شخباركم؟!
كالمعتاد الوك للجامعة
أنا ورفيجتي أتفقنا أن ثنتينا نلبس أزرق فحبيت اتميز عنها بمكياجي
وهالوك راح أسوويه بكره للجامعة
وهذا صوورة الفانيلة اللي راح ألبسها بكره
بس طبعا راح ألبس تحتها فانيلة بيضا
وبانطلون جينز سكيني وشيلة بيضا
وشووز بمثل لوون الفانيلة الفيروزية
أول شي أول ماقمت من النوم غسلت ويهي بغسول كلين آند كلير
عقبها حطيت كريم النهار من أولاي
وعقبها بديت وضع الميك آب
أول شي حطيت البودرة من قولد فير
1) حطيت الشدو الأبيض على الجفن المتحرك كامل
2) حطيت اللون الأزرق اللي مايل شوي على الكحلي ما اعرف اوصف لونه بصراحه
بس اللي مأشرة عليه برقم اثينن حطيته على نهااية العين ودمجته مع اللون الأبيض
وهذي صوورة الفرشاة اللي إستخدمتها
بعدين أخذت قلم الكحل الأبيض وحددت فيه تحت العين
وعقبها أخذت الكحل الفيروزي وحددت فيه فووق الكحل الأبيض
بعدين أخذ البودرة الحرة من ماكس فاكتر ماركتي الا اموت عليها
ومسحت فيها تحت العين
علشان أشيل أي آثار لشدو المتناثر
بعدين أخذت المسكرا من نيفيا وحطيت منها على رموشي طلعت قمر 14
بعدين أخذت كونسيلر من نيفيا أنصميت فيه يوم شريته وما حبيته وقلت حرام يا بنت ترمينه
وزعته على شفايفي بس هاااه اول حطيت مرطب تالي حطيته
وتالي أخذت الروج الوردي وااايد احبه هاللون استخف عليه
والله والله يا بنات ان اللون طلع واضح وحلو و فوق هذا ثابت
وهذا الا كلنا ندور عليه
بعدين ضبطت حواجبي بواسطة فرشاة تضبيط الحواجب رتبتهم
وتالي حطيت خزامة أهي ستيكر على شكل قلب صغيروون على خشمي
شاريتها من السوق الشعبي اللي بالبحرين
للي حابين يشترون مثلها
صورتهم بس للأسف مو طالعين واضحين لأنهم صغار
فراح استغني عنهم
وبس خلص اللوك و أتمنى أنه عجبكم
وبليييييييييز يا الأدارة ضبطووا لي الصور وعلموني شلون اصغرها
لاني مت بألف طريقة احاول اضبطها ولاني عارفه شلون اصغر
فأ عفوني هالمرة وضبطوهم لي وياريت احد منكم يراسلني بخصوص موضوع تصغير الصور
تحياتي
مشتاقة ليك
تم تعديل المشاركة الرجاء قبل وضع اي موضوع به صور العودة لمشرفات الركن قبل وضعه !!
