نفسي اموت قبل م اتجوز

لو سمحتو محتاجة ردودكو جدا جدا بس انا مش محتاجة ردود تعاطفية او تنفعلوا بمشاعركم فتقولوا اي حاجة وخلاص لا انا محتاجة رد من عقلكم بجد لان قراري هيتوقف على مشورتكم
انا اصلا خلاص بدعي ربنا اني اموت من كتر الخنقة

بصوا يا جماعة الموضوع بدأ من 5 سنين او اكتر
انا كنت بحب خطيبي وهو بيحبني وكلمة حب دي قليلة اوي علينا وجه اتقدملي واترفض لاسباب مادية وراح غير شقته وزبط ظروفه وجه تاني وبابا وافق عشان خاطري

بصوا انا من الاخر اعرف عن خطيبي كل تصرف وهو برضو ومفيش خطوة الا واحنا الاتنين عارفينها عن بعض وعل ىتواصل تقريبا 24ساعة ولا في بينا تمثيل ولا الكلام ده خالص لاننا عدينا الفترة دي من زمان اوي واتفقنا عالصراحة وعارفين بعض في كل حالتنا عاملة ازاي

المهم ان خطيبي من سنة وشوية بدأ يتغير عصبيته زادت واخلاقه اتغيرت مع ان مفيش اي جديد في حياته نهائي ولا مثلا هنقول الضغوط وكدة لان الضغوط مش هتستمر سنة ونص


عايزة اقول حاجة فحقه من الاول عشان مكنش ظلمته هو استحمل عشاني كتير واتشحطط واتبهدل وبابا اهانه واستحمل عشاني والضغوط المادية اللي عليه حاليا مستحملها عشاني وضحى بحاجات كتير عشاني وخسر فلوس كتير عشاني

هقولكم موقف واحد بس يبين التغير اللي حصله
مرة زمان واحد شتم شتيمه فانا بحكيله بقوله واحد شتم شتيمه فقالي قال شتيمه اية قلتله لا شتيمة وحشة وانا مش بقول الشتايم قليلة الادب دي واصريت اني مقولش الشتيمة وهو قعد يضغط عليا عشان اقولها لحد م قولتهاله وانا مكسوفة راح اضايق قالي المفروض شتيمة زي دي متقوليهاش حتى لو ضغطت عليكي ومعلش عشان انا ضغطت عليكي بس متقوليهاش تاني ابدا وكان رد فعل حقيقي مش تمثيل ولا حاجة لان الموضوع ده خلاص مبقاش بينا المهم الفترة اللي فاتت هو بقى يقول الشتيمة دي وشتايم وحشة كتير بقى قليل الادب جدا ولسانة سئ كأنه مش هو ووقت غضبه بقى فظيع وصوته بيعلي بطريقة وحشة اوي واخلاقه وقت غضبه بقت وحشة اوي كأنه والله شيطان الموضوع ده مبداش يحصل غير من سنة وشوية
احنا اغلب مشاكلنا بتبقى تافهه جدا وبتكبر وهو مكنش بيوصل لعصبيته لكدة ابدا
لدرجة انه مرة اتعصب ويعتبر مد ايده عليا في الشارع وجرجرني من ايدي كأنه مثلا اخ شاف اخته بتعمل حاجة بشعة قدامه وفرج الشارع علينا وصوتنا علي والناس بقت تتفرج وبقيت ازعق في الشارع وبقيت امد واجري عشان امشي واسيبه وهو يوقفني لحد م جريت وهو جري ورايا وانا بعيط بطريقة هستيرية عشان عمره م عمل فيا كدة ابدا لحد م وقعت في الشارع وحسيت ان جالي جلطة وشلل في الشارع والناس اتلمت
كان بيشتمني انا واهلي شتايم وحشة جدا وهو مكنش كدة
اصلا الخناقة دي كلها حصلت لية ؟؟؟
عشان في بداية علاقتنا كان بيقولي لما تيجي تخرجي قوليلي بس انتي فين عشان اكون عارف انتي فين
وبعد كدة بقى يقولي طب معلش قوليلي قبلها عشان اكون عارف انتي هتروحي فين
بعد كدة بقى يقولي طب معلش م بلاش المشوار ده وكنت بقوله طبعا حاضر من عنيا لانه كان بيطلب باسلوب كويس وبيحرجني حتى لو كان نفسي اروح المشوار ده
وبعدين بقي يقول لا أنتي لازم تستأذني ويا اقول اه او لا
المهم الخناقة دي انه كان قايلي لا مفيش مرواح مشوار معين
رحت قلتله طيب وفي اليوم ده اتخانقت مع ماما وكنت لازم انزل عشان مخنوقة جامد فنزلت وانا على اول الشارع قلتله انا خارجة قالي رايحة فين قلتله كذا قالي طب انا جايلك وكان بيكلمني براحه وبعدين تقريبا الشيطان قعد يوسوسله في الطريق لحد م وصل وبهدلني البهدلة دي عشان مسمعتش كلامه

