قصة ولادتي بأحلى ولد

السلام بنات

اليوم راح اكتب لكم قصة ولادتي بأحلى ولد بالدنيا

ولدت يوم السبت بتاريخ 11/4/2009

كنت بالاسبوع 37 و6 ايام

المهم بدأ اليوم كالعادة قمت الساعة 7 صباحا وغسلت عشان اروح الشغل مع العلم ما كان فيني اي بوادر ولادة لا يوم السبت ولا قبلها من الايام

المهم رحت الشغل الساعة 8 صباحا وكالعادة بعد سويت لي كوفي واكلت بسكويت

الساعة 10 صباحا نزل علي ماي وانا في الشغل تخيلوا بنات الموقف سيدا رحت الحمام اشوف شسالفة قلت يمكن صايدني تبول لا ارادي بس اشوف الماي ما قاعد يوقف وخصوصا اذا اكون واقفة يزيد

سيدا اتصلت بزوجي كان يوم اوفه يعني اجازة الحمدلله واجاني الشغل ورحت المستشفى السلمانية تقريبا على الساعة 11 صباحا وهناك فحصوني وقالت لي النيرس هاذي ماي البيبي واني مفتوحة 2 سم يعني ولادة :(:(مع العلم اني ما كنت حاة بأي الم الحمدلله

بس المشكلة كانت ان ما كان في اسرة في السلمانية جيكوا جدحفص بعد ما في اسرة (كاشحةالبنية خخخ ) المهم ودوني مستشفى المحرق للولادة بالاسعاف وصلت المستشفى الساعة 11ونص مع العلم بعد ما كان في الم

لما وصلت المستشفى فحصوني وقالت النيرس مفتوحة 5 سم الحمدلله

بدأ الطلق وياي خفيف الساعة 12 الظهر وبعدين زاد الساعة 1 الظهر والله الم فضيع ما كنت اتوقعه جذي المهم بدأ الالم يزيد ويزيد على الساعة 2ونص قالت لي الدكتورة مع كل الم تحسين فيه دفعي وانا كل الم يصيدني اصارخ:confused::confused: وادفع لين على الساعة 2:45 طلع حبيب عمري وحطوه على صدري

وبعدين بدأ المشوار الثاني من الالم الا وهو الخياط قعدت تخيط فيني ساعة كاملة فقلت لها شنو المشكلة ليش طولتي الا تقولي جلدج وايد خفيف وحساس كل ما نخيطه ينشق الجلد

وهاي الي خوفني والحين بعد مرور اسبوعين تقريبا غرزتين طاحوا بدون ما يلتئم اللحم والله يستر على الباقي ادعوا لي بنات ان شاء الله يلتئمون وافتك تمللت

والله الم الولادة ولا الم هالسيم يلا الله كريم كل شي يهون عشان عيونه :D:D