ياليت الي تعرف تقولي

عزيزتي أي تمرين تسوينه سواء للريول أو الايد أو غيره ممكن يكبٌر عضلاتج بس بشرط ...لازم تحطين وزن ثجيل .. وتسوينه على سبيل المثال 8 مرات.. استراحة بسيطه.. 8 مرات.. ستراحة بسيطة.. 8 مرات
حاولي ما تزيدين عدد المرات عشان ما تعطين جسمج وعضلاتج فرصة انها تحرق الدهون.. ومع الايام زيدي الوزن بس عدد المرات خليها مثل ما هي ...
يعني أنا مثلا "واعوذ بالله من كلمة أنا" يكون الوزن اللي استخدمه حق تمارين الريول مثلا 40 كيلو أو مثلا 50.. هو صعب بس انا اسويه 8 مرات (التكرار 3 مرات) ... انتي اذا توج في بدايتج طبعا لا تحطين هالوزن .. خليه مثلا 20 ..
أهم نقطة ما يكون الوزن خفيف عليج وما تتعبين منه .. بس في نفس الوقت ما يكون واااااااايد ثجيل ويسببلج شد أو تمزق عضلي..

ان شاء الله بتحصلين نتايج اذا استمريتي وعضلاتج بتكبر وبتنشد