وصفة روووعة للدكتور يوسف الشرفا.. علاج السمنه

السلام عليكم جميعا.. ارجو ان افيدكم في هذا الموضوع الي سمعت عنو كثير.. واخيرا سمعتو بنفسي من الدكتور يوسف الشرفا خبير الاعشاب الاردني... اخواتي الوصفة هي لبخات الملفوف... يقول الدكتور يوسف انو اذا عندك سليوليت في اي مكان وبدك تتخلصي منو استعملي ورق الملفوف وذلك بتسخينه قليلا على النار الى اي حد تستطيعين تحمله دون ان تحرقي نفسك طبعا :) بعدين حطي اوراق الملفوف على اي مكان تريدينه مثلا الارداف او البطن او الافخاذ.. والبسي فوقه اي شئء قطن ليمتص الماء الذي ينزل. طبعا الدكتور يقول انها ممكن تنزل لغاية كيلو في اليوم وذلك حسب قدرتك على تحملها.. ولكن اقل وقت لوضعها هو 4 ساعات.. ويفضل تحطيها وتنامي.. بس طبعا تعطي رائحة رهيبة ولكن نتائجها مذهلة انا جربتها مرة واحدة فقط وكنت مخففة اكل بس نزلت حوالي الكيلو في يوم واحد.. ان شاء الله رح اجربها مرة تانية بس انا مسافرة هلأ طبعا الي بتعملها وبتجربها تخبرنا شو بصير معها.. الملفوف يسخن بالمايكروييف او السيشوار يعني يسخن بدون ماء. واذا بدك تثبتي الملفوف اكتر على جسمك لفيه بشاش ثم البسي شي قطن حتى يمتص الماء الي رح تحسي فيه من اول ساعة تحطي الملفوف.. الملفوف المستخدم هو الملفوف الاخضر.. برنامج الدكتور يوسف يأتي على قناة A1TV كل احد وثلاثاء وخميس الساعة التاسعة مساء ويبقى للحادية عشرة.. برنامج انت والاعشاب.. انا زي اي بنت سمعت عنه يعني الكل يمدح فيه..ان شاء الله انو يفيد الجميع..وصراحة هو يعطي وصفات لجميع الحالات والامراض