إلي تأيد هذا الشي تدخل ؟؟
روح النرجس
25-04-2009
29 رد
2,087 مشاهدة
السلام عليكم ورحمه الله وبركاته
اخباركم با عروسات وامهات؟؟
انا قبل لااولد كنت مفكره اعطي ولدي اللهايه بس من كثر ماسمعته انه حرام توه صغير تنشفين قلبه وهو يتم يمص انتي ماعندج قلب حرام عليج وشو فيها لو بكي ومن هذا الكلام وماعطيته وللاسف طلع ولدي صياح وااايد وندمت ومره اقول يمكن كلامهم صح هوه بعده صغير بس بعدين قلت لقررت احمل بجهز اللهايه من المستشفى شو رايكم ومنو جربت وهل يكون صغير اتعبه ع الفاضي ولا قولولي ماريد اعيد تجربتي مع ولدي:( لاني تعبت واييد الله يحفظه
والله أنا ما عليي من كلام الناس
انا اللي بتعب مو هم .. أنا عطيت بنتي السهاية وما صار فيها شي
والحين ولدي عمره شهر وكم يوم من أول اسبوع عطيته
طبعا أنا ما أخليها في حلجه طول اليوم بس لما أرضعه وبعدين يظل صاحي
يبي ينام بس مو عارف اعطيه السهايه لحد ما ينام وبعدين أشيلها منه ...
يعني اعطي ولدج بس مو لدرجه الادمان عليها في ناس يعطونها
اولادهم طول اليوم ويتعلق فيها الطفل وبعدين يصعب عليه تركها ..
م
مناجاة الشاكرين
عروس جديدة
25-04-2009 | 04:04 PM
السلام عليكم اني رائي مثل الاخت شاعرية اختي اعطت ولدها السهاية ما حصل له شي
والله السهاية اريح الى الام اذا كان طفلها كل يبكي واله يعين الجميع
مافي أم تتمنى ان ولدها ياخذ اللهاية , بس وش تسوي اذا كان يصيح
اني كنت مستبعده فكرة اللهاية بالمره ,, بس لما كان صياحه لا يطاق عطيته إياها
والناس ما بينفعونج اذا انتفخ راسج من الصياح والزنه طول اليوم
الله يساعد الجميع ويهدي عيالنا
انا والله ام جديد توني مكمله اسبوع الحمد الله بس اشتريت الهايه واعطيه ايها في اوقات معينه مثلا:
1- على ما امسح صدري بماء حار عشان ارضعه بدل ما يقعد يصيح ويعور قلبي او يخربطني.
2- وانا اغير اليه الحفاظات ساعات يقعد يصيح ويتحرك وااايد لان جوعان اعطيه الهايه على ما اغيره وبعدين ارضعه .
فانا احس ان مهم تكون عندك بدل ما تخلينه يصيح وينقطع نفسه من لصياح وينافخ ويتعب من لصياح، استخدميها بس مو بكثرة
مشكورات حبيباتي انتظر باقي الامهات
انا اايد وبقوه بعد لان فيه اوقات يكون مايبي شي شبعان ومغيره له وكل شي بس كذا
انا والله اعطيتها بنتي والحين لها سنه ونص وتوني الحمد لله قطعتها صح انها ادورهااا بس الحمد لله نستها
بس انا مثل لاماقالو بعض الاخوات انها ماتكون طول الوقت بفمها بس اوقات واوقات
وانشاء ناويه استمر لم احمل اعطي البيبي المصاصه...
