افضل المخابز والمطاعم في البحرين اللي تسوي وجبات عشاء لحفلات الزواج والمناسبات

ش

شفاء الروح

عروس مشرقة

22-04-2009 | 09:44 PM

(f) بسم الله الرحمن الرحيم

اللهم صل على محمد وآل محمد

مثل ما هو مبين في العنوان

يا ريت أي أحد فيكم جرب أي مخبز أو مطعم كوجبات عشاء سواء كان في مناسبة زواج - خطوبة أو أي مناسبة ثانية . . . الخ

يخبرنا عن الأفضل فيهم من ناحية المستوى والأسعار طبعاً أكيد ما في شك أن الأسعار بتختلف بس ما يمنع إذا كان المخبز أو المطعم يشهد له بالمستوى والنظافة . . .

أنا كتجربة أوردر جربت المطعم اللبناني وكان أكله لذيذ يعني الصحن كامل تقريباً ينأكل . . .

وجربنا بعد الجميع كان أكله لا بأس فيه خاطري الحين أجرب مخبز أو مطعم غير أكله يكون على مستوى من حيث الأكل والنظافة

يا ريت تخبروني بحسب خبرتكم وتجاربكم للمطاعم والمخابز الثانية والأسعار إذا كان عندكم فكرة بشكل تقريبي إذا ممكن

أنتظر ردودكم لا تخيبوني ولا تبخلون علي بمعلوماتكم بليززز

لأن عندنا مناسبات جاية وحابة أخذ فكرة عن الأفضل

تحياتي للجميع (f)

:15:

ق

قلب أبيض

عروس مبدعة

22-04-2009 | 09:47 PM

أنا جربت المنار جم مرة وكان أكلهم اوكي نظيف وينأكل

ب

بحرينيه وكلي فخر

عروس برونزية

22-04-2009 | 10:04 PM

مطعم ابو علي

ولا المطعم اللبنانى

احسن من كل المخابز فى وجهه نظري(( اكل المخابز مايسوى كلا عجين))

د

دكتور وايف

عروس نشيطة

22-04-2009 | 10:22 PM

هلا اختي المطعم اللبناني حلو ونظيف وعندج الجابريه اللي في الحد او محرق بعد حلو ونظيف ولذيذ وحق حنة مرت اخوي احنا سوينا اوردر من العجينه الذهبيه وايد حلو كان ومرتب ويعطونج بعد مع الاوردر صحن لقيمات عود مجانا وانشالله اكون افدتج

ش

شوشو 87

عروس ماسية

22-04-2009 | 10:31 PM

هلا أختي عندج مخبز المنار حلو
ومطعم بوعلي بعد

m

miss sh

عروس ماسية

23-04-2009 | 12:40 AM

المرزوق حلو بعد مثل ما يقولون رخيص وقوي هههههه

m

mmalak albahrain

عروس مشاركة

23-04-2009 | 07:04 AM

حبيبتي عندج المدوب وايد اكله عجججججججججججيب

ف

فتونه الملسونة

عروس جديدة

23-04-2009 | 07:14 AM

الدوفن اللى في العالي

ووووايد وايد حلو

وليلو بعد

z

zizitta

عروس نشيطة

23-04-2009 | 07:55 AM

المخبز الوطني الحديث نظيف ومعجناتهم أبدا مو عجين ومن وجهة نظري أخف من المنار وهالكلام أقوله لش عن تجربة
وعندش بعد مشويات رضوان الي في عالي يسون بارسلات لزيزة
وبعد قيصر وحلويات طارق عنجهم معجنات mini كيوتين وبعد لزيزين

Z

Zaina87

عروس مشاركة

23-04-2009 | 01:01 PM

مشويات رضوان اوكي واكلهم حلو

ي

يتوم

عروس ماسية

23-04-2009 | 01:08 PM

طبعاً بو علي او اللبناني احلى شيء

ح

حلمـ .,

مشرفة سابقة

23-04-2009 | 01:49 PM

قيصر ..,

مشويات رضوان ..,

المنار ..,

مخبز المرزوق ..,

مخبز التموين للجميع ..,

*
*

كلهم ذقتهم وعجبوني

عن جد روعة

وخيارات متنوعة !

دمتِ بحفظه =)

أ

أنا الشوق

عروس ماسية

23-04-2009 | 03:43 PM

كرامييييييي :up:

مشويات رضوان في وين؟؟؟

ا

الشيخة

مشرفة سابقة

23-04-2009 | 04:47 PM

شخصيا افضل من المخابز القيصر والبستاني

ومن المطاعم بو علي واللبناني وكرامي

الله يوفقش

M

MiSs-GuCci

عروس برونزية

23-04-2009 | 04:57 PM

عندج كرامي والونيس والابراج بس حاليا كل الاسعار تغيرت فتروحيين تساليين في المطم نفسه افضل وانا مثل راي بعض الاخوات المطاعم افضل لان المخابز كله عجيين بس بعد يعتمد على نوع المناسبة مثلا لو حفلة ذكرى ميلاد او حفلة حناء ممكن المخابز افضل بينما لو حفلة زواج او خطوبة اكييد راح تكون المطاعم اهي الافضل

a

aquarius

عروس نشيطة

23-04-2009 | 05:12 PM

كرامي و اللبناني
((نظيف و لذيذ(y)))

بنات في احد يعرف اي مخبز اللي تسبب في((اسم الله عليكم)) تسمم 75 شخص كانو في عرس:rolleyes: ؟ ادري مأساة و أظن ما عندهم تصريح حق سندويشات و هالسوالف بس مخبز آلي والله شي يخرع خصوصا لما يصير تكتم على اسامي المحلات :mad:!!!

