من زمااااان ما نزلت موضوع لمنتداي الغالي...فقل خل اتنشط شوي واغير من مودي :cool:
الموضوع اكيد شايفينه من كذا عضوة سوته قبلي بس هالشي ما يمنع اني اعرض تجربتي لكم :D
عندي باليتة قلوسات من مكياجي شريتهم حزة ملجتي مع اني ماشاء الله صرت ام عيال الحين بس مول مب هاين على اقطها لانها اتذكرني في الايام الحلوة :15:
وعندي كمن روج مليت من الوانهم وكم واحد طايحين في جبدي فقلت اضرب عصفورين في حجر واغير الالوان
وهاي شكل العلبة قبل ما انظفها
وهاي عقب التنظيف
الارواج اللي ما ابيها (ماك/جفنشي/ديور/افون/ماركة مب معروفة)
صورة اوضح
والنتيجة :)
حاولت اسوي في بعض الدوائر لونين مع بعض بس ما ضبطت معاي وايد
اسمحولي ما صورت الخطوات لانها معروفة :tongue:
واتريا ردودكم الحلوة