بنتي ساعدوني

والله ماعندي فكرة بس راح ادعيلها ربنا يشفيها والعملية تنجح ان شاء الله

ربي يكون في عونج
ويشافي بنتج انشالله
حاولي تسوين لها حمام بخار عشان يذوب البلغم
ومادري اذا تقدرين تشربينها مره منقعه بالماي بعد زينه
اسئلي الحريم الكبار هم يعرفون حق هالسوالف

حبيبتي المفروض الدكتور يعطيك دوا ينشف البلغم

و انا عندي طريقة بس ما ادري اذا تنفع مع عمر بنتك و هيه انها تخلينها الصبح على راسها و تدقين على ظهرها من ورى لمدة 5 دقايق تقريبا و بعدين تريقينها راح تشوفينها استفرغت على طول و طلع البلغم مع الاستفراغ

طبعا هاي الطريقة متعلمتها من خالتي لان عندها ولد معاق و هذه الطريقة اللي تتبعها معاه بعد استشارة دكتور

الله يقوم بنتك بالسلامة امين

جربي تدفي زيت زيتون طبيعي وتعطيها القليل في ملعقة شاي في الفم وتدلكيها في صدرها بزيت زيتون دافي تدفيه شوي وتلفيها بحيث مايلفحها هواء بارد وحتى اذا نقعتي علك اللبان الذكر مع نبات بحيث يكون سائل وتعطيها في ملعقة شاي يخليها تطلع البلغم واذا ما استفادت على هذا الطبيب غيريه وماعليها الا العافية

ماتشوف شر ان شاء الله

مشكورات خواتي ما قصرتوا