خواتي البحرينيات .. اماكن تدريب الرياضة ..

ايمي الجكر;9267024:

اانا كنت اروح نادري ملكة الرشاقه في بو كواره

الشهر ب 18 دينار

أجهزه فقط ... من غير ايبروبكس

بالنسبه لي كان نادري وايد حلوو وعجبني ... والاجهزه متوفره وخصوصا اجهزة الاثقال ... بس شوي يصير ضغط عند اجهزه المشي .. لكن تمام حلووو وايد

ويقولون ان طلع المركز الأول على نوادي مملكة البحرين يعني في المرتبه الأولى

مشكووووووووووووووووووورة اختي

في صالون اصيلة في منطقة البوكوارة بس اناكنت اروح عندهم من زمان يعني صار لي فتره ما ادري مازال عندهم هالبرنامج وبنفس الاسعار لو صار تغيير
بس قبل كان عندهم ايروبيكس واجهزة على يد مدربة فلبينيه وعراقية وسعر الاشتراك للشهر ب20 دينار
**********************************************************
وفي في المحرق صوب نادي المحرق بس مو متذكره اسمه بالضبط بس اهو بنفس مدخل نادي المحرق صاير بداخل نفس السور في صاله كبيره للأجهزة+مدربة ايروبكس بحرينية وفلبينية واول ما تدخليين يقيسون لج طولج ووزنج ونسبة الدهون بالجسم ويعطونج وزنج المثالي وبرنامج المناسب للعب على الاجهزة كل وحده حسب احتياجها وحالتها بالاضافه لجاكوزي وسونا وحمام بخار وكل هذا ب 20 دينار بالشهر بس هذا بعد رحته قبل سنتيين تقريبا يمكن اللحين زادت الاسعار
***********************************************
وفي vlcc اللي بالزنج عبارة عن ثلاثة اقسام خاص بالشعر والبشرة والتنحيف قسم التنحيف في اجهزة وفي اخصائيات تغذية وفي تنحيف الجسم بالاجهزة والفزيو ثرابي ولكل شخص برنامج معين يتضمن عدة جلسات والاسعار تتراوح ما بين 300 دينار غلى 1000 دينار ع حسب عدد الجلسات اللي يحتاجها الشخص

ولج مني احلى تقييم مشكوره ع الموضوع المفيد

صالون ناريمان بشارع البديع اكبر نادي في البحرين

فيه بركة سباحه وجاكوزي وسونا وايروبيكس وفيه مدربات فلبينيات رحت جم شهر

صالون النجمه في مجمع الهاشمي خوووش صالون وضعفت وااااايد عندهم لان كانت المدربة

شديدة شوووي وتراقبج وكنت مرتااااااحة ..

صالون الوزان بالسلمانيه بعد حلووووو وضعفت علييه

وعن الاسعار والله نسيت

صالون نريمان الشهر 20دينار
ونجمة كانه 30 دينااار الشهر
والله يوفق الجميييع

مشكوررين خواتي ويالله كملوا

انا إن شاء الله بروح صالون غصون في مدينة حمد الدوار الاول إيروبكس ب15 دينار لمدة 6 ايام وعندهم من الساعة 10 لين 11 و11-12 و4-5 و5.30 لين 6.30 والساعه 7-8

وتقدرين تروحين اي وقت يعجبج

قصدي غزلان موب غصون

الله عليج عجبني الموضوع

انا كنت حابه اعرف كم نادي وماقصرتي

وماقصرو الاخوات بعد

يعطيكم العافيه

ولج مني احلى تقيم تسلمين حبوبه

تسلميييييين اختي عالموضوع والله كنت ناوية ادخل واستفسر لكنج ما قصرتي

بس بالنسبة للنوادي او الصالات .. هل فقط للتنحيف .. يعني ما عندهم مثلا

تمارين لياقة و زيادة وزن ؟؟

وينكم بنوتات .. محد رد علي :(

مشكووووووووووورين بس وين التقييم
ويالله بعد ابغي مشاركات اكثر

صالون شوووق في مدينة عيسى
وصالون التراضي بعد في مدينة عيسى
والاشتراك ب10 دينااار
وصالون التراضي اذا تشتركين 3 شهور يعطونج ب20 على مااعتقد