هو اصلا حتى قبل الخناقة دي لما في الخناقة يشتم ولا حاجة كان بعد ما يهدى يعد يقولي والله انا ندمان وكان ساعات يعد يعيط ويقولي انا مش راضي عن نفسي ومعرفش اية اللي وصلني لكدة انا مكنتش كدة وفعلا كان صادق وبعد الخناقة قالي انا خلاص اتغيرت وعمرك م هتلاقي البني ادم ده تاني ابدا وانتي متستهليش كدة وفعلا نوعا ما اتحسن وبقيت اشجعه بس جه النهارده شتم تاني واتعصب والمشكلة انه لما بيتعصب بيطلع قرارات بيندم عليها لما يهدى وبيرجع فيها وبيخلف وعوده ليا وقت غضبه

انا بعد الخناقة الكبيرة دي كنت خلاص قلتله والله لو موتني م هتجوزك
بس انا لما بقوله كدة بيتعصب جدااااااااااااااا وبيقولي هتتجوزيني غضب عنك ومش بمزاجك ولو قلتي لاهلك هفركش هتلاقيني نطتلكم وقتلت حد فيكم وهو اصلا مش متخيل ابدا ننا منتجوزش وجربت كذا مرة افكرش فعل ابيتحول لمجنون حقيقي والله وممكن يعملها انه يقتلني او حد من اهلي لو متجوزتهوش
هو في وقت هدوءه حنين جدااااااااااااااااااااااااااااااااااااااااااااااااااااااااااااااا هتستغربوا انا عارفة بس والله حنين اوي اوي وطيب ومحدش يشوفه الا ويقول عليه طيب وهو فعلا كدة وبيعترف باخطائه وبيسعى دايما انه يفهمني ويراعي مشاعري وفينا صفات كتير جدا متشابهه وبنحب بعض جدا بطريقة تخض ووقت م بيكون هادي بنبقى زي عصفورين طايرين في الجنة بس نتيجة بقى تغيره انا بقيت اعاند قدامه واكسر كلامه لاني مبقتش طايقة الوضع دة
هو مطلع قرارارت مفيش بيات برة البيت واروح الساعة كذا وكل مشوار لازم يكون باذنه وحاجات كتير كنت بحترمها الاول دلوقتي بقيت اكسرها وقت عصبيته من كتر خنقتي لانه ضاغط عليا وانا استحملت كتير
هو نفسه بيقولي انتي متستاهليش مني كدة وانا غلطان وانا لازم اتغير مش عشانك بس عشان انا مينفعش اكون الشخصية دي
انا بحس انه الانسان اللي بتمناه واكتر كمان بس لما بيبقى هادي ووقت عصبيته ببقى مش طايقه افكر فيه

دلوقتي انا مش عارفة هل هو يصلح كزوج ولا لأ
مشكلتي في كذا حاجة
1- مش قادرة ابعد عنه لاني بموت فيه
2- الخساير المادية اللي خسرها عشان خاطري وهو اصلا مش غني مثلا مش هتفرق معاه لا ده خسر وهو محتاج الفلوس دي
3- اهلي ميعرفوش كل المشاكل دي ولو عرفوا جزء صغير جداااااااااااااااااااااا هيكون نهاية الموضوع لانهم بيتلككوا للموضوع
4-اني عارفة انه مش كدة ومش دي شخصيته بس مش واثقة انه هيرجع زي الاول وانا واثقة اني عمري م هستحمل المعاملة دي ابدا

على فكرة في غلطة بشعة غلطتها اني كنت بقوله كل كلمة بتتقال عنه في البيت عندنا _وهو اللي كان بيقولي قوليلي_ عشان يتفادى الاخطاء اللي بيرتكبها وافخر بيه قدام اهلي واهلى ميضايقوش منه وللأسف ده خلاه يشيل منهم جدا وخصوصا ان بابا اهانه في بيتنا اهانه جامدة جدا وجرحه قدامنا وهو عشان طيب بيحاول ينسى عشاني

انا عايزة مش عايزة ردود عاطفية بجد والله الموضوع مصيري انا محتاجة ردود عقلانية جدا ومحدش يستهتر بالرد عشان خاطري عشان ردودكم هتحدد حاجات كتير ومحدش حد يقولي قولي لحد من اهلك عشان النهاية هتبقى على ايدهم حتى لو هو اتغير وبقى كويس

وادعولي:16::16::16::16: