راح اكتب لكم قصة ولادتي بأحلى كتكوت ربي يخليه لي ولأبوه ابن بار لنا إن شاء الله :)
تاريخ ولادتي على حسبة الدكتورة 30/3/2009
تاريخ ولادتي المتوقعة بالسونار 21/4/2009
ولدت بالسلامة يوم الأربعاء الموافق 15/4/2009
رايحة عندي موعد للوزن انقلبت ولادة:D!!
قعدت من الصبح وقعدت زوجي رايحين للمركز عندي موعد للوزن دخلت للدكتورة وفحصت علي وكلشي عقب قالت لي يلا الحين تاخذين فايلج ونحولج عالمستشفى الي بتولدين فيه حق تخطيط لدقات قلب الجنين قلت لها ليش؟؟ قالت لي لأنج خطرتين موعدج ولازم تطمنين على البيبي عن لا يتعب عاد اني اسلمت امري لله ورجعت البيت قلت لزوجي بنروح بعد الغدى نسوي التخطيط قالي اوكي تغديت وكان الغدى حاااااااااااار يمكن من حرارته صار له دور للولادة ههه عطاها حافز!!
تغديت ورحت قلت لزوجي برتاح انام لي شوي عقب نروح المستشفى رحت بنام ماني قادرة والحل؟؟!! كلما اجي انبطح ارد اقعد ظهري ووركي ورجايلي وكل آلام الدنيا فيني سبحان الله..
رحت المستشفى دخلتني السستر الغرفة وقالت تبي تكشف علي من تحت لان اكتشف ان في التخطيط تقلصات وطلق خفيف عاد اني هجمت عليها قلت لها مستحيييييييل اخليج بعد خبركم بكريه وخويفه ههه ومن الدلع شوويه هههه المهم قلت للدكتور برجع بيتنا قالي اوكي شكلج جايه لنا الحين زيارة بس قلت له أي مابيها تكشف عليي لو شنو يصير ضحك وقال بتردين ترجعين بالليل بيحمى الطلق وبترجعين!!؟؟
رجعنا البيت قلت لزوجي لا ترجعني الشقة ابي اروح لأمي مو قادرة الم فظيييييييييع طول الطريق كل 10 دقايق يروح ويجي قاعده اعاني واعصر في روحي اقول حق زوجي والله بمووووووووت وقف يقولي شنو فيج قلت له ابي ادخل الحمام>> ما ادري انها طلق وريح اول تجربة لي كلما اقوله ابي تكرمون الحمام ههه هو يسرع في السياقة يحسب فيني سهال على حد قوله ههه وصلت لأمي وقلت لها يمه ابي ادخل الحمام قالت لا الحين مافي حمام نروح المستشفى قلت لها توني جايه عصبت عليي وعلى زوجي ليش راجعين زوجتك فيها طلق والحين بتولد يلا بسرعه شغل السيارة طيران عالمستشفى الحين حالة ولادة ترجيتها ابي ادخل الحمام ودخلتني الا المفاجئة الكبرى دم نازل مني ناديتها يمه لحقيني واني اصيح يمه بمووت وخايفة بالدقيقة اكررها يمه بموت وخايفة عاد الحين صار الالم يروح ويرد كل 10 دقايق!!
وصلنا المستشفى وفحصت عليي السستر شافت الرحم مفتوح 9 سانتي قالت يلا فوق ولادة ركبوني حطوني بغرفة العمليات وكلي رعب بس في هالوقت مانسيت ذكر الله لا إله الا الله كل مايجيني الوجع الدكتورة تقولي سوي بووش ادفعي واني اذكر ربي يا الله يارب ارحمني يارحمن يارحيم وبالخارج زوجي وامي يقرون الآيات والأدعية..
دخلوني غرفة العمليات الساعه 7 وولدت 8 طلع عماري حبيبي على هالدنيا وزادها نور..
الحمدلله تيسرت برحمة من رب العالمين عاد عقبها جات لحظة الخياط الي للحين ولا بنساهاااا صعبه الصراحة آلامها ماتحملتهاااااااا مع البنج بعد حسيت بألم كل غرزة تنغرز فيني اقولها خلاض بس الدكتورة تقولي هذي آخر وحدة كل آخر وحده وبعد 20 غرزة بعد آخر غرزة يلا عدت على خير الحمدلله بعد شوفة ضناي على صدري خفت كل هالآلام..
مانسيتكم خواتي كلكم دعوت لكم وبالأخص المحرومات ربي يرزقهم جميع :)
هذي صورة لعمور.. صلوا على محمد وآل محمد
