تصويت بين شريفة و عايشة !! من افضل برأيك ؟؟

3

3aro0osa

عروس مشرقة

25-04-2009 | 06:18 PM

شخبااااااااااركم بنوتات .. (f)

طبعا الموضوع مبين من عنوانه ...:D

ابي تصويت بين شريفة فولاذ ولا عايشة الريس ؟!!

من تحسوون افضل لعروس طبعا !!

ومن ناحيه الاساس من يثبت اكثر؟؟

والميك اب اي احلى تطلع الملامح ؟؟

ومن تضبط البشره الحنطية او السمرة اكثر ؟؟؟

واللي عندها ميك اب للثنتين لاتبخل علينا بالصووووور

اتمنى التفاعل معاااي (y)

ناطرة مشاركاتكم ... :21_201:

ا

ام حمود

عروس مشاركة

25-04-2009 | 07:11 PM

شريفة فولاذ حلو شغلها بنفس الصالون
فيه صابرين كمال شفتين شغلها ؟
حلو وتشتغل على كل لستايلات وشفت لها سمر وبيض وحنطاوي
وتسوي الخليج واللبناني والوسط حسب طلبش
شفت لها 4 مستويات
و عايشة الريس حلوو ما شاء الله
هذول توني شايفة لهم شغل ما شاء الله يسون لش حسب طلبش

ش

شوشو 87

عروس ماسية

25-04-2009 | 07:12 PM

انه جفت مكياج عايشه الريس على العادي على حموااااتي وحده كان حلو مكياجه وحده كلش موحلوو المكياج كانها حاط بروحه وبودره كلش حتى الحرار اللي في ويهه بينه ودهن وعلى فكره كان عرسي شهر 3 يعني موحر مادري يعني أهي تظبط على ملامح الوحده اما شريفه فولاذ ماجفت مكياجها علشان أصوت ان شالله باقي الاعضاء يفدونج حبيبتي
بالبركه :)

ز

زمن الطفولة

عروس ذهبية

25-04-2009 | 07:18 PM

الثنتين شغلهم حليييو
اني شفت شريفة فولاذ على عادي حليو كان

ونفس البنت كانت عروس متعدلة عند عايشة الريس حليييو بعد

انتي روحي شوفي شغل الثنتين وعقب احكمي
لاتاخذين على ذوقنا

لان الا يعجبنا يمكن مايعجبش

.

.. نجمةٌ أنا ..

عروس جديدة

25-04-2009 | 08:52 PM

شريفة حلو:)

ب

بحرينية قمر

عروس مبدعة

25-04-2009 | 09:32 PM

عائشة الريس مكياجها حده حلوووو لو أنا مكانج أروح لها و أنا مغمضة و يكفي ان وحدة من هلي جافت مكياجي بعرس و كنت حاطة ميكب عادي و قررت تحجزها حق خطوبتها صراحة شغلها لا يعلى عليه :15:

n

nemraa

عروس مشاركة

25-04-2009 | 10:15 PM

عائشة الريس

اي صالون؟؟

ب

بحرينية قمر

عروس مبدعة

25-04-2009 | 10:26 PM

nemraa;9307286:
عائشة الريس

اي صالون؟؟

صالون ايلي زاند في جدعلي :)

ح

حلمـ .,

مشرفة سابقة

26-04-2009 | 01:42 AM

للصراحة والأمانة ..,

شفت شغل الثنين!

شريفة .. على العادي وكانوا صديقاتي قلبت ملامحهم 180 درجة وفعلاً طلعوا روعة و كل من قالهم طالعين غير من قلب =)

مكياجها بين الثقيل إلى الناعم يعني مكس بين الإثنين

ما أقدر أحكم على الأساس لأن ما حطت لي

و بنفس الوقت ما عمري تعاملت معاها شخصياً

تتواجد في صالون ( ليلو - الرفاع ) , والشعر عند ( لطيفة )

بس أنا أشوف "صابرين" أفضل منها وهي بنفس الصالون

*
*

نجي حق عايشة الريس

و هي تجربة شخصية بحت

رحت لها في خطوبتي علشان أحجزها

عمياني

مجرد سمعت عنها وسمعت المدح ورحت

شفت لها عروس وكان مكياجها لبناني بحت و ما فيه أي حلا و زهوة

بصراحة أنحبطت

و قلت لها إنتي ستايلج هاللون ؟!

راوتني صورة من مجلة

تقولي العروس جابت لي هالصورة وتبي مثله

و بصراحة طلعت العروس أحلى من صورة المجلة

قالت لي أنا أحط على رغبة زبونتي

شنو تبي ؟ لبناني .. خليجي .. مكس

وعلى طول وبكل ثقة دفعت لها عربون

*
*

يوم حفلة خطوبتي رحت لها

و شفت شغلها على 3 وحدات عادي

وكانوا كلهم لون بشرتهم غريبة

إلي سمرة وايد

وإلي بيضا

وإلي حنطاوية

وكلهم طلعوا توب وروعة

وعلى فكرة كانوا من قطر !!!! بس جايين البحرين عندهم عرس

شعرهم في الرونق

وجايين لعايشة للمكياج

/
\

حطت لي كل الأساس في وجهي

و دمجت لي لونين في عيوني

ومن ثم قامت ترسم خشمي وتحط لي البلاشر و الروج

أنا خفت!

قلت لها معقول بس كملتي

قامت تضحك

تقولي لا طبعاً

بس أنا أكمل كل الوجه ومن ثم أشتغل على العيون براحتي!

أنا طلبت منها مكياجي يكون مكس ( لبناني ناعم & خليجي زاهي )

وفعلاً سوت لي رغبتي بالضبط

و حواجبي كانت بتقصهم قلت لها لاااااااااا .. مستحيل ما أبي

قالت لي إن شاء الله إلي تبينه بسويه لج

راعتني ودلعتني بصراحة

كملت وشفت وجهي وأنا منصدمة أقول هذا أنا؟!!!!!!!

قامت تضحك علي

لبست فستاني

و حطت لي بودرة الجسم .. و لمعة على جسمي

و أنا مندهشة من جمالي ذيج الليلة

أنا ناعمة

أنا زاهية

أنا فخمة

بس أهم شي مب كريهة .. مب دفشة

كان مكياجي دمج بين ثلاثة ألوان ( أخضر & وردي & أسود .. شوية بنفسجي & ذهبي )

كانت تسريحتي مرفوعة

لذلك مدت لي الشدو لنص جبهتي

تقولي هذي الموضة

و في التصوير طلع صج شي راقي

يعني صج موصل لجبهتي لنص أذوني

بس كشخة

/
\

أساسها ( أنا بشرتي جافة )

تم ثابت فيني ليمن رحت بيتنا

ما تغير

ما ساح

تستخدم ( ماك & فور إيفر )

*
*

أنا حكيت لج قصتي بكل تفاصيلها

لأن مكياج عايشة يستحق التجربة

وأكبر دليل

إن بعد خطوبتي

2 من صديقاتي راحوا تمكيجوا عندها بالخطوبة

كل من إنعجب بالمكياج يوم شاف ألبومي

*
*

تتواجد في صالون ( إيلي زاند - جد علي ) وهو صالون صديقتها وقريباً بترجع بيتها

الشعر ماكو إلا فلبينيات ..,

ح

حبوبة 90

عروس متألقة

26-04-2009 | 01:50 AM

شريفة فولاذ
سمعت يمدحون مكياجها وايد بس ما شفته الصراحة !

عايشة الريس
رحت لها في خطوبتي وماشاء الله مكياج فخم وناعم
وكل من سأل عن مكياجي وفي الصورطلع فضيع
كان مكياجي بنفسجي ووردي وذهبي
رووووعة !

بس بعد سمعت يمدحون في شريفة وأفكر اروح لها في عرسي
كنوع من التغيير !

ا

الشيخة

مشرفة سابقة

26-04-2009 | 05:52 AM

شريفة فولاذ اذكر مره شفت بنت تمكيجت عندها عادي
مكياجها مدري شلوون يعني يلفت نظرش بس مب الشغل الصااااارخ لاااااااا
من نعوومته ودقة رسمه العين لازم يلفت نظرش

بس ما شفته مره على عرووس

وعايشة البلوشي طبعا ما عليها غبار
واخترتها مرتين للخطوبة والزواج
لانه وقت الي كنت بغير بالزواج صفية شويطر كانت مب موجودة فرجعت مره ثانية لعايشة
اكثر وحده اثق فيهاااا

وهي عاااااااااااايشة البلوووووووشي

ح

حصاصي

عروس ماسية

26-04-2009 | 08:37 AM

جفت مكياج عايشة الريس ع اكثر من عروس وكان حلو وايد

3

3aro0osa

عروس مشرقة

26-04-2009 | 11:56 PM

مشكووووووووورين حبااااااااااااايبي :)

الحين يعني طلعت التوب عايشة الريس ؟!! هههه

خلاص توكلت على الله :)

وبروح اشوف مكياجها اكيد على عروس قبل علشان اتطمن ااكثر

مشكوريين حبايبي :)