دعوه للمشاركه الافاده والاستفاده ..تجربتي مع تأخر الحمل ..

السلام عليكم ورحمة الله وبركاته :

اخواتي الغاليات في قسمي الغالي سأقوم في هذا الموضوع بطرح تجربتي مع تأخر الحمل والمراحل اللي مريت فيها من العلاج المتواصل ..

والدعوه مفتوحه لكم جميعا للمشاركه بتجاربكم مع تأخر الحمل ، العلاج اللي مريتوا فيه وطرح اسئلتكم حتى تعم الفائده ..
نتبادل خبراتنا وبأذن الله نصل لهدفنا وهو تحقيق الامومه بأمر الله لكل متأخره بالحمل في هذا القسم العزيز ..

شعارنا في هذا الموضوع : لا يأس مع الحياه.. والصبر مفتاح الفرج ..

ملاحظه هامه : الموضوع خاص بقسم المتأخرات عن الحمل في منتدى عروس فقط ولا احلل نقله الى اي منتدى او مكان اخر ..

خلينا ابدأ بتجربتي الطويله ولله الحمد مع تأخر الحمل ورح احاول قدر الامكان اختصر :

رح ابدأ بمرحلة العلاج بعد ولادتي الاولى .. الحمدلله رزقت بطفلتي بعد 3 سنوات من زواجي ..
سبب تأخر الحمل عندي غير معروف لاني بفضل الله سليمه ما عندي اي مشكله وزوجي كمان تحاليله تمام ..

حملي الاول كان طبيعي بدون علاج مع انه تأخر سنتين وتلات شهور ..
لما صار عمر بنتي سنتين بدأت من جديد رحلتي للعلاج ..

بدأت كالمعتاد بفحوصات الهرمونات والاشعه الصبغيه والحمدلله كله كان ما في مشاكل ..
بعد هيك لجأت للابر المنشطه الجونال اف تنشيط للمبايض .يتكونوا بويضات بحجم مناسب وما يصير حمل ... طبعا كل شي كنت اعمله تحت اشراف طبي كامل ..
كل وقت والتاني كنت ازهق من العلاج اتركه فتره وارجع ابدأ مره تانيه .
طبعا ما خلي علاجي من اللجوء الى الطب الشعبي والوصفات اللي قريتها بالمنتدى والعسل وطلع النخيل وكل شي ممكن .. والذهاب الى ممرخه اكتر من مره .. وكله بدون نتيجه .


بعد هيك عملت تلقيح صناعي مره ومرتين وتلات مرات وبدون فايده ما يصير حمل ..(w)

بعدين الدكتور قرر يحولني للمستشفى عشان أعمل اطفال انابيب ..مع العلم اني سليمه وزوجي سليم بس ما في حل تاني ..


وبدأت رحلة المعاناه مع اطفال الانابيب .. اصعب تجربه بالنسبه الي كانت هالتجربه خصوصا لما تعملي كل شي عليكي ولما تبدي تحضري للعمليه من قبل شهر وتاخدي ابر الله اعلم بعددها وفحوصات كل يوم والتاني وتستني 14 يوم بعد العمليه واااااااااخر شي يقولولك :

:Zb_sor1:مااااااااا في حمل ..
يعني اول تجربه كانت فاشله الحمدلله ...


تحطمت اول مره وقررت ما اعيدها بس كان عندي 2 اجنه مجمدين قلت بستفيد منهم يمكن تنجح .. :think:

مره تانيه اطفال انابيب:

النتيجه بعد طول انتظار :


ماااااااااااااا في حمل :poster_oops:


قررت ارتاح وما اعيد العمليه مره تانيه .. بس كلام الناس واحساسي انه بنتي بتكبر والعمر بيمر
رجعت مره تانيه فكرت باطفال الانابيب للمره التالته بعد اربع او خمس شهور من التجربه التانيه ..

طبعا خلال كل هالوقت ما كنت اقصر من قراءة القران وسورة البقره يوميا والدعاء والتضرع الى الله بصلاة قيام الليل انه يرزقني ..ويريحني ويفرج همي .

وصلت اخيرا لقناعه انه اكيد اذا الله كاتب لي الحمل رح احمل ولو شو ما عملت والله ما اراد ما رح يصير حمل .. وكلت امري لربنا ورجعت للتحضير للعمليه ..


المره هاي ما في اجنه مجمده يعني منشطات من جديد ورحلة عذاااااااب جديده ا لحمدلله على كل حال ..

والنتيجه للمره التالته :


كمان مااااااااااااااااااااااا في حمل ..:sm229::handdown:


تخيلوا احساسي وشعوري كل مره .. احباط وتعب نفسي وجسدي ومادي الله اعلم فيه بس
كنت اردد على طول :
انا لله وانا اليه راجعون ولا حول ولا قوة الا بالله اللهم اجرني في مصيبتي واخلف لي خير منها ..

يعني كان لازم بعد كل هالتعب انسى فكرة الحمل مره تانيه ..

بس ايماني بالله واحساسي انه اكيد رح تفرج زاد اصراري اني اعيد العمليه للمره الرابعه خصوصا انه كان عندي اجنه مجمده الحمدلله .. يعني بيكون تعب العمليه اخف ..
بعد شهر من فشل العمليه للمره التالته رجعت للمستشفى عشان اعيد العمليه : قرر الدكتور المره هاي يكبر الاجنه يومين بالمختبر وبعدين يرجع لي اياهم ..
عملت العمليه للمره الرابعه متوكله على الله وراضيه باللي كاتب لي اياه ..

النتيجه بعد 14 يوم من الترجيع :




ما شاء الله والحمدلله حاااااااااامل الحمدلله رب العالمين ..

واخيرا تحقق حلمي بعد معاناه وصبر ..

رحلتي مع تأخر الحمل طولت كتيييييييييير بس كل مره كان يزيد ايماني واملي بالله .. وكنت على يقين انه الفرج قادم اكيد .
طولت عليكم كتير بس ان شاء الله خلال الموضوع برجع بحكي عن مراحل العلاج للتلقيح ا لصناعي ولاطفال الانابيب بالتفصيل ..

بالله عليكم كل من تدخل الموضوع تدعي لي بتمام حملي على خير وسلامة
واذكركم مره تانيه انه الموضوع فقط لمنتدى عروس ولا احلل نقله الى اي مكان اخر ..
بانتظار تعليقاتكم كتابة تجاربكم واسئلتكم واستفساراتكم ..