شسوي مع ولدي ؟

ms dior حبيبتي والله حمد لله على سلامتج وسلامة النونو شخبارج؟؟
والله والتقينا في قسم التربية والطفل :D:D:D انا بعد مثلج معاناة مع ولدي وانا اكتب الرد الف مرة قايمة له بس هم الاطفال جدي دائما يحتاجون فترة ولدي عمره 5 شهور الحين وهو للحين نومه مو منتظم ولما كان في عمر ولدش بعد كان كلش ساعتين على بعض ماينام واني كنت في حال يرثى له كله صياح ونياح لان واااااايد كان يعاني من الغازات بس عموما هم الاطفال بعد عمر ال4 شهور تبدا تخف عنهم الغازات ونومهم ينتظم شوي شوي.

ربي يخلي لج حمود ان شاء الله وتنسين هالمعاناة

مرحبا الغاليه الصياح طبيعي في هذا السن .. انتي ترضعينه والا تعطينه صناعي ؟؟!! اذا ماتعطينه صناعي جربي تعطينه رضعه وحده فالليل قبل النوم اوجربي تسبحينه قبل النوم ... وفي احتمال انه يكون تعبان من الغازات انا جربت ويا بنتي مكافح الارياح كنت احط قطرتين مع زيت الزيتون واحطه على بطنها بس منطقه السره وكانت ترتاح ... وفي احتمال يا اما انج ترصيينه بالقماط وهو مايحبا ويمكن انتي ماتقمطينه ...جربي خلال النهار تعطينه رضعه يانسون مخفف اريح الاعصاب ... ان شاءالله تكونين استفدتي

ما راح اضيف شئ على كلام الخوات شكله ولدج يعاني من الغازات

عقب ما ترضعينه رقديه على بطنه وامسحي على ظهره


وفليل قبل لا ينام مسدي جسمه كامل بزيت

والله يعينج هالفتره متعبه شووي بس ان شاءالله من يكمل ال 4 شهور

بتخف عنه الغازات وبيهدا :)

أختي عادي هالفترة لازم البيبي يكون جذي.. كاني أعاني مثلج وخاطري أنام نومة متواصلة بالليل.. يمكن يشكي من الغازات... عطيه يانسون او سنوت يريح بطنه وعقب كل رضعة طلعي الغازات... رضعة صناعية بالليل يقولون تشبع وتخليه ينام... ماعليه الا العافية...

اختي بعض الاطفال تكون طبيعتهم كذا دايما يبكون

بس لازم تهدأين نفسك عشان طفلك يهدأ لان الطفل يتأثر بنفسية امه

غير هذا في هالسن تصيب الاطفال غازات ومغص يخليهم يتضايقون

استشيري الطبيبه او الصيدلاني عن دوا سالينال مرة كويس يهدأ الطفل ويخليه ينام مرتاح لانه يخفف من حدة المغص وانا نفعني كثير مع ولدي

واذا مو حابه تستخدمي ادوية عطيه منقوع اليانسون زين بعد

واخيرا حطي في بالك وصبري نفسك انها فترة وبتعدي واذا صاح وحسيتي نفسك متضايقة ومعصبة ومو قادرة استعيدي بالله من الشيطان الرجيم وعطيه احد يهتم فيه لين تهدأ نفسك شوي واذا ماكان جنبك احد يهتم فيه اخذي نفس عميق واتصبري وادعي له بالهداية

لان احنا كلنا مرينه بهالفترة

الله يهديه لك ان شاء الله

يا وخيتي تو الناس عليه انا ولدي اذكره مانام متواصل الا يوم صار بو شهور يعني 7 ولا 8 اشهر

اول شهرين اذكر ان حتى ساعه على بعضها ماكان ينام كل 10 دقايق كان يقعد

صبري عليه :)

أهلين مس ديوور

مثل ما قالوا لج الامهات كل الاطفال جدي

من يوسخ في الحفاضه قام يصيح ولما يجوع يصيح هذا غير الغازات اللي تتعب الطفل

ويمكن الحليب ما يشبعه أعطيه حليب صناعي رضعه او ثنتين باليوم

عموماً هي مسأله وقت وان شاءالله تعدي على خيير وينتظم نومه

حبيبتي .. انا حاسة بمعاناتك .. والله انا اتذكر يوم ولدي كان صغير .. ما انام وعيوني كله حمرة لان على طول 24 صياح والله تعبت من قلب .. وعقب 4 اشهر تقريبا .. واجد تحسن ..

فأنتي سوي اللي قالوا لج فيه البنات واصبري والله يسهل لج

مرحبا شخبااارج
الله يعطيج العافيه في البدايه.. والله يعينه ع تربيتهم.. ماراح ازيد عليهم.. سبحان الله كل ياهل يختلف طبعه بس عموما في هالشهور الاولى يقولون الياهل يكون صياح والغازات لها دووور..اذا كنتي ترضعينه طبيعي حاسبي لأكلج وجديه في نص ونهايه الرضعه يعني مرتين.. جربي تعطينه المصاصه يمكن يهدئ شوي،، الياهل يحب يمص شي في هالعمر..الصراحه بنتي الله يحفظها من كل شر نفسه الله يخليه.. صياااح بصراااخ ووالله تفصخها ثيابها نقول يمكن حشرة فيهم.. وبعد في يهال ماينفع معاهم لا اليانسون ولا النعناع ولا الكمون ولا الحلوة ولا الماي غريب.. نفس بنتي الله يحفظها.. جربي تعطينه البابونج والشمر من الحواج. لما امي عطتها الشمر اول مرة احسها ارتاحت وواصلت نوم شوي.. واذا تبين شي قوليلي.. الله يصبرنا ويأجرنا

اي نسيت اقولج سويله مساج بزيت زيتون دااافئ,, لا تقولين يتحرك ويصيح.. خل احد يمسك له المرضاعه وانتي سويله.. ان شاء الله يهدئ

هلا اختى مس ديور اعتقد البنات كفوا ووفوا
والله يعينج يا رب

اي هذا هي ,, اول 4 شهوور كله غازات و صياااح ,, من الخامس و طالع يخف منه شوي

نفس الحاله
اهي اهي

الله يكون بعونك

نفس ما قالو لج الاخوات بس احب اضيف شي انا بنت اختي عمرها شهريين حاليا ونفس حالة ولدج بس طلع في النهاية عندها التهاب في البول ومن جذي كانت وايد تصييح يعني اول تطمني عليه عند دكتور اطفال انه مافي اي شي متعبه لا سمح الله ومخليه يصيييح وعموما هالحاله طبيعية صح انا ما جربت بس على كلام امي وتعليقاتها على بنت اختي
والله يحفظ لج ولدج ويخليي يارب

مس ديوو ...

مثل ما قالو البنات .. اول ثلاث شهوور واايد متعبه ..

واهو يتعبر كانه توج ولدتي بعد ما طلع من الحضانه ربي يخلي ..!

لازم مغص وصيااح دايم بطحيه على بطنه وعلى سرته حركي بشكل دائري وراح يرتاح ..

ربي يخلي لج وتشوفينه معرس ..!