شنو كان شعورج ... والمطووع يسألج ؟؟ (( للمتزوجات )) ...

[FRAME="6 70"]
انا كنت في الصالون واتصل فيني ابوي قالي الشيخ يبي يكلمج خخخخخ قلت له اوكى بسررررررررررعه قلتها وكلمني الشيخ جان يقولي موافقه فلانه على الزواج بفلان والله حزتها حسيت روحي غبيه وما فهمت السؤال قلت له ممكن تعيد ما فهمت وااااااااي قمت الاحراج بعدين سالني مره ثانيه سكت ورديت عليه اني موافقه وقالي مبروك حتى بوقت الملجه اخوي مصور الشيخ وهو يكلمني في التلفون هههه بعدين رجعت البيت باركت لي امي وتمت اتصيح وابوي واخواني 2 باركولي وبعدين التموا هلي علي واهل المعرس وانا زي الاطرش في الزفه صج كنت مو فاهمه شي
[/FRAME]

خوش موضوع

يالله بنات شاركوا فيه

انا على ما احصل سلحوفي اكون الفت لي الف قصه وقصه

هههههههه بعدنا ماتزوجنا هههه
مبروك للبنات
ربي يووفقكم

ربي يووووووووووووووفقكم
عقبأإلنآآ~

لاحظتوا ان بس العزابيه اللي داشين عرض عالموضوع؟؟

ههههههههههههههههههه

ههههههههههههههههههههههههه
ماكو شغل ههههههههههههه < عزابية بعد
يلا الله يوفق العزابية وانا اولهم ويحصلون لهم سلحووف على قولة عروس الحب
ههههههههههههههههههههههههههههههههه


بالمبارك

أنا يومها كنت حزينة كتيييييييييير

لا يروح فكركم لبعيد لان زوجي كان مسافر ومضطرين أنه نقعد القران كرمال يعملي وراقي للسفر

فراح بعت وكالة زواج لاخوه وكتب الكتااب عنه ههههههههه

فكنت زعلانه وببكبي وكنت متمنية أنه يكون معي

المهم سالت بابا شو بيصير هلأ قلي أنتي لاتقولي شي قولي أني موكلة بابا وبس

لما سألني الشيخ قلتله هيك قال لااااا لازم اسمع منك قلته اي موافقه وادي ترجف

قلي عند شروط قلتله لا

وبعدها طلعت وأهلي باركولي وانا ابكي شي من الخوف شي من الفرح وشي من الشوق :)

وبعدها كلمني زوجي وحسني ببكي قلي شو مو رايدتيني ليش بتبكي ههههههه

شوفوا التاني على هالسؤال رحت قايلتله انو يا ريت كنت هون ومن هالسوالف

بس كان يوم رائع كتير يعني له طعمة

وان شاء الله قبال كل يلي ما تزوجوا بعد :)

مشكورة عالموضوع ذكرتيني :)

بعد أسبوع ان شاء الله بجي وبرد عليكم **

لأنه خطوبتي هالأسبوع دعواتكم لي بالتووووفيق .

ههههههههههههههههههههههههههههه
انا ماسالني الشيخ لان الشيخ يعرفه زوجي من زمان
وقال بس اعطوها الدفتر والبصمه
كانت الملكه بس رجال
كنت احسب اني بدخل على زوجي بس ابوي قال لا معه اخوه
وبعدين ماجهزت حالي بس كنت مسويه شعري
الي يضحك بالموضوع اني لما صار مافيه حريم مع اهل زوجي انا وامي واخواتي ما تجهزن بس ابو واخواني وكان خالي موجود وعمي
الي يضحك لما جابو الدفتر كنت لابسه بجامه نوم شتويه لانه برد
وكل مااذكر اضحك على حالي لا واخواني يصورون

