معاناتي ..طلبتكم

روح ريم 25-04-2009 1 رد 987 مشاهدة
ر
السلام عليكم ورحمه الله وبركاته

بنااات طالبه فزعتكم مالي غيركم بعد الله والله



أنا طالبة في الثنوية العامة وهذا آخر شهر تقرياَ في الدراسة وبعده مباشراَ عرسي والصراحه خاطري ابكي تعقدت مره

انا في ايام الخطوبة ابدا ما كان ينقصني شي جسمي حلو شعري طويل بياض طبيعي بشرتي صافية كل شيء حلو فيني بشهاده الجميع وهذا كان قبل الثنوية العامة وقبل اياام >>>بدت المأساه

وقفت امام المراية


والله خفت ..

^كل شيء تغير جسمي صار مليان مايل للسمنه لاني كل ما اكون تعبانه او متوتره آآكل كل الي احصله لو ما احبه ...
^وجهي صار كله بقع وحلقات تحت العيون...
^ يدي سارت سمرة سمار فضيييع عن باقي جسمي
..

^شعري صار متقصف حتى قصيته وصار قصير ويفشل

المشكله ما عندي وقت ابحث واهتم لاني على وشك الاختبارات فطلبتكم لا تردوني ابي مساعدتكم والله ما انسى أي احد يساعدني بدعيلكم وربي من كل قلبي وفي كل وقتي اتمنى ما تطنشوني ما عندي غيركم الجأ له .



أختكم الكسيرة ...

روح ريم

ن
أنا نفس الشي لصرت متوترة آكل كثير
وفي عندك ناس مع السمنة يسمرو وناس بالعكس
لضعفو اسمروا
أنا قبل مااسمن كنت أبيض بكثير
فالحل انك ماتاكلين وترجعين وزنك مثل أول وبيرجع بياضك
وللتوتر شربي باوبنج او نعناع بدل ماتاكلين
أدري صعب انك تبدلين الأكلل بمشروبات لأني نفسك
وقت التوتر أبي آكل وخصوصاً الأشياء الحلوة

الشعر مرتين بالأسبوع سويله حمام زيتي

أذكر من سنين شفت بالتلفزيون خبيرة المكياج في تلفزيون الكويت
- اللي كانت تزين مذيعات القناة -
لبنانية كبيرة بالسن وعندها خبرة
كان على يام برنامج ناهد الشيخ ببداياتها سألتها عن تقصف الشعر
وش قالت ؟؟
قالت خذي زبدة - زبدة الأكل - سيحيها وحطي بين ايدينج
ودهني بيها كامل شعرش
ولجيت تغسلين بعدها بوقت حطي الشامبو على شعرش قبل الماي
أول شي الشامبو قبل ماترطبين بالماي ضروري بعدين تصبين على راسش
ماي وتغسلينه عدل
جربيها وشوفي

وجهك أول شي حلقات حول العيون استخدمي زيت للوز كل ليلة
وسوي واجبات دروسش بكير علشان ماتتأخرين بالنوم
لأن قلة النوم تجهد العيون ووراش امتحانات بدين عالسهر
بعد ماتجيبين العيال بإذن الله
وشربي ماي ليما تقولين بس

ايدينش

كل أسبوع مرة سوي تقشير بالقهوة أو أي مقشر
وكل يوم وانتي رايحة المدرسة وكل ليلة قبل ماتنامين دهنيها
ورطبيها باللي تبين مثل
فازلين - جلسرين مع ليمون - فازلين الوردي الخاص باليدين
كريم لليدين اسمه QV بالصيدلية

وكل ماغسلتي بصابون دهنيهم
أنا أول كنت كذا وأصابعي بيض ومن جبت العيال ونسيت روحي
صارو سمر لني بالأول مستحيل أقلها عند النوم أدهن ايديني
والحين ايديني تنشف وتقول بس وانا ورا هالعيال
ادهن فيهم وانسى روحي ههههه
X