السلام عليكم ورحمة الله ..
شلونكم يااحلى عرايس ..
يمكن تكو هذي اول مره اكتب فيها موضوع بس والله من المتابعين لكم دووووووم .. بس مشكلتي مااحب المشاركات والكتابات
المهم ..
بكل صراحه مالقيت احد اقوله اللي بقلبي الا انتم .. لان اهلي وصحباتي كلهم يضحكون علي ..
السالفه هي ..
اني انخطبت لواحد يصيرلنا .. وانا اعرف خواته من كنا صغار وهم صحباتي وامه كانوا زمان جيرانا
وهم يصيروا لنا
وامه انا ماعمري شفتها ولا هي شافتني لاني انسانه انطوائيه وماحب اخرج من البيت كثير ..
المهم جا يوم الشوفه ..
اللي اعتقد انه يووووووم محرج جدا جدا ..
هو كان جالس مع امه واخته ( اخته هذي صحبتي ) وامي كانت موجوده بعد
المهم اخوي ناداني ادخل بس ماقدرت جلست ابكي من الخوف وجسمي كله يرجف وبعد دقايق توكلت على الله وقلت بسم الله
وقتها دخلت سلمت على امه وجلست وعديت من 1 الى 7 وخرجت
بس وقتها كان شكلي مره يضحك ومره كنت خايفه حتى امي تقول ان وجهي الوان والدموع بعيني من الخوف
ويدي كانت ترجف حتى امه حست فيها وانا اسلم عليها .. وماقدرت ارفع راسي الا ثانيه رفعتها لقيت هو يطالع فيني ونزلتها
وحتى بعد ماخرج هو قال لاخته هي ليش خايفه مني :o
وقبل لا يروحوا عطوني هديه ذهب وراحوا ولا قالوا شي ..
اللي ابي افهمه الحين هو ايش وضعي .. هم وافقوا ولا لا .. انا عجبته ولا لا ؟؟
والله احترت وكل ماسال احد يااما يضحك علي او يقول طيب لو مايبغوك كان ماعطوك الهديه ..
انتم ايش رايكم ؟؟؟
وعلى فكره سؤال ثاني الحين يوم انتم تستخيروا وتدخلوا الشوفه بعدها ايش الشعور اللي تحسون فيه ..
لان جاني شعور غريب وكان هالشخص اللي ماعرفه تونست له وصرت افكر كل دقيقه فيه :o
هاذا شعور عادي ولا غلط ..
ساعدوني الله يسهل لك اموركم ويرزقكم الخير في الدنيا والآخرة ..
واعذروني عالاطاله ..
