماجفتها من زمااااان :(
وسووه لها ب20-25
وشعرها لنص ظهرها تقريبا وغليظ

صالون جوليانا (المحرق): على أيام الفرع القديم
انا سويت لي هايلايت أحمر عندهم، كنت ابي اشقر او بني فاتح شي جذي بس راعية الصالون قالت لي الاحمر احلى
عاد انا كنت صغيرونه فقلت أوكي :o بس طلع حلوو، لانه بس جم خصله يعني
خواتي الثنتين صبغوا عندهم مع هايلايت وكان كلش سخيف

وبسسسسس تعبت وأنا أكتب

لما كنت صغيرة كنت اروح الريجينسي لين عقب الثنوي عقب تحجبت وقمت اروح صالون لينا لأنه في فريجنا رغم ان مايعجبوني وايد لأنهم وايد يسئلون عن اشياء خاصة بس اللي تقص الشعر ( ماو ) زينة .. لكن حاليا قمت اروح صالون كنوز .. بعد صاير في الفريج والصراحة واااااايد عاجبني .. اللي تقص لي اسمها ( آن ) فنانة وبسرعة يطول شعري من عقبها .. وصبغ الشعر عندهم سويته مرة لكن أكثر من روعة لأنهم صج يعرفون يتعاملون مع نوعية الشعر ويحاسبون على كل شي !! القص تسويلي اياه ب4 دينار .. والصبغ ب11 .. لكن والله ماخترب شعري ليحين ناعم الحمدلله .. فكرت حاليا اني احط حنه بس غيرت رايي اخاف شعري يصير خشن

حصاصي;9311048:
خوش موضوع يا شواخه

انا كنت قبل لا اتحجب اصبغ واقص في الريجنسي عند الان

وعقب تميت اصبغ واقص عند ايفا بصراحه قصها روعه وصبغها اروع بس احس شعري مايطول بسرعه اذا تقص لي
فالحين اصبغ عندها واقص في صالون لينا اللي في عالي اللي تقص لي اسمها ((مو)) واهي صاحبه الصالون بصراحه قص حلو ويدها زينه بسرعه يطول الشعر عقب ما تقص ماشالله

في وين بالضبط صالون إيفا ؟
ومن أحسن وحده في القص
عندي مناسبة وناويه أقص شعري كتغيير

بنات وين صالون كنوز؟

reddish صالون كنوز في عالي..تخلين الحلي على يمينج وتمشين سييييييييييييده طوفي كل اللفات الي على اليمين لين ماتوصلين الى آخر لة على اليمين بتكون مجابلة معهد كأن اسمه golden trust لفي اللفة وروحي سيده طوفي اول لفة يمين دشي في ثاني لفة على اليمين بتشوفين برادات الفا الصالون يصير في نفس الصفة..ان شاء الله عاد عرفتي قصدي اذا تدلين عالي من مكان غير قوليلي وبشرح لج

في وين بالضبط صالون إيفا ؟
ومن أحسن وحده في القص
عندي مناسبة وناويه أقص شعري كتغيير

تو الناس;9314287:
لما كنت صغيرة كنت اروح الريجينسي لين عقب الثنوي عقب تحجبت وقمت اروح صالون لينا لأنه في فريجنا رغم ان مايعجبوني وايد لأنهم وايد يسئلون عن اشياء خاصة بس اللي تقص الشعر ( ماو ) زينة .. لكن حاليا قمت اروح صالون كنوز .. بعد صاير في الفريج والصراحة واااااايد عاجبني .. اللي تقص لي اسمها ( آن ) فنانة وبسرعة يطول شعري من عقبها .. وصبغ الشعر عندهم سويته مرة لكن أكثر من روعة لأنهم صج يعرفون يتعاملون مع نوعية الشعر ويحاسبون على كل شي !! القص تسويلي اياه ب4 دينار .. والصبغ ب11 .. لكن والله ماخترب شعري ليحين ناعم الحمدلله .. فكرت حاليا اني احط حنه بس غيرت رايي اخاف شعري يصير خشن

افففف اكره شي اللي كله حاشرينها :mad:
بس الصراحه شجعتيني على صالون (آن)
هو من زمان ناوية اروح له بس متعيزه اروح ادووور بس الحين دليته على وصف نوروووو

ونصيحه، لا تحنين شعرج كلشششش اذا ناوية تصبغينه في يوم من الايام

اني عادة اقصه عند زهره في العفراء و هذا كان ايام الخوالي .. الصراحه قصاصها حلوو و اتكلم معاها بالللي ابيه و تقولي اوكي يناسبني اولا .. لان شعري حده حده خفيف و ناعم .. و تقص لي حلو مع انها وايد كانت تقصره تقولي مو حليو طويل و خفيف .. ومن يوصل شعري لتحت جتفي بشوي اروح لها .. بعدين قمت اقصه عند كنوز عند آن .. و قصيته مرتين بعد عند عروس البحرين اول مره كانت القصه اوكي حلوه .. بس ثاني مره قصيته عند فلبينيه حشته حش حتى ما ينلم الا بالعزر .. و منها ما قصيته آبيي اطوله .. اختي قصت شعرها وياي في عروس البحرين عند وحده مغربيه سمرا و كانت القصه عجيبه عليها ..

خواتي الصغار قصوا شعرهم في صالون الطائر الاحمر في عالي بعد حليو بس اختي شعرها طويل لاخر الظهر قصوه لها فراوله لتحت الجتف بشوي بس كان حلوو ..

سمعت عن صالون لوران في مدينه عيسى يقولون قصاصهم حلوو بعد ..

صالون إيفا في السهلة.. تدخلين مدخل السهلة.. توصلين للدوار الصغير تاخذينه يمين وتمشين لحد الحديقة تدخلين لفة الحديقة بتشوفين الصالون ورا الحديقة صوب بنايات هناك
وجنبه صالون اسمه ظلال البحرين جديد توه فاتحينه


واللي تقص هناك اسمها إيفا والصالون اسمه على اسمها (إيفا)

صالون زمردة بجم يصبغون الشعر لون واحد؟؟

صالون لينا وين يصير ؟؟؟

reddish;9314607:
بنات وين صالون كنوز؟

عالي قريب من مدرسه عالي الابتدائية للبنين ,, يعني في صفه الاسواق اللي هناك

Oriana;9317142:
صالون إيفا في السهلة.. تدخلين مدخل السهلة.. توصلين للدوار الصغير تاخذينه يمين وتمشين لحد الحديقة تدخلين لفة الحديقة بتشوفين الصالون ورا الحديقة صوب بنايات هناك
وجنبه صالون اسمه ظلال البحرين جديد توه فاتحينه


واللي تقص هناك اسمها إيفا والصالون اسمه على اسمها (إيفا)

اي سهله بالظبط ؟؟ اللي تصير ورى الابراج ولا اللي عند شيخ عزيز وفيها محطه بترول عند مدخلها !!

..

اني جربت قصاص آن في كنوز وعجبني ,, ونصيحه لا تروحون لغيرها لانه محد عندهم يعرف يقص عدل غيرها

وجربت صالون بنت الفريج في راس رمان وما عجبني كلش قلت لها ابي فراوله قصت لي قطعه قصيره كلش لفوق جتفي والباقي خلته طويل لظهر

وحاليا كله امي اللي تقصه :D لانها ماخذه دوره في هيك شغلات وتعرف تقص لي مثل ما امبي

,,,,,


ادري سؤالي مو هني مكانه ,, بس امبي صالون حلو ونظيف يسون منكير في عالي ,, لا تقولون لي ازاليا لانه ما حبيته