قصة ولادتى بلمار نور عيونى

ازيكم جميعآ حبيت اقولكم قصة ولادتى ببنوتى لمار
انا دى ولادتى البكريه
كان مفروض نهاية التاسع عندى 17\4 والدكتور محدده ليا انى اروح لها يوم السبت 4\4 علشان تحدد معايا هاولد طبيعى ولا قيصرى وتفحصنى ليلة السبت حسيت بالم ومعرفتش انام غير الساعه 7 الصبح بس محطيتش فى بالى وقولت الم عادى مفيش مشاكل وتانى يوم صحيت على الساعه 2 الضهر ماما بتزعق معايا علشان اقوم اكل اى حاجه فقمت من النوم ورحت اعمل شاى بلبن ليا انا وجوزى وماما ولاول مره من 3 شهور قررت اعمل حاجه فى البيت و قررت اغسل الصحون واذا بيا لقيت مايه بتنكب منى مشيت وانا مرعوبه وقولت لماما وجوزى فى مايه بتنزل ماما قالتلى هتلاقيكى بيتهيالك وجوزى شاف رجل البيجاما قالى دى ناشفه وانا حاسه بالمايه عماله تنزل وفى الاخر شافوها قامو اتصلوا جرى بالدكتوره لقوها فى مؤتمر فى بلد تانيه مع انى كان ميعادى معاها بس سبحان الله مش مكتوبلى اولد معاها وانا كنت متابعه مع دكتور تانى اتصلنا بيه لقيناه فى المستشفى وقالى اروح جرى رحت فحصنى سونار وقالى ان معظم المايه نزلت ولسه هتنزل كلها و انى لازم ولاده ولقى ال رحم مغلق تمامآ فقررلى قيصرى وحجزنى فى المستشفى وكان جوزى اتصل بامه جت هى واخواته البنات اختين واخوه وشويه ولقيت عمته وبنتها جم وشويه ولقيت مرات وبنتوتها الصغيره جت وكله فضل معايا لغاية مالدكتور يخلص الكشوفات اللى عنده وكان ده من الساعه 4 لبعد صلاة المغرب 6 ونص وانا ا صلآ مرعووووووووووووووبه وعلى اخرى صليت الضهر والعصر والمغرب اليوم ده الحمد لله والدتور جه بعد المغرب وبداوا يجهزونى للعمليه وانا لرعب زاد فيا ودخلت اودة العمليات وقبل ماادخل كنت بقول لجوزى ماتيجى ننزل وماندخلش العمليات بس مارديش للاسف المهم قبل ماادخل العمليات وصيته انى يخلى ماما تعربى البنوته لو حصلى حاجه بس هو مارديش يسمع وصيتى ودخلت اودة العمليات ورقدت على السرير وبعدين حطولى الكنوله اللى هيدونى التخدير فيها واستنوا لما النيرس جهزت كل الادوات وبعدين ضربونى البنج كان كلى ومحسيتش غير لما بقي ت فى غ رفتى والناس حواليا كتروا وعملين يتكلموا وخصوصآ حمايا كان صوتوا عالى من غير لازمه وانا مدروخه ومش قادره وعماله اقول لجوزى خرج الناس مارديش وقولت لبنت خالى تخر جهم قامت قايلالهم ابله ايمان بتقولكم وطوا صوتكم ومفيش فايده وشويه وقعدوا يقلوا كفته فىة الاوده وانا مش مستحمله اشم روايح شويه وكنت هادعى ع ليهم من البهدله اللى شفتها وعلى بالل يل كنت فقت كويس وجبولى البنوته رضعتها وشويه وجت النيرس ونزلتنى ومشتنى شويه بس طبعآ كنت دايخه من البنج بس الحمد لله على كل شئ ودى كانت قصتى وسمحونى طولت