من زمان ما نزلت موضوع في ركن المكياج ويوم شفت مس بيلنغ منزلة صورة غرفة مكياجها خبرتها ان عندي غرفة نفس الشيء حق مكياجي وملابسي والشنط والنعلان فطلبت انه تشوف الغرفة
طبعا انا تاخرت اعرض الصور لاني كنت انتظر زوجي يجيبلي كبت فيه رفوف مثل رفوف الكتب عسب ارتب فيه المكياج
الحين خلونا ندخل الموضوع ونروح في جوله لغرفة مكياجي
بسم الله
صورة التسريحة من بعيد ولكرستالات اللي على اليسار يودينا لغرفة النوم الرئيسية
الصورة من زاوية ثانية وممكن تشوفون الرفوف اللي عليها علب المكياج
الرف مع صورة التسريحة من الجنب
رفوف النعلان وبكسات النعول الجديدة تكرمون
مرجوحتي الحبيبة وايد احب اقعد عليها واختار لوك المكياج او اشرب القهوة او حتى اذاكر عليها
رفوف النعول مع كبت ملابسي وعندي كبت ثاني للفساتين في الغرفة الرئيسية
الرف الاول بكس فيه كل الباك ابس حقي والبكس الثاني فيه مناكير
الرف الثاني البكس الابيض والاسود فيه توك للشعر ورفوف بلاستيك فيه المناكير اللي استخدمهم باستمرار والسلة الاخيرة فيها كريمات
بكس الباك اب فيه كل شيء جديد اذا خلص اللي عندي يكون عندي واحد جديد
رفوف المناكير
سلة الكريمات من قريب
يتبع لا تروحون بعيد