انا جربتها بس عيالي ماحبوها
يرفضونها
أنا وزوجي من فترة الحمل كنا رافضين فكرة اللهاية وبعد ما ولدت بفترة وشفت بنتي مرات شلون تصيح وأتحير معاها كنت راح أرضخ وأشتري لها اللهاية بس الحمدلله ما سويت هالشي وتحملت والحين وصلت للخمس شهور في أشياء ثانية تلهيها مثل الألعاب اللي تناسب سنها وطبعاً لما تصيح تكون تبغي ترضع وما يجيب راسها أي شي ثاني
أنا أأيد استخدام السهاية للضروروة القصوى فقط أما طول الوقت نفس ما أشوف بعض الأمهات يسوون فهذا شي كلللللش غلط يخلي الطفل يتعود عليها ويصير صعب جداً إن يستغني عنها بعدين هذا غير إن ممكن تخرب أسنانه
شعليش من كلام النااس
وبعدين ترا البيبي يكر اللهايه لما يكبر شوي يعني لما يصير عمره 5 اشهر تقريبا
انا مع البنات اايد انك تعطي لهايه وبالذات في الثلاث الاشهر الاولى لان الطفل يولد وعنده غريزة المص يبغى 24 ساعه يمص ومايعرف يميز انه جوعان والا شبعان انا عطيته ولدي 3 اشهر ومو على طووول بس لما يصرخ واحسه يبغى يمص واذا نام وحسيته متعمق بالنوم اشيله من فمه وطبعا اخر الليل اول 3 ساعات اعطيه اللهايه علشان انام هههههههه وطبعا قبلها مرضعه علشان انام لي 3 ساعات متواصل
أنا بنتي رفضتها ما رضت تاخذها
شاعرية;9304754:
والله أنا ما عليي من كلام الناس
انا اللي بتعب مو هم .. أنا عطيت بنتي السهاية وما صار فيها شي
والحين ولدي عمره شهر وكم يوم من أول اسبوع عطيته
طبعا أنا ما أخليها في حلجه طول اليوم بس لما أرضعه وبعدين يظل صاحي
يبي ينام بس مو عارف اعطيه السهايه لحد ما ينام وبعدين أشيلها منه ...
يعني اعطي ولدج بس مو لدرجه الادمان عليها في ناس يعطونها
اولادهم طول اليوم ويتعلق فيها الطفل وبعدين يصعب عليه تركها ..
اتفق مع اختي في الراي (y)(y) وما عليج من كلام الناس والله تراج انتي الي بتتعبي والياهل اللي بيتعب ولا تتركينها في حلجه على طوول سوي مثل اللي قالته الاخت وانا بعد اسوي جذي والحمد لله ما بين فترة وفترة اروح ارضعها .
أحنا أمي ترفض تعطينا إياها أنا وخواتي ولما ولدت ولدي بعد مارضت وأنا ماعطيتها ولدي لأن كان هادئ والحمدلله .. بس الحين بنتي بديت أعطيها من أسبوع لأن خواتي عودوها على الشيل والحين تصيح بدون سبب بس تبي الشيل فأضطريت أعطيها أسكتها فيها...
انا من المستشفى عطيت ولدي اللهايه أولا أمسوية عملية وتعبانه ثانياً ماكنت احطها في حلجه على طول... والحمد الله والحين انفطم منها ...
انا كنت مثلج بس غيرت رايي وعطيت ولدي اللهاية
بس نصيحتي بعد مايكمل تسع اشهور افطميه عنه
في تسع شهور بتتعبين شويه
بس عقب السنة انسي انه يتخلى عنها وبتعانين
طبقي طريقتي وانا افتكيت ولله الحمد
مشكووورااااااااااااااااااااااااااااااااااات يا احلى امهات الله يخلي لكن اعيالكن يارب
انا اديتها لبنتى وبعدين هى رفضتها لوحدها لما بقت 3 شهور
س
سندريلا الكون
عروس ركن التربية و الطفل
26-04-2009 | 10:55 PM
انا بنتي تاخذ اللهايه من عمرها 40 يوم بس قبل ماحطها بفمها اتاكد انها شبعانه وهذا ضروري
بس مو طول اليوم بس عند النوم او اذا جاعت وقعدت تصيح اعطيها اللهايه عشا احظر حليبها
واللهايه ماتظر
أنا أو زوجي كنا مستبعدين فكرة اللهاية
بس الظروف هي إلا تحكم بنتي صياحة إلا درجة ما تتوقعونها
استحملت صياحها 4 شهور وبعدين استخذمت إليها اللهاية
بس صدق ريحتني