قصيت قصته حياتي
بس كنت مبسوطه لا العريس صديق خالي
ومره يمدح فيه الجمدلله

ويييييييييييي على ذاك اليوووم صج انه يوووم فرحة وارتباك ... احاسيسي كلها اختلطت مدري اذا كنت فرحانة مرعوبة حيرانة كل شي ك شي تجمع فيني هداك اليوم ما كنت اعرف غيير الصياح بس ..
نادولي عشان اوقع عقد الزواج وانا رجلي ما تشيلني من الارض متفشششششششششششلة لانه اكل قاعد يناظر فيني سألني الشيخ اذا كنت موافقة رديت عليه بحركة بالرأس اني موافقة بس اتخرست المهم قالي قوليها قتله ايه ايه ايه ايه ايه مادري كم من مرة قلتها ههههههههههههه بس الجو كان مرة حلوو ..قمت عشان التوقيع حتى قبضة القلم نسيتها كأنه عمري ما دشيت مدارس ولا جريت خط ابدا .... تمت الموافقة ولله الحمد وانا اسمع صوت الزغاريد وخالاتي وعماتي يباركون لي ودموعهم على خدودهم وزوجي قام قبل جبهتي الله يحفظه .... ايام لا تنسى بالفعل ...مشكورة على موضوعك الحلو زيك

هههههههههههههههههههه مواقفكم واااااااااااايد حلووووه ...


وذكرياااات لاتنسى فعلااااا ...


الله يهنيكم دوووم يارب ...


وبخصوووص العزابيه الملاقيف ,, << هههههههههه الله يوفقهم يارب ونشووفهم عرااايس يارب العالمين ...


إي صج ذكرتوني ...

إحنا كنا مسويين حفله .. وعازمين الأهل .. واهل زوجي ماقصروا كانوا مسويين العشا طبعا ...

ودخل زوجي إلي اوووول مره أشوفه عالطبيعه .. وسلم وقعد ,,,

الشي الي كان باط جبده ,, إني حطيت باقة ورد كبيييييره بين كرسيي وكرسيييه ,, كان متملل ويبي يسولف وياي جدام الناس ...


وبعدين حلللللل وياي .. وقعدنا في المجلس مادري كم ساعه ,,,


ماشالله ولا قوة إلا بالله ,,,


الله يهني كل البنات ياااااااااارب ... قولووواااا آمييين ...

يالله ذكريات... اذكر ابوي قالي تعالي عند الدريشه بيكلمج الماذون و اانا امي وياي ف الحجره و انا ريوووولي ماشي تتنافض مب قادرة اووووقف ... و هووو يسالني و انا اقووول نعم و بعد ما خلص اساله على طوووووووووووووووووووول يلست تحت الدريشه ماشوووف الا عند راسي المطووع محطي الكتاب عشان اوقع ههههههههههه نسيت انه لازم يوقعوون كخخخخخ

والله كان يوم حلوووووووو ... كانوا هلي من البحرين والسعودية موجودين وماشاء الله البيت مليان ولما رحت حق الشيخ حسيت قلبي بيطلع من مكانه والصوت بالقصب يطلع وهو يسألني عن اسمي زين مامت وانا اقول اسمي كامل وإذا كنت موافقة وعن الشروط أما التوفيع كان حدث ولاحرج من الربكه والنفضه صار خطير توقيعي...

مشكورة حبوبة عالموضوع ..

انا ملكتي تو كانت يوم الخميس اللي راح 23/4/2009

شكان شعورج ...؟؟
قبل التمليك اعصابي كانت مشدووده ومتوتره


ومن كان معاج .. !!!

كانو معاي خالاتي وعماتي وبناتهم
وشنو السؤال إلي احرجج .. أو ماتنسينه ,,, !

مااحرجني لأني كنت منبه الوالد الله يطول بعمره انه يسأل بسرعه

ولما قالوا لج مبروووووووووووك ...؟؟ شصااااار فيج ؟؟؟؟

مدري احس ماكنت مصدقه اني ملكت وصرت زوجه

الى الحين مومستوعبه الموضوع


الله يتمم علي فرحتي بخير يارب

ملجتي كانت يوم السبت بتاريخ / 29 -11-2008م

واللي كان وياي أخووي فديته كان مقابلني والمطووع قاعد قدامي

والدفتر بيده ويسأل ويرويني بطاقة زوجي الشخصية ويقول لي اسمه الكامل

ويسألني اذا موافقة ولا ولا ,,

وبعدها سألني عن شروطي ووكان شرط واحد يتيم وهو اهم شيء عندي


إني أكمل شغلي بعد العرس بس



^_^


وبعد ماملجنا



سلموا علي أهلي وخواتي وآنا مادري شلون أحسه حلم أقول حق


خواتي يعني آنا أحين مدام وصرت في عالم المتزوجات !!!