ش

شفاء الروح

عروس مشرقة

23-04-2009 | 05:20 PM

(قلب أبيض - بحرينية وكلي فخر - حرم بعض الناس - حبيبة عزوزي - mmalak albahrain - فتونه الملسونة - zizitta - Zaina87 -
يتوم - حلم العذارى - أنا الشوق - الشيخة - كمام الأمل)

اشكركم كلكم ويعطيكم العافية على ردودكم و اقتراحاتكم وذكركم لأسماء بعض افضل المطاعم والمخابز

طلعنا بمجموعة وفي خيارات متعددة نقدر نشوف الأفضل ونختار

يعني إلي لاحظت من خلال ردودكم أن الأغلب قال

1) المطعم اللبناني (جربت البارسلات اوكي)

2) مطاعم بوعلي (جربت مرة بعد بارسل زواج من عندهم بس مو مذكرة أكلهم بالضبط)

3) قيصر (معجناته لذيذة وتوني ادري انهم يسوون بارسلات توزيع)

4) كرامي (نفس الشي أدري أن بوفيهم لذيذ وأكلهم بعد بس ما أدري انهم يسون بارسلات)

يعني تقريبا هذلين هم الأفضل كمطاعم (y)

وإذا كان من مخبز

1) المنار (طبعا كمناسبة اشوف الكل عليه تقريبا)

2) البستاني (ما جربت اكلهم)

3) المرزوق (احسه مو ذاك الزود على انه رخيص)

مشويات رضوان بعد أول مرة اسمع عنه بخليه في القائمة عشان اشوف اسعاره

والمدوب قصدج اللي يسوي الغذيات اختي بعد يسون بارسلات ؟؟

الونيس أو الأنس أنا خبري إن في مطعم اسمه مشويات الأنس تركي بس أكلهم لذيذ؟

أول مرة اسمع أن الأبراج بعد يسون بارسلات عشاء ؟

مشويات الجابرية هذا اعتقد بعد مطعم تركي وفي منه فروع حتى في جدحفص ومدينة حمد

اسمع بعد يقولون عن مطعم الفرزدق أحد فيكم جرب أكله ؟

ش

شفاء الروح

عروس مشرقة

23-04-2009 | 05:32 PM

aquarius;9293132:
كرامي و اللبناني
((نظيف و لذيذ(y)))

بنات في احد يعرف اي مخبز اللي تسبب في((اسم الله عليكم)) تسمم 75 شخص كانو في عرس:rolleyes: ؟ ادري مأساة و أظن ما عندهم تصريح حق سندويشات و هالسوالف بس مخبز آلي والله شي يخرع خصوصا لما يصير تكتم على اسامي المحلات :mad:!!!

اي حطيتهم كخيار في القائمة تشكرين حبوبة على الرد

الصراحة ما عندي فكرة أي مخبز ؟؟
بس مثل ما قلتين هذا احنا تونا بسم الله من بدأ الصيف وبعيد الشر عن الجميع بدأت التسممات عشان جذي الواحد يفضل أن يختار مطعم أو مخبز يكون ثقة ومشهود له بالمستوى والنظافة . . .

خاصة إن بعد الأحيان الأكل ما يبان إن مخترب وشي يخوف صراحه . .

أهم ما على الواحد صحته وصحة معازيمه والله يحفظ الجميع ان شاء الله من كل شر وضر

M

MiSs-GuCci

عروس برونزية

23-04-2009 | 05:36 PM

حبيبتي شفاء
اسم المطعم الونيس وليس الانس واهو المطعم اللي صاير يم الابراج وصالة الدانة اللي بالرفاع واهو يسوي بوفيه ونفس الشي الابراج يسوون بوفييه بس ما اعتقد يسون بارسلات بس ممكن تسالينهم بعد انا اللي جربناه واللي اعرفه كله بوفييه وفي منيو خاص تختاريين فيه جم صنف من الاطباق الرئيسية وجم صنف مقبلات وجم صنف حلو والاسعار تكون للشخص قبل كانت الاسعار تبدأ من ديناريين للشخص واحنا الونيس يوم سوينا بوفيه في ملجة اختي عطانا البيبسي مجانا بس حاليا اسمع انه رفع اسعاره مع الغلاء نفس كل المطاعم واكلهم لذيذ بس انا يعجبني كرامي اكثر

اتمنى اكون افدتج اكثر ياقلبي

U

Um Abo0od

عروس مشاركة

23-04-2009 | 05:43 PM

مخبز المنار حلو اكلهم وخفيف
والمطعم اللبناني بعد حلو ومطعم المدوب بعد عجيب اكلهم