طلب لبنات البحرين عاما وبنات السعودية خاصا

م

ملكة بس اميرة

عروس مشرقة

20-04-2009 | 08:06 PM

شخباركم بنات
طلبتكم وتكفون لا تردوني يا بنات البحرين اي وحده اتعرف خياط يخيط حلو و مرتب وتكون اسعاره مناسبه:o
ويا بنات السعودية اذا ما عليكم امر اسماء محلات لفساتين اعراس تكون حلوة واسعاهم مناسبة
ساعدو اختكم عندي خطوبة اخوي وعرس صديقتين ومو حلو اخذ فستان والبسة حق عرسين يعني ابغي اخذ ثلاث فساتين
فلازم اوفر على خطيبي اشوي فقاعده ادور شي حلو واسعار مناسبة والي تعرف تساعدني لا تبخلون علي اول مره اطلب منكو شي:)

S

SHDAN

عروس مشاركة

21-04-2009 | 02:10 AM

اللة يوفقك ويحقق لك الي تتمنينة في جدة عندك سوق المساعدية وسوق الحفني فية اشياء حلوة في نفس الوقت ماهي غالية ويارب اكون افتك

م

ملكة بس اميرة

عروس مشرقة

21-04-2009 | 05:42 PM

مشكورة حبيبتي ما قصرتي فيج الخير

م

ملكة بس اميرة

عروس مشرقة

21-04-2009 | 05:44 PM

اشدعوه الوحده ما تطلب منكم شي
29 مشاهدة ورد واحد بس
ما طلب منكم شي ما طلبت الا اسم محلات
لكن على العموم مشكورين وما قصرتوا كفيتو ووفيتو

g

gحـيدة ڪالقمر

عروس ماسية

21-04-2009 | 05:46 PM

هلا حبيبتي

بالنسبة للخياط ما عندي فكرة الصراحه

وانا عن نفسي مو شرط اخيط عند محل معروف

اخيط عند خياط قريب من البيت هندي بس خياطه حلو ومرتب

واسعاره بعد معقولة

اما بالسبة للفساتين في البحرين ما بتلقين فساتين رخيصة

كلها من 100 ورايح

شوفي البنات يمكن احد يأجر فساتينه

او روحي السعودية في مجمعات فساتينها حلوة وسعارها معقولة

جيكي عندك الحياة بلازا والجمعه سنتر

وبس هذا اللي عندي يارب البنات يفيدونك

والله يبارك لكم

ع

عروس البحريين

عروس فضية

21-04-2009 | 05:51 PM

اهلين حبيبتي انتي ماوضحتي تبين تخيطين حق شنو من جذي يمكن البنات ماساعدووج

اذا تقصدين تبين تيطين مثل جلابيات او اشياء عاديه عندج المحرق كلها خياييط وفي واحد وايد اوكيه انا كنت قبل اتعامل معاه في محرق يم حلويات طارق

واذا تبين خياط حق فستان سهره

عندج في محرق اممممم واين صاير ؟؟ّ!!!!
اهي فلبينيه اللي تخيط يصير تقريبا عند مدرسه طارق بس مو يمه ....يكون في الشارع اللي كله محلات هههه ماعرف اسمه جان ساعدتج اكثر هذي المحل الفلبينيه تخيط كله فساتين سهرات وتسوي لج الموديل بعد على جسمج وايد خياطها حلوو ربعي دايما يسون عندها

وعن السعوديه من جم يوم رحت مجمع الظهران في محل فساتينه ايننوون وايد حلوه واسعاره بعد احلى

انشاءالله افدتج

م

ملكة بس اميرة

عروس مشرقة

21-04-2009 | 08:07 PM

مشكوري حبيباتي على الرد
ما قصرتو
وحيدة كالقمر ممكن حبيبتي اتقولين الخياط الي تخيطين عنده وين يصير بالضبط او اسمه و في اي منطقة
ومشكورين مره ثانية

ش

شــرينة

عروس ذهبية

21-04-2009 | 08:52 PM

اهلين حبوبة

بالنسبة للخياط عندج في مدينة عيسى خياط رتيبة
في توبلي بالتحديد مكان يم صيدلية المرايا ..
واسعاره حلوة يعني مو غالي وايد ويعتمد على الموديل...

وبعطيج فكرة يمكن تعجبج عشان تعادلين في مصاريف الفساتين ..:)
لخطوبة اخوج اخذي فستااان حلو بسيط وناعم يمدحون الحياة بلازا
وعندج مجمع فينيسيا في السعودية كله فساتين تحت بس ماعرف اسعارهم..

وبالنسبة لعرس صديقاتج فصلي واخذي القماش من المحلات الهندية
مثل اشكال وديفيا ترى عندهم قماش حلو واشكال حلوة وبارخص الاسعار
وتقدرين تسوين فيهم موديلات وادخلين فيهم فصوص مثلا او اي شي تبينه

بجذي تكونين وفرتي وما خسرتي وايد .. لان اغلب الفساتين ينلبسون اكثر شي مرة
او مرتين وما بتردين تلبسينهم خاصة اذا في عندج حفلات متقاربة في وقتها ...

وبالتوفيق ومبروك مقدما ..