منو تحسب الحمل

يعني متى كانت اخر دوره ....

6 -4 او 1 -3

لان لو 6-4 يعني انتي توج يادوب في الاسبوع الثاني

لكن اذا 1 -3 يعني انتي بالاسبوع السادس

و السونار سوت لج داخلي او من برع ....لان في بدايه الجمل الخارجي ما يبين عدل الافضل يكون داخلي

حبيبتي على حسب آخر دورة ياتج اللي هو في تاريخ 06/04/2009 بيكون موعد ولادتج بإذن الله تاريخ 11/01/2010 وعلى هالأساس انتي الحين في الاسبوع الرابع وعن كيس الجنين ماعرف بالظبط متى يبان اتمنى البنات يفيدونج

بس الدكتورة شخصت حالتي واخذت الدورة بتاريخ 1-3

لانه تميت من عقب هالتاريخ طاهرة 30 يوم وعقب صارت لي اوجاع والالام الدورة ونزلت الدورة بتاريخ 6-4
بس على هيئة نقط كل يوم لمدة 3 ايام

انزين كيف الحين انا سويت صورة خارجي وانا مااعرف الحمل من اي دورة

بس معقولة يصير حمل من دورة 6-4 لانه يات شوية ومجرد نقط وانتهت ب3 ايام فكيف يصير حمل باهالفترة مستحيل يصير صح

هذي المره حسبت من تاريخ 1-3 و على اساس الدوره اتيج كل 30 يوم ... و طلع انج انتي بالاسبوع السادس

و النقاط ممكن كانت علامت الحمل ...لان من علامات الحمل ان تتاخر الدوره او بنفس وقتها ينزل نقاط بنيه

و خل تسوي لج تصوير داخلي احسن علشان تتطمنين ...و المفروض تطلب منج تحليل دم و بعد يومين تعيدين التحليل علشان تتاكد ان هرمون الحمل زاد ...لان هرمون الحمل خلال يومين تزيد نسبته للضعف

و اذا شاكه بالدكتوره جربي دكتوره ثانيه

و ربي ييسر لج و يكتب لج الحمل الثابت و السليم ان شاء الله

سوت لي فحص الدم وباجر الثاني بس اذا زادت النسبة خلاص حمل خارج الرم واذا النسبة ضعيفة البيبي ميت

والله علم والا انتي عندج تفسير اخر

ان شاء الله مافيه الا كل خير ...و ان شاء الله بتزيد النسبه ...و بتشوفين الكيس و الجنين بخير وصحه و عافيه ان شاء الله

خلاص رحت ماشي فايدة بيسون حقي سونار مهبلي وقالولي لازم ابات عندهم رفضت مارضيت وقالوا انا اتحمل المسؤولية وخلاص بيسوون حقي العملية

الله ييسر لك اموورك ويكتب لك الحمل السليم الثاابت ياااارب { ربي لا تذرني فردا وانت خير الوارثين }

خوفتينا عليج ...طلع في حمل او لا .؟؟؟

و عمليه شو ؟؟؟


ربي ييسر لج ان شاء الله ...و يكتب لج الي فيه الخير ان شاء الله