بشرتي جافه وحساسه

اختي همس التعابير انا بشرتي زي فصول السنة في الشتا تقشر وتجف وفي الصيف تكون دهنية لكن المعلومات دي انا استفدت منها جدا

اولا البودرة المائيه مش بتناسب ذوات البشرة الجافة لانها هتسبب في تشققها وهتبان كأنها ارض متعطشة للمياه ودي انا عنيت منها وكانت مأساه
الافضل استخدمي اللوس باودر هتكون خفيفة واحلى وهتناسبك

كمان كريم الاساس يكون فيه نسبه ترطيب مش Free Oil
وقبل ما تحطي كريم الاساس رطبي بشرتك وسبيها تتشرب الكريم المرطب 10 دقايق وبعدين ابدأي بتوزيع كريم الاساس

لكن لحل المشكلة بشكل عام اعملي حمام بخار مره كل اسبوع وقشري بشرتك بمقشر ملطف خالي من الكحول والغسول اللي تستخدميه يكون كريمي وابعدي تماما عن الصابون

هاتي زيت لوز حلو و زيت جنين القمح وكبسولات فيتامين e اللي هي كبسولات جيلاتينيه وشفافة وكل يوم بليل هتخلطي في كف ايدك نقطتين من زيت اللوز ونقطتين من زيت جنين القمح وهاتي الكبسوله واعمليها فيها فتحه بأي ابره او دبوس واضغطي عليها وطلعي منها بما يعادل نقطتين وابدأي بتوزيع الخليط على كامل بشرتك وحتي تحت العيون وفوق العيون وكل مكان ودا طبعا بشكل يومي بعد ما تنضفي بشرتك قبل ما تنامي والخلطه دي افضل حاجه لصاحبات البشرة الجافة لان زيت اللوز وجنين القمح هم احسن زيوت بترطب البشرة وتخليها مرنه وطرية وكمان معروفين انهم بيفتحو الهالات او لو في اثار حبوب بتختفي بدوام الاستخدام اما فيتامين e فهو مغذي للبشرة وهيفيدك جدا وهيخلي قوام الخلطه متماسك ومش هيسيح الزيت لما تحطيه على بشرتك

وان شاءالله البنات يفيدوكِ بماركات تناسب البشرة الجافة

اتمنى اكون افدتك :)