خايفة على بنتى ساعدونى

مرحبا امهات عايزة افضفضلكم على الى جواتى وياريت تساعدونى

فى شعور جواتى بيموتنى شعورى بانى مش قد انى اربى بنتى مش قادرة على التربية

بنتى عمرها سنة واربع شهور مشت على بداية الشهر ال 11 وعلى السنة بدات تسنن والى الان عمال يطلعلها طواحين ونياب

قبل الاسنان والمشى كانت صلاة النبى ناصحة اكتر من الازم وهلاء البنت من يوم المشى وهيا ما زادت ولا شى بالعكس بدا ينقص وزنها وهلاء وزنها 9 ونص ضعيفة وياريت على قد هيك بنتى فى الشهر اكتر من خمس مرات لازم اروح المستشفى السخونة والرشح والنهجة وخنفرة مستمرة ورشح مستمر كمان التهاب البلعوم لازم كل 10 ايام يكون ملتهب من السخانة صار معها تشنج والله العظيم نفسيتى كتير تعبانة ومتدايقة خايفة بنتى تضيع منى تعبت معها دايما عايشة على الدواء شى مضاد حيوى وشى تحاميل وشى ابر والله تعبت وخايفة بنتى تتعود على الدواء او يصير عندها مناعة من كتر الدوا

مع انى والله حاسة حالى محافظة كتير عليها بس مش عارفة ليش هيك بيصير

غير انها ما بترضى تاكل خالص تخيلو انى باعطيها اللبن بالسرنجة

انا كتير مقهورة تعبت شو هاد ليش بنتى هيك خايفة عليها بالله ساعدونى