::



بس شعور حلووو ومخيف بنفس الوقت لأنج تصيرين مسؤولة

عن شخص ثاني في حياتج



::

والله يسهل على كل اثنين متزوجين

الله يوفقكم كلكم ...



ويسلموووووووو عالتفاعل الذوووووق ...




منورييييييييييين ...

والله كان يوم روعة احلى يوم بحياتي

ياليته يرررررررررررجع


اهلي كلهم كانوا موجودين وحتى الجيران ههههههه وصديقاتي الكل حضر عقد قراني

وكنت في كامل زينتي .. وحاطين لي كرسي والكل يطالع فيني هههههههههههه

بعدها جا وقت العقد قالوا يالله قومي الغرفه وكان موجود الشيخ وابوي وعمامي وحاطين لي كرسي خخخخ مدلعيني بذاك اليوم

سالني الشيخ وكان قران بيدي هل انتي موافقه وضليت ساكته فتره خايفه حدددددي ومن الخوف كنت بقول لا ههههههههههههههه

وسالني مره ثانيه وابي اتكلم مو قادره وبعدين حسيت نفسي جازفت وقلت نعم

واللي يصير يصير <=== والله كذا كان شعوري مع اني كنت مرتاحه كثير للخطيب بس مدري شصار فيني...

وبعدين سال ابوي قاله عندك شروط ؟؟ قال نعم <== ياحبه ابوي للشروط فديته

تكمل دراستها .. وتسكن بسكن مستقل ... وما تسكن بمنطقه .......... <== منطقه معينه وبعيده عنا شوي شرط ابوي ان ما يجي يوم يوديني فيها اسكن ... بس اذكر عمي قال خلهم يتفهامون على هذا الموضوع بينهم ا


بعدها طلع الشيخ وضل ابوي وعمامي فديتهم باركوا لي وطلعو

بعدين دخلت امي وخواتي والكل مبرررررررررررررررووووووووووووووووووووك وانا فاتحه عيني مصدومة

وش صاير بس كان شعور روعه واحلى شئ لما دخل خطيبي يااااااااااااااااااي روعه روعه كنا مستانسين ومبينا علينا الفرحه انا معاه

الله يخلينا لبعض يارب


وعقبال كل بنت ان شاء الله تمر بهالاحساس وتفرح يارب العالمين ...

الله يوفقكم يالمتزوجات

ولايحرمني من هاللحظه

ويرزق كل المحرومات يااارب ^_^

حلوة مواقفكم
انا متملكة
طبعا من زماااان خلوني اتذكر

كان عشا رجال بس .. بعدين جاى الوالد واخوالي وقالوا لي تعالي الصالة
رحت الصالة الا خطيبي وعمه وخالي وابوي
واخواني متخششين بين الكنب

الشيخ قال لي اقعدي
كنت متوترة .. وشكلي بغير رايي هههه
وكل مايسئلني سؤال ارد عليه بسؤال وببلاهة
قال لي اسمك .. قلت له اسمي وسكت .. يقلي اسمك يابنتي انتي فلانة قلت له ها يقول ويش ها قلت له اي
قال لي هذا فلان ايش اسمه قلت له مدري قال ويشووو
وابوي يبي يرقعها .. البنت خايفة طلع الشيخ ورجع بعد شوي
وكل مايسئلني : ارد سؤاله بنفس سؤالة بعدين اجاوب
ووقت ماوقعت العقد
بدل ماوقع مكان التوقيع وقعت على يد ابوي
خخخخخخخ

شعور غريب ..