مجربات الحمل خارج الرحم تعالو

هلا حبوبة سوي تحليل الدم و هم بيقارنون بين نسبة الهرمون و يشوفون الالتراساوند ..اذا شافوا الهرمون يزيد و مافي كيس (طبعا سونار مهبلي) بيكون خارج الرحم و ان شاء الله ما يكون بس ما انصحج تتاخرين أبدا

هلا أختي ... وانا بعد ماأنصحج تتأخرين ... روحي وأفحصي ... صار حق أختي نفس الشي والحمد الله هي كانت في البداية واكتشفوه خارج الرحم ... قالت لها الدكتورة الحمد الله انه اكتشفنا في البداية عشان مايصير مضاعفات ....

واي الله يستر انا عارفه مالي نصيب بموت صراحة

عليج بالدعاء الخاص النيه
وربي يرزقج بالذرية الصالحة يا رب العالمين

الله ييسر لج ان شاء الله

هالجنين لازم ينزل .. ولا تهملين نفسج لأنه خطير بعدين ماشاء الله ولدج الثاني بعده صغيرون ..

اتريي شوي ..

وصح بسألج شو سويتي في سالفة الورم الي كنتي كاتبه عنه ؟ طمنينا

الحين مب سالفة ولدي صغير والا كبير الحين ماشاء الله كبر وصار ريال

الحين قصتي ويه الحمل الزفت اللي صار لي وهو خارج الرحم خلاص الدكتورة بتسويلي فحوصات وبيسوون لي تنظيف او ابره او ادوية

بس هي اتقول حالتي متاخرة

وخلاص من بعدها مااقدر احمل ولله الحمد على نعمته

حبيبتي انا صار لي حمل خارج الرحم
بس ما اتذكر اي اسبوع كنت
بس اعتقد كنت في الشهر الثاني
الاعراض الي صارت لي الم اسفل البطن جهه اليمين
وكانت اللام تعور واجد
لدرجه انتي كنت اصيح
وبعدين لما رحت المستشفى قالوا لي الحمل خارج الرحم
بعدين بغوا يسوا لي العمليه بس انا رفضت
وبعدين قالوا لي في ابراه تطيح الجنين
بس بنسبه ضئيله يطيح الجنين
فقلت لهم ما مشكله بجرب الابراه
وسوى لي الابراه
وقالوا لي هذا الابراه يخلي الطفل يتأكل
وبعدين يومين من الابره طاح
ونزل لي الدم
بس قالوا لي لازم ما يزل دم وايد
وكانوا بين فتره وفتره يشوفوا كميه الدم
والحمد الله بعد اسبوع طلعوني من المستشفى
لكن كنت ارووح عيادات كل اسبوع
عشان يسوا لي فحص دم ويشوفوا كميه الهرمونات
والحمد الله كل شي مر على خير بدون عمليات والخرابيط
بس مع الابراه الحمدالله رب العالمين نفعني
واي استفسار انا حاظره
بس حاولي ترسلي على الخاص لاني يمكن ما اشوف على العام

مشكورة يافاطمة وماقصرتي افدتيني وبراسلج عالخاص

خرزة زرقة;9272508:
مشكورة يافاطمة وماقصرتي افدتيني وبراسلج عالخاص

العفوا حبيبتي
في ايو وقت
بس اريد منكم دعوات من القلب انه الله يثبت لي حملي الثالث
بأذن الله

امين يارب جميعا