سمبوسه توووووم غير ...وصور من مطبخي..

بسم الله الرحمن الرحيم

كيفكم حبيباتي ان شاء الله بخير اليوم حبيت انزل ليكم طريقه سمبوستي طبعا اتعلمتها من ام زوجي الله يحفظها هي صح متعبه شوي بس عليها طعم روعه والله تعبت وانا اعجن واسوي واصور والشغاله تضحك علي بس كله يهون عشان عيونكم..
طبعا اول شئ ما احل لاي من كان ينقل موضوعي بدون ذكر المصدر ..


بسم الله نبتدي..

اول شي بحط لكم المقادير اللي نحتاجها طبعا الكميه الواحده تكفي 60 حبه سمبوسه واذا تبغي120تسوي كميتين وكذا فهمتوا علي..



العجانه,جهاز الفرد او اذا مافي ممكن نستغني عنها بالنشابه او الفراده,صاج كهربائي واذا مافي ممكن برضوا نستغي عنه بالصاج العادي ونحطه على النار,مقادير العجينه 5كاسات دقيق,ملح,نص كاسه زيت,2كاسه ماء ..




نحط الدقيق في العجانه ونضيف الملح والزيت والماء بالتدريج الى ان يتجانس الخليط...










وهذا شكلها بعد ما تعجنت ونتركها ترتاح 5دقائق...







بعد مارتاحت نبدا نقسم العجينه بهذه الطريقه اللي شايفينها لكور متوسطه ومتساويه الحجم...






هذا الحجم اللي نبغاه..





نحضر صينيه كبيره ونرش فيها دقيق ونرص الكور الى ان تنتهي الكميه ونغطيه بسفرة طعام...




بعد ماننتهي من الكور نبدا ناخذ وحده وحده ونفتحها زي مانتوا شايفين..








خخخخخخخخخخخخ هذه صورة يد الشغاله الله يعطيها العافيه والله تعبت معاي وهي تصور ..


هذا الحجم المطلوب..




وبعدها نجيب زبديتين ونحط في وحده زيت والتانيه دقيق ونغمس دائره بالدقيق ودائره بالزيت بس مو مره عشان تقدري تقفليها كويس تضغطي عليها بالاطراف ركزوا على الصور ...طبعا لاتنسوا لازم تكون الدائرتين قد بعض..


















وكذا لين تخلص الكميه اللي عندنا وترصيهم فوق بعض لين نخلص بنفس الصينيه اللي كورنا فيها بس بين كل وحده ووحده حطوا دقيق..مادري ليش طالعه الكور في الصور كبيره ترى هي مو مره كبيره..





هذا بعد ماخلصت..





نبدا الخطوه اللي بعدها ناخذ وحده وحده ونفردها بالنشابه تفتحيها بشكل مرتب وبعدها حطيها على الصاج وجه وقفه مو تحمر انتبهوا بس شوي وشيليها طبعا احنا نحطها على النار عشان تساعدنا لمن نفتحها شوفوا الصور وانتوا راح تفهموا..














وبعدها تحطي الجهة اليمين على اليسار الى ان يصبح معك شكل مثلث واضغطي عليها شوي وبعدين قطعيها على نفس الشكل حيطلع معاك اربعه مثلاثات وبعدا تفتحي كل قطعه حيصير عندك 8مثلثات خخخخخخخخ لخبطكم صح ..تابعوا معاي..نسيت ماقول اذا مارضيت تنفتح معاك القطع رجعيها على الصاج..


















الى ان نخلص الكميه وبعدين عندك حلين ممكن انك تحتفظي بالرقائق في الفريزر لحين الاستخدام او احشيها بعدين فرزيها عشان تجلس معاك لاطول فتره وراح اوريكم طريقه حفظها في الحالتين..



نحتاج لورق اللي يشرب الزيت و اكياس بلاستيك..




وبعدين ناخذ كميه من الرقائق ونحط تحتها قطعه من الاوراق تكون كبيره شوي عشان نقدر نغطيها كويس..




ونغطيها كويس..




وبعدها ندخلها بالاكياس ونقفلها تمام ونحفظها في الفريزر..




الحين نجي لطريقه الحشو نقدر نحشيها باي شي جبنه شيدر او جبنه بيضاء او لحمه مفرومه او بطاطس اللي في خاطركم ..يالله معاي خطوه خطوه..لاتنسوا الغرا مويه ودقيق..

هذه الحشوات اللي انا سويتها..




اول شي
















هذا الشكل المطلوب ..




ونبدا نحشيها...




ونقفلها بالغرا كويس..







ونجيب صينيه بلاستيك او علبه بلاستيك ونقص ورق على حجمها ونرص السمبوسه وبين كل طبقه نحط ورق وبعدين نغطيه كويس بسفة طعام ونحفظه بالفريزر ..










وفي الاخير نقليها ونقدمها وبالعافيه ...






هذا الصحن لاول ناس يردوا ..




انشاء الله تكون عجبتكم طريقتي بالسمبوسه ولازم تطبقوها اوكي حبيباتي وانتظروا جديدي..لاتنسوني من الدعاء واذا عجبكم موضوعي قيموني..