هدايا .. - منتديات عروس

&

▫▪◦ سَآسٍيِ آڵْڍڵعْ ▫▪◦

عروس ماسية

25-04-2009 | 05:28 PM

السلام عليكم و رحمة الله و بركاته ..

شحالكن بنوتات ؟؟

أنا بعد فتره قصيره راح يكون يوم ميلاد زوجي .. وبصراحه مليت من الهدايا التقليديه مثل (( عطر / بزمه / ساعه / قلم / محفظه / نظاره .......الخ )) .. وحابه آخذ لزوجي هالمره هديه غير تكون شي جديد ..

بليز ساعدوني .. الله يفرج همكم حبيباتي :)

ر

روزان احمد

عروس رائعة

25-04-2009 | 07:49 PM

والله حبيبتي قبل كم يوم كان عيد زواجنا
وكنت مثلك محتاره
بس الحمد لله
اشتريت له
قميص + تيشرت + حذاء

A

AL'MaNaMeA

عروس فضية

26-04-2009 | 12:11 AM

نفس ماقلت الاخت ممكن تاخذينه له نعال او فانيلات بألوان ماعنده اياهم او جينزات او ملابس نوم لج وله طقم اذا حصلتين

&

▫▪◦ سَآسٍيِ آڵْڍڵعْ ▫▪◦

عروس ماسية

26-04-2009 | 12:43 AM

مشكورات حبيباتي ..

بس أنا ابا افكار يديده و مميزه ..

بليز ساعدوني :(

س

سوسو ع

عروس مشرقة

26-04-2009 | 12:54 AM

في هدايا ثانيه اذا كانت ميزانيتك حلوه
خدي لابتوب او كاميرا او جوال او مسباح كرستال اذا كان يحب المسباح

ع

عنوان الانوثه

عروس رائعة

26-04-2009 | 03:47 AM

حبيبتي ماييوز اعياد الميلاد المسلمين لهم عيدين بلسنة
سويلة هدية بس لاتربطينها بهاليوم خلي ايامكم كلها اعياد

ع

عروس مغتربة عن زوجها

عروس ركن أفكار وخبرات

26-04-2009 | 04:45 PM

ااحجزي لموزين وروحوا مطعم..امممممممم سيروا السينما.. سوي كيك عليه صورته وهو صغير.. اخذي صورته من امه من دون ما يدري.. سوي توزيعات بأسمه..

&

▫▪◦ سَآسٍيِ آڵْڍڵعْ ▫▪◦

عروس ماسية

27-04-2009 | 01:42 AM

مشكورات ع الافكار حبيباتي ..

ق

قڵب قطړ ..!

عروس رائعة

27-04-2009 | 06:33 AM

فكره جديده لج

امممم

احجزي غرفه في فندق راقي واطلبي كيكه وعشا

وطبعا تكونين مجهزه نفسج وتروحين الصبح وتعدلين الغرفه

لاتسوينها تقليديه لا ترسها نفافيخ الهيليوم وشرايط والوان .. لاتتقيدين بلون واحد

ان شالله اكون افدتج يالغلا ^_^

ا

الزنبقية

عروس مشاركة

27-04-2009 | 10:28 AM

السلام عليكم اختي ساسي البنات اللي هني ما قصروا كفوا ووفوا بس حبيت اضيف اضافه بسيطه

ليش ما تسوين له (( كلندر )) وتسوينه كله باللون الاحمر وتحطين في البدايه صورته وصورتج وتكتبين عليه اي شي ومن داخل كل شهر كتبي شي مميز يعني مثلاً شهر 1 تحطين عند مثلا 15/1 اول يوم قابلتيه فيه وتكتبين من فوق التاريخ اي كلام تعبرينه خاص بذي اليوم وتكتبين عيد ميلاده وعيد الزواج وعيد الخطوبه وعيد ميلادج او ميلاد العيال وكل شي ... وعند كل شهر حطي صوره تعبر عنه
مثلا عيد الخطوبه تحطين صورتج معاه في الخطوبه وبجذي راح يكون شي غريب وبيستانس عليه بالاضافه الى شي معاه يعني تقليدي مثل جوال او ساعه ماركه ..

الفكره الثانيه : انج تسوين سي دي فيه صور وكلام حب انتي تختارينهم وتسوين له مثل الفيديو مع موسيقى او شعر وعلى السي دي تحطين صورته بالليزر والبوكس مال السيدي تحطين عنوان يجذب مثلاً (( اروع حب )) واول ما يجوفه بيتوقع انه فيلم رومانسي ما بيتوقع ان اول ما بفتح البوكس بجوف صورته

ما ادري اختي اتمنى اني فدتج وانا بطبيعتي احب الاشياء الغريبه نوعا ما اللي يتفاجأ الشخص اول ما يجوفها والله يسعدج انتي وزوجج يارب

السموحه ع الاطاله

&

▫▪◦ سَآسٍيِ آڵْڍڵعْ ▫▪◦

عروس ماسية

27-04-2009 | 04:42 PM

مشكورات وااااااايد .. افكاركم رهيبه